ହକି ବିଶ୍ୱକପ: ସୁଟ୍ଆଉଟରେ ଇଂଲଣ୍ଡକୁ ଆଉଟ୍ କରି ସେମିରେ ଜର୍ମାନୀ
ଚଳିତ ପୁରୁଷ ହକି ବିଶ୍ୱକପ ୨୦୨୩ର ତୃତୀୟ କ୍ୱାର୍ଟର ଫାଇନାଲ ମ୍ୟାଚରେ ଇଂଲଣ୍ଡକୁ ପରାସ୍ତ କରି ସେମିରେ ଜର୍ମାନୀ । ସୁଟଆଉଟରେ ଇଂଲଣ୍ଡକୁ ୪-୩ରେ ପରାସ୍ତ କରି ସେମିଫାଇନାଲରେ ସ୍ଥାନ ପକ୍କା କରିଛି ଜର୍ମାନୀ ।
ଭୁବନେଶ୍ୱର: ଚଳିତ ପୁରୁଷ ହକି ବିଶ୍ୱକପ ୨୦୨୩ର ତୃତୀୟ କ୍ୱାର୍ଟର ଫାଇନାଲ ମ୍ୟାଚରେ ଇଂଲଣ୍ଡକୁ ପରାସ୍ତ କରି ସେମିରେ ଜର୍ମାନୀ । ସୁଟଆଉଟରେ ଇଂଲଣ୍ଡକୁ ୪-୩ରେ ପରାସ୍ତ କରି ସେମିଫାଇନାଲରେ ସ୍ଥାନ ପକ୍କା କରିଛି ଜର୍ମାନୀ ।
କଳିଙ୍ଗ ଷ୍ଟାଡିୟମରେ ଖେଳା ଯାଇଥିବା ଏହି ମ୍ୟାଚରେ ବେଶ୍ ରୋମାଞ୍ଚଭରା ଥିଲା । ଇଂଲଣ୍ଡ ମ୍ୟାଚ୍ ଜିତିବା ଏକ ପ୍ରକାରର ନିଶ୍ଚିତ ହୋଇ ସାରିଥିବା ବେଳେ ଜର୍ମାନୀ ମାତ୍ର ୨ ମିନିଟରେ ଖେଳର ମୋଡ଼ ବଦଳାଇ ଦେଇଥିଲା । ନିର୍ଦ୍ଧାରିତ ସମୟରେ ଦୁଇ ଦଳ ପରସ୍ପରକୁ ୨ଟି ଲେଖାଏ ଗୋଲ ଦେଇଥିଲେ। ଫଳରେ ମ୍ୟାଚ୍ର ନିଷ୍ପତ୍ତି ପାଇଁ ସୁଟ୍ଆଉଟର ସହାୟତା ନିଆ ଯାଇଥିଲା। ସୁଟ୍ଆଉଟକୁ ଜର୍ମାନୀ ୪-୩ରେ ଜିତି ସେମି ଟିକେଟ ହାତେଇଛି।
ତେବେ ଜର୍ମାନୀ ତୃତୀୟ ଦଳ ଭାବେ ବିଶ୍ୱକପର ସେମି ଫାଇନାଲରେ ପ୍ରବେଶ କରିଛି । ଏବେ ଦଳ ସେମି ଫାଇନାଲରେ ଅଷ୍ଟ୍ରେଲିଆକୁ ଭେଟିବ । ଅନ୍ୟପଟେ ବିଶ୍ୱକପ ଇତିହାସରେ ପ୍ରଥମଥର ପାଇଁ ଇଂଲଣ୍ଡ ଟପ୍ ୪ରେ ପ୍ରବେଶ କରିବାକୁ ସକ୍ଷମ ହୋଇନି। ସେହିପରି ଜର୍ମାନୀ ଏଯାଏଁ ୨ଥର ବିଶ୍ୱକପ ଜିତିଥିବା ବେଳେ ତୃତୀୟ ଥର ଟ୍ରଫି କବଜା କରିବାକୁ ଲକ୍ଷ୍ୟ ରଖିଛି ।
Click it and Unblock the Notifications
Sign in with Google