ଆନ୍ତର୍ଜାତୀୟ କ୍ରିକେଟରୁ ଅବସର ନେଲେ ଇଂଲଣ୍ଡ ବିଶ୍ୱକପ ବିଜେତା ଅଧିନାୟକ ଇୟନ ମୋର୍ଗାନ

ଆନ୍ତର୍ଜାତୀୟ କ୍ରିକେଟରୁ ଅବସର ନେଲେ ଇଂଲଣ୍ଡ ବିଶ୍ୱକପ ବିଜେତା ଅଧିନାୟକ ଇୟନ ମୋର୍ଗାନ । ଇଂଲଣ୍ଡ କ୍ରିକେଟ ଟିମର ପୂର୍ବତନ ଅଧିନାୟକ ଇୟନ ମୋର୍ଗାନ ଆଜି ଅବସର ଘୋଷଣା କରିଛନ୍ତି ।

Published: Tuesday, June 28, 2022, 20:18 [IST]

ଲଣ୍ଡନ: ଆନ୍ତର୍ଜାତୀୟ କ୍ରିକେଟରୁ ଅବସର ନେଲେ ଇଂଲଣ୍ଡ ବିଶ୍ୱକପ ବିଜେତା ଅଧିନାୟକ ଇୟନ ମୋର୍ଗାନ । ଇଂଲଣ୍ଡ କ୍ରିକେଟ ଟିମର ପୂର୍ବତନ ଅଧିନାୟକ ଇୟନ ମୋର୍ଗାନ ଆଜି ଅବସର ଘୋଷଣା କରିଛନ୍ତି । ଗତ କିଛିଦିନ ହେବ ତାଙ୍କ ଅବସରକୁ ନେଇ ଚର୍ଚ୍ଚା ଲାଗି ରହିଥିଲା । ଯାହା ଆଜି ସତରେ ପରିଣତ ହୋଇଛି । ନିଜର ଖରାପ ଫର୍ମ ଓ ଆହତ ସମସ୍ୟାକୁ ନେଇ ଗତି କରୁଥିଲେ ମୋର୍ଗାନ ।

୩୫ ବର୍ଷୀୟ ମୋର୍ଗାନ ଇଂଲଣ୍ଡର ସବୁଠୁ ଅଧିକ ରନ କରିଥିବା ଖେଳାଳି ସହ ଦିନିକିଆ କ୍ରିକେଟରେ ଦଳର ସବୁଠୁ ସଫଳ ଅଧିନାୟକ।୨୦୦୬ରେ ଆୟର୍ଲାଣ୍ଡ ପକ୍ଷରୁ ଅନ୍ତର୍ଜାତୀୟ କ୍ରିକେଟ ଖେଳିବା ପରେ ୨୦୦୯ରେ ଇଂଲଣ୍ଡ ଦଳରେ ସାମିଲ ହୋଇ ଅନ୍ତର୍ଜାତୀୟ କ୍ରିକେଟରେ ଖୁବ୍‌ ଖ୍ୟାତି ଅର୍ଜନ କରିଥିଳେ । ତାଙ୍କ ନେତୃତ୍ୱରେ ଇଂଲଣ୍ଡ ଘରୋଇ ମାଟିରେ ୨୦୧୯ ଦିନିକିଆ ବିଶ୍ୱକପ୍‌ ଚାମ୍ପିଅନ୍‌ ହୋଇଥିଲା । ସେ ଅଧିନାୟକ ଥିଲାବେଳେ ଇଂଲଣ୍ଡ ଉଭୟ ଦିନିକିଆ ଓ ଟି-୨୦ କ୍ରିକେଟରେ ନଂ-୧ ଟିମ୍‌ ମାନ୍ୟତା ପାଇଥିଲା ।

ସେ ଇଂଲଣ୍ଡ ପାଇଁ ସର୍ବାଧିକ ୨୨୫ଟି ଦିନିକିଆ ଓ ସର୍ବାଧିକ ୧୧୫ଟି ଟି-୨୦ ମ୍ୟାଚ ଖେଳିଛନ୍ତି। ଏହା ମଧ୍ୟରୁ ସେ ୧୨୬ଟି ଦିନିକିଆ ଓ ୭୨ଟି ଟି-୨୦ରେ ଇଂଲଣ୍ଡ ଦଳର ନେତୃତ୍ୱ ନେଇଛନ୍ତି । ଦିନିକିଆରେ ସେ ମୋଟ ୭,୭୦୧ ରନ୍‌ ସଂଗ୍ରହ କରିଥିଲାବେଳେ ଇଂଲଣ୍ଡ ପକ୍ଷରୁ ୬୯୫୭ ରନ୍‌ କରିଛନ୍ତି। ଟେଷ୍ଟ କ୍ରିକେଟରେ ୧୬ଟି ମ୍ୟାଚ୍‌ ଖେଳିବା ପରେ ସୀମିତ ଓଭର କ୍ରିକେଟ ଲାଗି ୨୦୧୨ରେ ଟେଷ୍ଟ କ୍ରିକେଟରୁ ଅବ୍ୟାହତି ନେଇଥିଲେ ।

Published On June 28, 2022