ସ୍ଥଗିତ ରହିପାରେ ପୁରୁଷ ଜୁନିଅର ହକି ବିଶ୍ୱକପ: କ୍ରୀଡାମନ୍ତ୍ରୀ
ନଭେମ୍ବର 24 ରୁ ସ୍ଥାନୀୟ କଳିଙ୍ଗ ଷ୍ଟାଡିୟମରେ ଆରମ୍ଭ ହୋବାକୁ ଯାଉଛି ପୁରୁଷ ଜୁନିୟର ବିଶ୍ୱକପ ହକି । ମାତ୍ର ଟୁର୍ଣ୍ଣାମେଣ୍ଟ ଉପରେ ଏବେ କରୋନା ଛାୟାର ସମ୍ଭାବନା ରହିଛି । କ୍ରୀଡ଼ାମନ୍ତ୍ରୀ ତୁଷାରକାନ୍ତୀ ବେହେରା ଗଣମାଧ୍ୟମକୁ ଏହି ସୂଚନା ଦେଇଛନ୍ତି ।
ଭୁବନେଶ୍ବର: ନଭେମ୍ବର 24 ରୁ ସ୍ଥାନୀୟ କଳିଙ୍ଗ ଷ୍ଟାଡିୟମରେ ଆରମ୍ଭ ହୋବାକୁ ଯାଉଛି ପୁରୁଷ ଜୁନିୟର ବିଶ୍ୱକପ ହକି । ମାତ୍ର ଟୁର୍ଣ୍ଣାମେଣ୍ଟ ଉପରେ ଏବେ କରୋନା ଛାୟାର ସମ୍ଭାବନା ରହିଛି । କ୍ରୀଡ଼ାମନ୍ତ୍ରୀ ତୁଷାରକାନ୍ତୀ ବେହେରା ଗଣମାଧ୍ୟମକୁ ଏହି ସୂଚନା ଦେଇଛନ୍ତି । ସେ କହିଛନ୍ତି, ବହୁ ପ୍ରତୀକ୍ଷିତ ଜୁନିଅର ହକି ବିଶ୍ୱକପ୍ କୋଭିଡ-19 ପରିସ୍ଥିତି ଯୋଗୁଁ ସ୍ଥଗିତ ରଖାଯାଇପାରେ ।
ମନ୍ତ୍ରୀ କହିଛନ୍ତି ଯେ ଟୁର୍ଣ୍ଣାମେଣ୍ଟକୁ ସ୍ଥଗିତ ରଖିବା ବ୍ୟତୀତ ଅନ୍ୟ କୌଣସି ବିକଳ୍ପ ନାହିଁ କାରଣ କେତେକ ଦେଶ ମହାମାରୀ ପାଇଁ ଏହି ଟୁର୍ଣ୍ଣାମେଣ୍ଟରେ ଭାଗ ନେବାକୁ ଅନିଚ୍ଛା ପ୍ରକାଶ କରୁଛନ୍ତି। ମନ୍ତ୍ରୀ କହିଛନ୍ତି, କୋଭିଡ-19 ସମ୍ବନ୍ଧୀୟ ଚିନ୍ତାଧାରା ଦର୍ଶାଇ ତିନୋଟି ଗୁରୁତ୍ୱପୂର୍ଣ୍ଣ ଦେଶ ଟୁର୍ଣ୍ଣାମେଣ୍ଟରୁ ବାହାରି ସାରିଛନ୍ତି।
ଇଂଲଣ୍ଡ ଏବଂ ବେଲଜିୟମ ଅଂଶଗ୍ରହଣ ନକରିବାକୁ ଘୋଷଣା କରିସାରିଛନ୍ତି। ନିକଟରେ ଅନ୍ୟ ଏକ ଦେଶ ସମାନ କାରଣରୁ ଟୁର୍ଣ୍ଣାମେଣ୍ଟରେ ଅଂଶଗ୍ରହଣ କରିବାକୁ ଅସମର୍ଥତା ପ୍ରକାଶ କରିଛି ବୋଲି ମନ୍ତ୍ରୀ କହିଛନ୍ତି। ପ୍ରମୁଖ ପଲଆଉଟକୁ ଦୃଷ୍ଟିରେ ରଖି ଟୁର୍ଣ୍ଣାମେଣ୍ଟ ପୁନଃ ଆୟୋଜନ କରିବା ବ୍ୟତୀତ ସରକାରଙ୍କର କୌଣସି ବିକଳ୍ପ ନାହିଁ ।
ନୂଆ ତାରିଖ କେବେ ?
ଯଦିଓ ସ୍ଥଗିତାଦେଶ ପ୍ରାୟ ନିଶ୍ଚିତ ହୋଇନାହିଁ । ତେଣୁ ଆଜି ପର୍ଯ୍ୟନ୍ତ ନୂଆ ତାରିଖ ଉପରେ କୌଣସି ନିଷ୍ପତ୍ତି ହୋଇନାହିଁ ବୋଲି ମନ୍ତ୍ରୀ ଉଲ୍ଲେଖ କରିଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ, ଟୁର୍ଣ୍ଣାମେଣ୍ଟର ଏକ ନୂତନ ତାରିଖ ସମ୍ପର୍କରେ ଚୂଡ଼ାନ୍ତ ନିଷ୍ପତ୍ତି ହକି ଇଣ୍ଡିଆର ଅଧିକାରୀ ତଥା ଅନ୍ୟ ଅଧିକାରୀଙ୍କ ସହ ଆଲୋଚନା ପରେ ନିଷ୍ପତ୍ତି ନିଆଯିବ।
ସେପଟେ ବୁଧବାର ଅନ୍ତର୍ଜାତୀୟ ହକି ଫେଡେରେସନ୍ (ଏଫ୍ଆଇଏଚ୍) ଦ୍ୱାରା ପ୍ରକାଶିତ କାର୍ଯ୍ୟସୂଚୀ ଅନୁଯାୟୀ ଆୟୋଜକ ଭାରତ ଫ୍ରାନ୍ସ ବିପକ୍ଷରେ ସନ୍ଧ୍ୟା 7.30 ରେ ଅଭିଯାନ ଆରମ୍ଭ କରିବ। ଏହାର ପରବର୍ତ୍ତୀ ପୁଲ୍ କାର୍ଯ୍ୟରେ କାନାଡା (ନଭେମ୍ବର 25) ଏବଂ ପୋଲାଣ୍ଡ (ନଭେମ୍ବର 27) କୁ ଭେଟିବ ।
Click it and Unblock the Notifications
Sign in with Google