କ୍ରିକେଟରେ ଜାତିଆଣ ଆକ୍ଷେପ ମନ୍ତବ୍ୟ ଦେଇ ବିବାଦରେ ହରଭଜନ ସିଂହ

Harbhajan Singh: IPL 2025'କୁ ନେଇ ମଧ୍ୟ ବିବାଦ ଆରମ୍ଭ ହୋଇଛି। ପୂର୍ବତନ ଭାରତୀୟ କ୍ରିକେଟର ହରଭଜନ ସିଂହ, ଯିଏ ବର୍ତ୍ତମାନ IPL କମେଣ୍ଟ୍ରି ପ୍ୟାନେଲର ଅଂଶ ତାଙ୍କୁ ନେଇ ବିବାଦ ଆରମ୍ଭ ହୋଇଯାଇଛି । ରବିବାର ସନରାଇଜର୍ସ ହାଇଦ୍ରାବାଦ ଏବଂ ରାଜସ୍ଥାନ ରୟାଲ୍ସ ମଧ୍ୟରେ ଖେଳାଯାଇଥିବା ମ୍ୟାଚ୍ ସମୟରେ ତାଙ୍କର ଏକ ବକ୍ତବ୍ୟ ବହୁତ ଚର୍ଚ୍ଚାରେ ରହିଛି। ହରଭଜନ ସିଂହ ଉପରେ ଜାତିଗତ ମନ୍ତବ୍ୟ ଦେବାର ଅଭିଯୋଗ ଆସିଛି। ତାଙ୍କର ବକ୍ତବ୍ୟ ଜୋଫ୍ରା ଆର୍ଚରଙ୍କ ବିଷୟରେ ଥିଲା ଏବଂ ପ୍ରଶଂସକମାନେ ମଧ୍ୟ ସୋସିଆଲ ମିଡିଆରେ ହରଭଜନଙ୍କ ଏହି ବକ୍ତବ୍ୟକୁ ସମାଲୋଚନା କରୁଛନ୍ତି।

𝗛𝗮𝗿𝗯𝗵𝗮𝗷𝗮𝗻 𝗠𝗨𝗦𝗧 𝗔𝗽𝗼𝗹𝗼𝗴𝗶𝘇𝗲:
He called Jofra Archer a "black London taxi" during live commentary During IPL.
Shame Shame Shame#HarbhajanSingh #JofraArcher #IPL2025 #RRvsSRH #CSKvsMI pic.twitter.com/zNPlVeBfgN

— Pakistan Cricket Team USA FC (@DoctorofCricket) March 23, 2025

ସେ କହିଛନ୍ତି, ହରଭଜନ ସିଂହ ଇଂଲଣ୍ଡର ଦ୍ରୁତ ବୋଲର ଜୋଫ୍ରା ଆର୍ଚରଙ୍କୁ 'ବ୍ଲାକ୍ ଟ୍ୟାକ୍ସି' ସହ ତୁଳନା କରିବା ପରେ ଜାତିବାଦୀ ବିବାଦ ସୃଷ୍ଟି ହୋଇଛି ।

ପ୍ରଥମ ଇନିଂସର ୧୮ତମ ଓଭରରେ ଆର୍ଚର ହାଇଦ୍ରାବାଦର ବ୍ୟାଟର ଇଶାନ କିଶନ ଓ ହେନରିକ୍ କ୍ଲାସେନଙ୍କୁ ବୋଲିଂ କରୁଥିବା ବେଳେ ଏପରି ଘଟଣା ଘଟିଥିଲା ଯାହାକୁ ନେଇ ବିବାଦ ଆରମ୍ଭ ହୋଇଯାଇଛି । ଓଭରର ଦ୍ବିତୀୟ ଓ ତୃତୀୟ ବଲ୍‌ରେ କ୍ଲାସେନ ଆର୍ଚରଙ୍କ ବିପକ୍ଷରେ କ୍ରମାଗତ ବାଉଣ୍ଡ୍ରି ମାରିବା ପରେ ହରଭଜନ ଏଭଳି ବିବାଦୀୟ ମନ୍ତବ୍ୟ ଦେଇଛନ୍ତି ।

ପ୍ରକୃତରେ, IPLରେ ସନରାଇଜର୍ସ ହାଇଦ୍ରାବାଦ ବନାମ ରାଜସ୍ଥାନ ରୟାଲ୍ସ ମ୍ୟାଚ୍‌ରେ କମେଣ୍ଟ୍ରି କରିବା ସମୟରେ, ହରଭଜନ ଇଂଲଣ୍ଡ ଏବଂ ରାଜସ୍ଥାନ ରୟାଲ୍ସର ଦ୍ରୁତ ବୋଲର ଜୋଫ୍ରା ଆର୍ଚରଙ୍କ ବିଷୟରେ କିଛି ବ୍ୟାଖ୍ୟା କରିବା ସମୟରେ 'କଳା ଟ୍ୟାକ୍ସି' ଶବ୍ଦ ବ୍ୟବହାର କରିଥିଲେ ପ୍ରଶଂସକମାନେ ଏହା ବିଷୟରେ ପୋଷ୍ଟ ମଧ୍ୟ କରିଛନ୍ତି ଏବଂ ତାଙ୍କୁ ସମାଲୋଚନା ମଧ୍ୟ କରିଛନ୍ତି। ହରଭଜନ ନିଜେ ତାଙ୍କ ସକ୍ରିୟ କ୍ରିକେଟ କ୍ୟାରିୟର ସମୟରେ ଜାତିଗତ ମନ୍ତବ୍ୟର ସମ୍ମୁଖୀନ ହୋଇଛନ୍ତି, କିନ୍ତୁ ଏବେ ତାଙ୍କର ଏହି ବୟାନ ଚର୍ଚ୍ଚାର ବିଷୟ ପାଲଟିଛି।