ପୁଣିଥରେ ଦିନିକିଆରେ ୧ନଂ ବ୍ୟାଟର ହେଲେ ବାବର; ଶୁବମନ ଗିଲଙ୍କୁ ପଛରେ ପକାଇଲେ ବାବର
ପୁଣିଥରେ ଦିନିକିଆରେ ୧ନଂ ବ୍ୟାଟର ହେଲେ ବାବର । ଶୁବମନ ଗିଲଙ୍କୁ ପଛରେ ପକାଇ ୧ନଂ ହୋଇଛନ୍ତି ବାବର ଆଜମ୍ । କିଛି ଦିନ ପରେ ପୁଣି ବାବର ୨ନଂକୁ ଖସିଛନ୍ତି । ବିଶ୍ଵକପ ବେଳେ ଗତ ନଭେମ୍ବର ମାସରେ ଗିଲ୍ ବାବରଙ୍କୁ ପଛରେ ପକାଇ ଆଇସିସି ରାଙ୍କିଙ୍ଗରେ ୧ନଂ ସ୍ଥାନରେ ପହଞ୍ଚିଥିଲେ ।
ଗିଲଙ୍କ ପାଖରେ ୮୧୦ ପଏଣ୍ଟ ଥିବା ରହିଛି । ସେହିପରି ବାବର ୮୨୪ ପଏଣ୍ଟ ସହ ୧ନଂରେ ରହିଛନ୍ତି । ଗିଲଙ୍କ ପଛକୁ ବିରାଟ ଓ ରୋହିତ ଶର୍ମା ଯଥାକ୍ରମେ ୩ ଏବଂ ୪ ନଂ ସ୍ଥାନରେ ଅଛନ୍ତି । ୫ମ ସ୍ଥାନରେ ଡେଭିଡ ୱାର୍ଣ୍ଣର, ୬ଷ୍ଠରେ ଡାରେଲ ମିଚେଲ, ୭ମରେ ହ୍ୟାରୀ ଟେକ୍ଟର, ୮ମରେ ରସି ଭାନ ଡେର ଡୁସେନ, ୯ମରେ ଡାୱିଡ ମଲାନ ଓ ୧୦ମରେ ହେନରିଚ କ୍ଲାସେନ ରହିଛନ୍ତି ।
ସେହିପରି ଦିନିକିଆ ବୋଲିଂରେ ଟପ ୧ରେ କେଶବ ମହାରାଜ ଓ ଦ୍ୱିତୀୟରେ ଜୋଶ ହେଜେଲଉଡ ରହିଛନ୍ତି । ମହମ୍ମଦ ସିରାଜ ପୂର୍ବଭଳି ୩ରେ ଅଛନ୍ତି । ବୁମ୍ରା ୫ ଓ କୁଲଦୀପ ୮ନଂରେ ଅଛନ୍ତି ।
ଟି-୨୦ରେ ସୂର୍ଯ୍ୟ କୁମାର ଯାଦବ ପୂର୍ବଭଳି ନଂ ୧ ସ୍ଥାନରେ ନିଜକୁ ମଜବୁତ କରି ରଖିଛନ୍ତି । କିନ୍ତୁ ବୋଲିଂ ରାଙ୍କିଙ୍ଗର ୧ନଂ ସ୍ଥାନରେ ଥିବା ଭାରତର ରବି ବିଷ୍ଣୋଇଙ୍କୁ ପଛରେ ପକାଇ ଇଂଲଣ୍ଡର ଆଦିଲ ରସିଦ ଟି-୨୦ ବୋଲିଂ ରାଙ୍କିଙ୍ଗର ୧ନଂ ସ୍ଥାନ ଦଖଲ କରିଛନ୍ତି ।
ଇଂଲଣ୍ଡର ଦ୍ୱିତୀୟ ବୋଲର ଭାବେ ରସିଦ ଆଇସିସି ଟି-୨୦ ରାଙ୍କିଙ୍ଗରେ ୧ନଂ ସ୍ଥାନ ଦଖଲ କରିଛନ୍ତି । ପୂର୍ବରୁ କେବଳ ଗ୍ରେମ ସ୍ୱାନ ଏପରି କୀର୍ତ୍ତିମାନ ହାସଲ କରିଥିଲେ ।
ଦକ୍ଷିଣ ଆଫ୍ରିକା ସହ ଦିନିକିଆ ସିରିଜରେ ଗିଲ ଖେଳୁ ନାହାନ୍ତି । ତେଣୁ ତାଙ୍କୁ ୧୬ ପଏଣ୍ଟ ହରାଇବାକୁ ପଡ଼ିଛି । ସେ ୧୬ ପଏଣ୍ଟ ହରାଇବାରୁ ବାବର ତାଙ୍କ ଉପରକୁ ଚାଲି ଯାଇଛନ୍ତି ।
Click it and Unblock the Notifications
Sign in with Google