ହକି ବିଶ୍ୱକପ୍: ଆଜିଠୁ ଉଦଘାଟନୀ ଉତ୍ସବର ଟିକେଟ୍ ବିକ୍ରି, ଜଲୱା ଦେଖାଇବେ ରଣବୀର ସିଂ ଓ ଦିଶା ପଟାନୀ

Updated: Wednesday, December 28, 2022, 14:18 [IST]

ହକି ବିଶ୍ୱକପ୍: ଆସନ୍ତା ବର୍ଷ ଜାନୁଆରୀ ୧୩ ରୁ ୨୯ ତାରିଖ ପର୍ଯ୍ୟନ୍ତ ଭୁବନେଶ୍ୱର ଏବଂ ରାଉଲକେଲାରେ ହେବା ପାଇଁ ଯାଉଛି ପୁରୁଷ ହକି ବିଶ୍ୱକପ । ଯାହା ପାଇଁ ଏବେ ପ୍ରସ୍ତୁତି ଶେଷ ପର୍ଯ୍ୟାୟରେ । ହକି ବିଶ୍ୱକପ୍ ଦୁଇ ଦିନ ପୂର୍ବରୁ ଅର୍ଥାତ୍ ୧୩ ଜାନୁଆରୀରେ କଟକ ବାରବାଟୀ ଷ୍ଟାଡିୟମରେ ଅନୁଷ୍ଠିତ ହେବା ପାଇଁ ଯାଉଛି ଉଦଘାଟନୀ ଉତ୍ସବ । ଯେଉଁଥି ପାଇଁ ଆଜିଠୁ ଅନଲାଇନ୍ ଟିକେଟ୍ ବୁକ କରି ପାରିବେ ଲୋକେ । ଆଜି ୧୨ ଟାରୁ ଅନଲାଇନ୍ ସାଇଟ୍ ଖୋଲି ସାରିଛି । ଅନଲାଇନ୍ ପ୍ଲାଟଫର୍ମ ପେଟିଏମ୍ ଇନସାଇଡରରେ କିଟେକ୍ ବୁକ୍ କରିପାରିବେ ଦର୍ଶକ ।

ହକି ବିଶ୍ୱକପ୍ ଉଦଘାଟନୀ କାର୍ଯ୍ୟକ୍ରମରେ ଦେଖିବା ପାଇଁ ମିଳିବ ବଲିଉଡ ସୁପରଷ୍ଟାରଙ୍କ ଜଲୱା । ରଣବୀର ସିଂ ଏବଂ ଦିଶା ପଟାନୀଙ୍କ ଡ୍ୟାନ୍ସର ତାଳେ ତେଳେ ଝୁମିବେ ଓଡ଼ିଶାବାସୀ । ସେହିପରି ସଙ୍ଗୀତ ନିର୍ଦ୍ଦେଶକ ପ୍ରିତମ, ଲିଶା ମିଶ୍ର, ନୀତି ମୋହନ, ବେନୀ ଦୟାଲ, ବ୍ଲାକସନ୍ ଡ୍ୟାନ୍ସ ଗ୍ରୁପ, ଓଡ଼ିଶୀ ନୃତ୍ୟ ଗୁରୁ ଅରୁଣା ମହାନ୍ତି ମଧ୍ୟ ଏହି କାର୍ଯ୍ୟକ୍ରମରେ ଯୋଗ ଦେବେ । ଚଳିତ ବର୍ଷ ବେଶ୍ ଚର୍ଚ୍ଚାରେ ରହିଛି ହକି ବିଶ୍ୱକପ୍ ।