୧୯୮୩ ବିଶ୍ଵକପରୁ ୨୦୨୪ ଟି-୨୦ ବିଶ୍ଵକପ; ଲତା ମଙ୍ଗେସକରଙ୍କ କନ୍ସର୍ଟ ମାଧ୍ୟମରେ ଦିଆଯାଇଥିଲା ଉପହାର, ଆଉ ଏବେ ...

ଭାରତୀୟ କ୍ରିକେଟ ସଫଳତାର ଶିଡ଼ି ଚଢ଼ିଚାଲିଛି । ବୋର୍ଡ ଅଫ୍‌ କଣ୍ଟ୍ରୋଲ ଫର୍‌ କ୍ରିକେଟ୍‌ ଇନ୍‌ ଇଣ୍ଡିଆ (ବିସିସିଆଇ) ୨୦୨୪ ଟି-୨୦ ବିଶ୍ୱକପ୍‌ ଟାଇଟଲ ଜିତିଥିବା ଟିମ୍‌ ଇଣ୍ଡିଆକୁ ୧୨୫ କୋଟି ଟଙ୍କା ପୁରସ୍କାର ରାଶି ପ୍ରଦାନ କରିଛି ।

ତେବେ ଏହି ଟିମ୍ ଇଣ୍ଡିଆ ପାଖରେ ଏକଦା ଟଙ୍କା ନଥିଲା , ହେଲେ ଆଜି ବିସିସିଆଇ ହେଉଛି ବିଶ୍ୱର ସବୁଠାରୁ ଧନୀ କ୍ରିକେଟ ବୋର୍ଡ । ଯେତେବେଳେ କପିଲ ଦେବଙ୍କ ଅଧିନାୟକତ୍ୱରେ ଟିମ୍‌ ଇଣ୍ଡିଆ ୧୯୮୩ରେ ହୋଇଥିବା ଏକଦିବସୀୟ ବିଶ୍ୱକପ୍‌ ଜିତିଥିଲା, ସେତେବେଳେ ବୋର୍ଡକୁ ଦଳକୁ ପୁରସ୍କାର ରାଶି ଦେବା ପାଇଁ ଟଙ୍କା ନ ଥିଲା, ଆଉ ସେଥିପାଇଁ ଭେଟେରାନ ଗାୟିକା ଲତା ମଙ୍ଗେସକର ପାଣ୍ଠି ସଂଗ୍ରହ ପାଇଁ ଏକ ସଙ୍ଗୀତ ଶୋ' କରିଥିଲେ ।

ତେବେ ଜାଣନ୍ତୁ ସେତେବେଳେ ପୁରସ୍କାର ରାଶି ଏବଂ ଏବେର ପୁରସ୍କାର ରାଶି ମଧ୍ୟରେ ପାର୍ଥକ୍ୟ କ'ଣ?

୧୯୮୩ରେ ଲତା ମଙ୍ଗେସକରଙ୍କ କନ୍ସର୍ଟ ମାଧ୍ୟମରେ ଟିମ୍‌ ଇଣ୍ଡିଆ ପାଇଁ ପାଣ୍ଠି ସଂଗ୍ରହ କରାଯାଇଥିଲା। ଯାହା ପରେ ପ୍ରତ୍ୟେକ ଖେଳାଳିଙ୍କୁ ୧ ଲକ୍ଷ ଟଙ୍କା ଲେଖାଏ ପ୍ରଦାନ କରାଯାଇଥିଲା । ବର୍ତ୍ତମାନ୍ ୨୦୨୪ ଟି-୨୦ ବିଶ୍ୱକପ୍‌ ବିଜେତାମାନଙ୍କ ପାଇଁ ମୋଟ୍‌ ୧୨୫ କୋଟି ଟଙ୍କା ପୁରସ୍କାର ଘୋଷଣା କରାଯାଇଛି । ସରଳ ଭାବରେ କହିବାକୁ ଗଲେ ୨୦୨୪ରେ କେବଳ ଖେଳାଳିମାନେ ୧୯୮୩ରେ ପୂରା ଦଳ ଅପେକ୍ଷା ଅନେକ ଗୁଣ ଅଧିକ ପୁରସ୍କାର ପାଇଛନ୍ତି ।

ପୁରୁଷମାନେ୨୦୦୭ରେ ପ୍ରଥମ ଥର ପାଇଁ ଟି-୨୦ ବିଶ୍ୱକପ୍‌ ଟାଇଟଲ ଜିତିଥିଲେ। ଏହା ଟୁର୍ନାମେଣ୍ଟର ପ୍ରଥମ ସଂସ୍କରଣ ଥିଲା। ଏହି ବିଜୟ ପରେ ବିସିସିଆଇ ବିଜେତା ଟିମ୍‌ ଇଣ୍ଡିଆ ପାଇଁ ୧୦ କୋଟି ଟଙ୍କା ପୁରସ୍କାର ରାଶି ଘୋଷଣା କରିଛି । ଏହା ବ୍ୟତୀତ ଯୁବରାଜ ସିଂଙ୍କୁ ପୃଥକ୍‌ ଭାବରେ ୧ କୋଟି ଟଙ୍କା ପ୍ରଦାନ କରାଯାଇଥିଲା।

୨୦୧୧ରେ ଯେତେବେଳେ ଟିମ୍‌ ଇଣ୍ଡିଆ ଓଡିଆଇ ବିଶ୍ୱକପ୍‌ ଟାଇଟଲ ଜିତିଥିଲା, ବୋର୍ଡ ଚାମ୍ପିୟନ ଦଳ ପାଇଁ ୩୯ କୋଟି ଟଙ୍କା ପୁରସ୍କାର ରାଶି ଘୋଷଣା କରିଥିଲା। ଯାହା ପୁରସ୍କାର ରାଶି ତିନି ଗୁଣରୁ କମ୍‌ ଅଟେ।