ହକି ବିଶ୍ୱକପ: ଆସନ୍ତାକାଲି ସେମିଫାଇନାଲ ଫାଇଟ୍; ଜାଣନ୍ତୁ, କେଉଁ ଦଳ କାହାକୁ ଭେଟିବ କେଉଁଠି ?

ଚଳିତ ଏଫ୍‌ଆଇଏଚ୍‌ ହକି ବିଶ୍ୱକପ 2023ରେ ଚୁଡାନ୍ତ ହୋଇଛି ସେମିଫାଇନାଲ ଲାଇନ୍ ଅପ୍ । ଗତକାଲି (ବୁଧବାର) ଶେଷ ଦୁଇଟି କ୍ବାର୍ଟର ଫାଇନାଲ ଶେଷ ହେବା ପରେ ଆସନ୍ତାକାଲି (ଶୁକ୍ରବାର) ଖେଳାଯିବ ଟୁର୍ଣ୍ଣାମେଣ୍ଟର ସେମିଫାଇନାଲ ଫାଇଟ୍ ।

ଭୁବନେଶ୍ବର: ଚଳିତ ଏଫ୍‌ଆଇଏଚ୍‌ ହକି ବିଶ୍ୱକପ 2023ରେ ଚୁଡାନ୍ତ ହୋଇଛି ସେମିଫାଇନାଲ ଲାଇନ୍ ଅପ୍ । ଗତକାଲି (ବୁଧବାର) ଶେଷ ଦୁଇଟି କ୍ବାର୍ଟର ଫାଇନାଲ ଶେଷ ହେବା ପରେ ଆସନ୍ତାକାଲି (ଶୁକ୍ରବାର) ଖେଳାଯିବ ଟୁର୍ଣ୍ଣାମେଣ୍ଟର ସେମିଫାଇନାଲ ଫାଇଟ୍ ।

ଆସନ୍ତା ୨୭ ତାରିଖ (ଆସନ୍ତାକାଲି) ଦୁଇଟି ଯାକ ସେମିଫାଇନାଲ ଖେଳାଯିବ । ପ୍ରଥମ ସେମିଫାଇନାଲରେ ଜର୍ମାନୀକୁ ଅଷ୍ଟ୍ରେଲିଆ ଏବଂ ଦ୍ୱିତୀୟ ସେମିରେ ଗତଥରର ଚାମ୍ପିୟନ ବେଲଜିୟମକୁ ଭେଟିବ ନେଦରଲାଣ୍ଡ୍ସ। ଉଭୟ ମ୍ୟାଚ ଭୁବନେଶ୍ୱର ସ୍ଥିତ କଳିଙ୍ଗ ଷ୍ଟାଡିୟମରେ ଖେଳାଯିବ ।

ତେବେ ଏହି ମ୍ୟାଚ ଗତ ହକି ବିଶ୍ୱକପ ଫାଇନାଲ ମ୍ୟାଚର ରିକ୍ରିୟେସନ ସଦୃଶ ହେବ । କାରଣ ୨୦୧୮ରେ କଳିଙ୍ଗ ଷ୍ଟାଡିୟମରେ ଅନୁଷ୍ଠିତ ବିଶ୍ୱକପ ଫାଇନାଲରେ ନେଦରଲାଣ୍ଡ୍ସକୁ ହରାଇ ବେଲଜିୟମ ପ୍ରଥମଥର ପାଇଁ ଟାଇଟଲ ଜିତିଥିଲା। ତେଣୁ ପରାଜୟର ମଧୁର ପ୍ରତିଶୋଧ ନେବା ପାଇଁ ନେଦରଲାଣ୍ଡ୍ସ ନିକଟରେ ସୁଯୋଗ ରହିବ ।

ଉଲ୍ଲେଖଥାଉ କି, ବୁଧବାର ତୃତୀୟ କ୍ୱାର୍ଟର ଫାଇନାଲରେ ଜର୍ମାନୀ ସୁଟ୍ଆଉଟ ୪-୩ (ନିର୍ଦ୍ଧାରିତ ସମୟରେ ୨-୨) ଗୋଲରେ ଇଂଲଣ୍ଡକୁ ପରାସ୍ତ କରିଥିଲା। ସେହିପରି ଚତୁର୍ଥ ତଥା ଅନ୍ତିମ କ୍ୱାର୍ଟ ଫାଇନାଲରେ ନେଦରଲାଣ୍ଡ୍ସ ୫-୧ ଗୋଲ୍‌ରେ କୋରିଆକୁ ମାତ୍‌ ଦେଇ ତୃତୀୟ ‌ୟୁରୋପୀୟ ଦେଶ ଭାବେ ସେମିଫାଇନାଲ୍‌ ସ୍ଥାନ ପକ୍କା କରିଥିଲା ।

ଅନ୍ୟପଟେ ଙ୍ଗଳବାର ଅନୁଷ୍ଠିତ ଅନ୍ୟ ୨ କ୍ୱାର୍ଟର ଫାଇନାଲରେ ଯଥାକ୍ରମେ ସ୍ପେନକୁ ୪-୩ରେ ଅଷ୍ଟ୍ରେଲିଆ ଏବଂ ନ୍ୟୁଜିଲାଣ୍ଡକୁ ୨-୦ ଗୋଲରେ ବେଲଜିୟମ ପରାସ୍ତ କରିଥିଲା ।

English summary

Hockey World Cup Semifinal Fight Tomorrow