ହକି ବିଶ୍ୱକପ ୨୦୨୩: କଳିଙ୍ଗରେ ଗୋଲ୍ ବର୍ଷା କଲା ଅଷ୍ଟ୍ରେଲିଆ , ଫ୍ରାନ୍ସ ପରାସ୍ତ
କଳିଙ୍ଗ ଷ୍ଟାଡିୟମରେ ଖେଳାଯାଇଥିବା ଆଜିର ଦ୍ବିତୀୟ ମ୍ୟାଚରେ ଫ୍ରାନ୍ସ ଉପରେ ୮ଟି ଗୋଲ ବର୍ଷା କରି ଦମଦାର ବିଜୟ ହାସଲ କରିଛି କଙ୍ଗାରୁ ଦଳ । ବିଶ୍ୱକପ ଇତିହାସରେ ୩ ଥର ଚାମ୍ପିଅନ ହୋଇଥିବା ଅଷ୍ଟ୍ରେଲିଆ ଫ୍ରାନ୍ସ ବିପକ୍ଷରେ ଏକତରଫା ବିଜୟ ହାସଲ କରିଛି।
ଭୁବନେଶ୍ବର: ଏଫଆଇଏଚ୍ ଓଡ଼ିଶା ପୁରୁଷ ହକି ପୁରୁଷ ବିଶ୍ୱକପ ୨୦୨୩ର ଦ୍ବିତୀୟ ମ୍ୟାଚରେ ଦମ୍ଦାର ପଦର୍ଶନ କରି ବିଶାଳ ବିଜୟ ହାସଲ କରିଛି ଟିମ୍ ଅଷ୍ଟ୍ରେଲିଆ । କଳିଙ୍ଗ ଷ୍ଟାଡିୟମରେ ଖେଳାଯାଇଥିବା ଆଜିର ଦ୍ବିତୀୟ ମ୍ୟାଚରେ ଫ୍ରାନ୍ସ ଉପରେ ୮ଟି ଗୋଲ ବର୍ଷା କରି ଦମଦାର ବିଜୟ ହାସଲ କରିଛି କଙ୍ଗାରୁ ଦଳ । ବିଶ୍ୱକପ ଇତିହାସରେ ୩ ଥର ଚାମ୍ପିଅନ ହୋଇଥିବା ଅଷ୍ଟ୍ରେଲିଆ ଫ୍ରାନ୍ସ ବିପକ୍ଷରେ ଏକତରଫା ବିଜୟ ହାସଲ କରିଛି ।
କଙ୍ଗାରୁ ଦଳର ଖେଳାଳିମାନେ ଆରମ୍ଭରୁ ଆକ୍ରମଣାତ୍ମକ ଶୈଳୀରେ ମ୍ୟାଚ୍ ଖେଳିଥିଲେ । ତେବେ ପ୍ରଥମ କ୍ୱାର୍ଟରରେ ଅଷ୍ଟ୍ରେଲଆ ଗୋଟିଏ ଗୋଲ୍ ସ୍କୋର କରିଥିଲା । ମାତ୍ର ଦ୍ବିତୀୟ ଓ ତୃତୀୟ କ୍ୱାର୍ଟରରେ ହଳଦିଆ ଦଳ ଯଥାକ୍ରମେ ୩-୩ ଗୋଲ ବର୍ଷା କରିଥିଲା । ସେହିପରି ଶେଷ କ୍ୱାର୍ଟରରେ କଙ୍ଗାରୁ ଦଳ ଫ୍ରାନ୍ସ ବିପକ୍ଷରେ ଗୋଟିଏ ଗୋଲ ଦେଇ ବିଶାଳ ବିଜୟ ହାସଲ କରିଥିଲା ।
ଅଷ୍ଟ୍ରେଲିଆ ପାଇଁ କ୍ରାଇଗ ଟମ୍ ଓ ହାଏୱାର୍ଡ ଜେରେମି ସର୍ବାଧିକ ୩-୩ ଗୋଲ ଦେଇଥିଲେ। ଟମ୍ ୮, ୩୧ ଓ ୪୪ ମିନିଟରେ ଫିଲ୍ଡ ଗୋଲ୍ ଦେଇଥିଲା ବେଳେ ଜେରେମି ୨୬, ୨୮ ଓ ୩୮ ମିନିଟରେ ପେନାଲ୍ଟି ଗୋଲ ମାରିଥିଲେ। ସେହିପରି ୨୬ ମିନିଟରେ ଓଗିଲିଭ ଫ୍ଲାଇନ୍ ଓ ୫୩ ମିନିଟରେ ୱିକ୍ହାମ୍ ଟମ୍ ଗୋଟିଏ ଲେଖାଏଁ ଗୋଲ୍ ଦେଇଥିଲେ।
ସୂଚନାଯୋଗ୍ୟ, ପୁରୁଷ ହକି ବିଶ୍ବକପର ୧୫ତମ ସଂସ୍କରଣ ପ୍ରଥମ ମ୍ୟାଚରେ ଆଜେଣ୍ଟିନା ୧-୦ ଗୋଲ୍ରେ ଦକ୍ଷିଣ ଆଫ୍ରିକାକୁ ପରାସ୍ତ କରିଥିଲା। ଯାହା ମଧ୍ୟ କଳିଙ୍ଗ ଷ୍ଟାଡିୟମରେ ଖେଳାଯାଇଥିଲା ।
Click it and Unblock the Notifications
Sign in with Google