ବର୍ଷର ଶ୍ରେଷ୍ଠ ମହିଳା କ୍ରିକେଟର ସ୍ମୃତି ମନ୍ଧାନା
ଭାରତୀୟ ମହିଳା କ୍ରିକେଟ୍ ଦଳର ଓପନର୍ ସ୍ମୃତି ମନ୍ଧାନାଙ୍କୁ ଆଇସିସି ମହିଳା କ୍ରିକେଟର ଅଫ୍ ଦି ଇୟର ଭାବେ ସମ୍ମାନିତ କରାଯାଇଛି।
ନୂଆଦିଲ୍ଲୀ: ଭାରତୀୟ ମହିଳା କ୍ରିକେଟ୍ ଦଳର ଓପନର୍ ସ୍ମୃତି ମନ୍ଧାନାଙ୍କୁ ଆଇସିସି ମହିଳା କ୍ରିକେଟର ଅଫ୍ ଦି ଇୟର ଭାବେ ସମ୍ମାନିତ କରାଯାଇଛି। ତାଙ୍କ କ୍ୟାରିୟରରେ ଦ୍ୱିତୀୟ ଥର ପାଇଁ ସ୍ମୃତିଙ୍କୁ ଆଇସିସି ମହିଳା କ୍ରିକେଟର ଅଫ୍ ଦି ଇୟର ଭାବେ ମନୋନୀତ କରାଯାଇଛି । ଏହାପୂର୍ବରୁ, ସେ 2018 ରେ ମଧ୍ୟ ଏହି ସମ୍ମାନ ପାଇଥିଲେ । ପୁରୁଷ ବର୍ଗ ବିଷୟରେ କହିବାକୁ ଗଲେ, ଚଳିତ ବର୍ଷ କୌଣସି ଭାରତୀୟ ଖେଳାଳି କୌଣସି ଫର୍ମାଟରେ ପୁରସ୍କାର ଜିତିପାରି ନାହାନ୍ତି ।
ଭାରତୀୟ ମହିଳା କ୍ରିକେଟ୍ ଦଳର ଓପନର୍ ଗତ ବର୍ଷ ହାରାହାରି 38.86 ରେ 22 ଟି ଆନ୍ତର୍ଜାତୀୟ ମ୍ୟାଚ୍ ରେ 855 ରନ୍ ସଂଗ୍ରହ କରିଥିଲେ । ସେ ଗତ ବର୍ଷ 1ଟି ଶତକ ଏବଂ 5ଟି ଅର୍ଦ୍ଧଶତକ ହାସଲ କରିଥିଲେ। ଗତ ବର୍ଷ ଭାରତୀୟ ଦଳ ପାଇଁ ଭଲ ବର୍ଷ ହୋଇ ନଥାଇପାରେ। କିନ୍ତୁ ସ୍ମୃତିଙ୍କ ବ୍ୟାଟର ଇକୋ ସବୁଆଡେ ଶୁଣାଗଲା । ଦକ୍ଷିଣ ଆଫ୍ରିକା ବିପକ୍ଷ ସୀମିତ ଓଭର ସିରିଜରେ ଯେଉଁଠାରେ ଭାରତ 8 ଟି ମ୍ୟାଚ ମଧ୍ୟରୁ ଦୁଇଟି ଜିତିଥିଲା। ଏହି ଦୁଇଟି ମ୍ୟାଚରେ ଦଳର ବିଜୟରେ ସ୍ମୃତି ମନ୍ଧାନା ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ।
ସେ ଦ୍ୱିତୀୟ ଦିନିକିଆରେ ଅପରାଜିତ 80 ରନ୍ କରିଥିଲେ। ଏହି ମ୍ୟାଚରେ ଭାରତ 158 ରନରେ ଜିତିତିଲା। ଏହି ବିଜୟ ସହିତ ଭାରତ ସିରିଜକୁ ସମତୁଲ କରିଥିଲା । ଏଥି ସହିତ, ଅନ୍ତିମ ଟି-20 ରେ ସେ ଦଳକୁ ଜିତିବା ପାଇଁ ଅପରାଜିତ 48 ରନ୍ ସଂଗ୍ରହ କରିଥିଲେ । ଏହା ବ୍ୟତୀତ ସ୍ମୃତି ମନ୍ଧାନା ଗତ ବର୍ଷ ଭାରତୀୟ ମହିଳା କ୍ରିକେଟ୍ ଦଳର ଇଂଲଣ୍ଡ ଗସ୍ତରେ ମଧ୍ୟ ଭଲ ବ୍ୟାଟିଂ କରିଥିଲେ। ବ୍ରିଷ୍ଟଲରେ ଅନୁଷ୍ଠିତ ଏକମାତ୍ର ଟେଷ୍ଟର ପ୍ରଥମ ଇନିଂସରେ ସେ 78 ରନ୍ ସଂଗ୍ରହ କରିଥିଲେ। ଏହି ମ୍ୟାଚ୍ ଡ୍ର ହୋଇଥିଲା ।
ଏହି ଭ୍ରମଣରେ ଭାରତ ମଧ୍ୟ 3 ଟି ଦିନିକିଆର ଏକ ସିରିଜ୍ ଖେଳିଥିଲା, ଯେଉଁଥିରେ ସେମାନଙ୍କୁ 2-1ରେ ପରାଜୟର ସମ୍ମୁଖୀନ ହେବାକୁ ପଡିଥିଲା । ଏହି ସିରିଜର ଶେଷ ଦିନିକିଆରେ ଭାରତ ଜିତିଥିଲା ଏବଂ ସେଥିରେ ମଧ୍ୟ ସ୍ମୃତି ମନ୍ଧାନା 49 ରନର ଏକ ଗୁରୁତ୍ୱପୂର୍ଣ୍ଣ ଇନିଂସ ଖେଳିଥିଲେ। ଏହି ଭ୍ରମଣରେ 3 ଟି-20 ସିରିଜରେ ମଧ୍ୟ ଭାରତକୁ ପରାଜୟର ସାମ୍ନା କରିବାକୁ ପଡିଥିଲା । ଏଥିରେ ମଧ୍ୟ ସ୍ମୃତି ମନ୍ଧାନାଙ୍କ ବ୍ୟାଟ୍ ଗର୍ଜନ କରୁଥିଲା ଏବଂ ସେ ଗୋଟିଏ ମ୍ୟାଚରେ 70 ରନ୍ ସଂଗ୍ରହ କରିଥିଲେ।