ମଦ ନିଶାରେ ପତ୍ନୀଙ୍କୁ ମାଡ ମାରିଲେ ବିନୋଦ କାମ୍ବଲି

ପୁଣି ବିବାଦରେ ପୂର୍ବତନ କ୍ରିକେଟର ବିନୋଦ କାମ୍ବଲି । ସ୍ତ୍ରୀ ଏଣ୍ଡ୍ରିୟା କାମ୍ବଲିଙ୍କୁ ପିଟିଥିବା ନେଇ ଥାନାରେ ଅଭିଯୋଗ । ପତ୍ନୀଙ୍କ ଅଭିଯୋଗ ପରେ ବିନୋଦଙ୍କ ବିରୋଧରେ ମାମଲା ରୁଜୁ । ମୁମ୍ବାଇର ବାନ୍ଦ୍ରା ପୋଲିସ ଷ୍ଟେସନରେ ସେ ଏହି ଅଭିଯୋଗ କରିଛନ୍ତି ।

Published: Sunday, February 5, 2023, 16:58 [IST]

ମୁମ୍ବାଇ: ପୁଣି ବିବାଦରେ ପୂର୍ବତନ କ୍ରିକେଟର ବିନୋଦ କାମ୍ବଲି । ସ୍ତ୍ରୀ ଏଣ୍ଡ୍ରିୟା କାମ୍ବଲିଙ୍କୁ ପିଟିଥିବା ନେଇ ଥାନାରେ ଅଭିଯୋଗ । ପତ୍ନୀଙ୍କ ଅଭିଯୋଗ ପରେ ବିନୋଦଙ୍କ ବିରୋଧରେ ମାମଲା ରୁଜୁ । ମୁମ୍ବାଇର ବାନ୍ଦ୍ରା ପୋଲିସ ଷ୍ଟେସନରେ ସେ ଏହି ଅଭିଯୋଗ କରିଛନ୍ତି ।

ବିନୋଦ କାମ୍ବଲୀଙ୍କ ପତ୍ନୀଙ୍କ କହିବା କଥା, ତାଙ୍କ ସ୍ୱାମୀ ନିଶାରେ ତାଙ୍କ ଉପରକୁ କୁକିଂ ପ୍ୟାନର ହ୍ୟାଣ୍ଡଲ ଫୋପାଡି ଦେଇଥିଲେ । ଯାହା ଫଳରେ ତାଙ୍କ ମୁଣ୍ଡରେ ଆଘାତ ଲାଗିଥିଲା । ତେବେ ଶୁକ୍ରବାର ଦିନ ଦ୍ୱିପହର ୧ରୁ ସାଢେ ୧ଟା ଭିତରେ ଏହି ଘଟଣା ଘଟିଥିବା ସେ ଅଭିଯୋଗରେ ଉଲ୍ଲେଖ କରିଛନ୍ତି । ତେବେ ମଦ ନିଶାରେ ସେ ଏପରି କରିଥିବା ଜଣାପଡିଛି । ବାନ୍ଦ୍ରା ପୋଲିସର ଜଣେ ଅଧିକାରୀଙ୍କ କହିବା ମୁତାବକ, ପୋଲିସ ତାଙ୍କ ଘରେ ପହଞ୍ଚିବା ପୂର୍ବରୁ ବିନୋଦ କାମ୍ବଲୀ ନିଜ ପତ୍ନୀଙ୍କୁ ନେଇ ହସ୍ପିଟାଲ ଯାଇ ସାରିଥିଲେ । ହସ୍ପିଟାଲରେ ତାଙ୍କର ଚିକିତ୍ସା କରାଯାଇଛି । ପତ୍ନୀଙ୍କ ଅଭିଯୋଗ ପରେ ପୋଲିସ ଆଇପିସିର ଧାରା ୩୨୪, ଧାରା ୫୦୪ ଅନୁସାରେ ମାମଲା ରୁଜୁ କରିଛି ।

ଉଲ୍ଲେଖଯୋଗ୍ୟ ଯେ, କିଛି ଦିନ ତଳେ ବିନୋଦ କାମ୍ବଲୀ ଏକ ସାକ୍ଷାତକାରରେ ଚାକିରି ସମ୍ବନ୍ଧରେ ପ୍ରତିକ୍ରିୟା ରଖିଥିଲେ । ସେ କହିଥିଲେ, ତାଙ୍କ ପାଖରେ ଏବେ କୌଣସି କାମ ନାହିଁ, ବିସିସିଆଇର ପେନସନ ଭରସାରେ ସେ ଏବେ ବଞ୍ଚିଛନ୍ତି ।

Published On February 5, 2023