ବାରବାଟୀ ଷ୍ଟାଡ଼ିୟମରେ ଆଜି ଇଂଲଣ୍ଡ ଭାରତ ମ୍ୟାଚ୍ ; କ୍ରମାଗତ ଭାବେ ୨୦୦୭ରୁ ହାରିନି ଭାରତ

Published: Sunday, February 9, 2025, 10:36 [IST]

ବାରବାଟୀ ଷ୍ଟାଡ଼ିୟମରେ ମୋଟ୍‌ ୧୯ଟି ଦିିନିକିଆ ଖେଳାଯାଇଛି। ସେଥିମଧ୍ୟରୁ ଘରୋଇ ଭାରତ ୧୭ଟି ମ୍ୟାଚ ଖେଳି ୧୩ଟି ବିଜୟ ଓ ୪ଟି ପରାଜିତ ହୋଇଛି। ଭାରତ ବାରବାଟୀ ଷ୍ଟାଡ଼ିୟମରେ କ୍ରମାଗତ ଭାବେ ଶେଷ ୭ଟି ମ୍ୟାଚ ବିଜୟୀ ହୋଇଛି। ଦଳ ୨୦୦୭ରୁ ଖେଳିଥିବା ସମସ୍ତ ଦିନିକିଆ ମ୍ୟାଚ ଜିତିଛି। ଶେଷ ଥର ପାଇଁ ଭାରତ ବାରବାଟୀ ଷ୍ଟାଡ଼ିୟମରେ ୨୦୦୩ରେ ନ୍ୟୁଜିଲାଣ୍ଡ ନିକଟରୁ ୪ ୱିକେଟରେ ପରାଜିତ ହୋଇଥିଲା। ଏହା ଥିଲା ବାରବାଟୀରେ ପ୍ରଥମ ଫ୍ଳଡ ଲାଇଟ୍‌ ମ୍ୟାଚ । ଏହା ପରେ ଉକ୍ତ ଗ୍ରାଉଣ୍ଡରେ ଭାରତ ୭ଟି ଦିନିକିଆ ଖେଳି ୭ଟି ଯାକ ବିଜୟୀ ହୋଇଛି। ଉକ୍ତ ଗ୍ରାଉଣ୍ଡରେ ଭାରତ ଇଂଲଣ୍ଡ ବିପକ୍ଷରେ ସର୍ବାଧିକ ୪ଟି ମ୍ୟାଚ ଖେଳି ଦୁଇଟି ବିଜୟ ଓ ଦୁଇଟି ପରାଜିତ ହୋଇଛି।

୨୦୦୩ରେ ଭାରତ ‌ଶେଷ ଥର ପାଇଁ ବାରବାଟୀରେ ଦିନିକିଆ ମ୍ୟାଚ ନ୍ୟୁଜିଲାଣ୍ଡ ନିକଟରୁ ପରାଜିତ ହୋଇଥିଲା। ଏହା ପରଠାରୁ ଭାରତ ଏଠାରେ ଖେଳିଥିବା ୭ଟି ଯାକ ଦିନିକିଆରେ ବିଜୟୀ ହୋଇଛି।
୨୦୦୭ ଜାନୁଅୀରୀ ୨୪ରେ ୱେଷ୍ଟଇଣ୍ଡିଜ୍‌କୁ ୨୦ରନ‌ରେ, ୨୦୦୮ ନଭେମ୍ବର ୨୬ରେ ଇଂଲଣ୍ଡକୁ ୬ ୱିକେଟରେ,୨୦୦୯ ଡିସେମ୍ବର ୨୧ରେ ଶ୍ରୀଲଙ୍କାକୁ ୭ ୱିକେଟରେ,୨୦୧୧ ନଭେମ୍ବର ୨୯ରେ ୱେଷ୍ଟଇଣ୍ଡିଜ୍‌କୁ ୧ ୱିକେଟରେ,୨୦୧୪ ନଭେମ୍ବର ୨ରେ ୧୬୯ରନରେ ଶ୍ରୀଲଙ୍କାକୁ, ୨୦୧୭ ଜାନୁଆରୀ ୧୯ରେ ୧୫ରନରେ ଇଂଲଣ୍ଡକୁ ଓ ୨୦୧୯ ଡିସେମ୍ବର ୨୨ରେ ୪ ୱିକେଟରେ ୱେଷ୍ଟଇଣ୍ଡିଜ୍‌କୁ ପରାସ୍ତ କରିଥିଲା। ଅନ୍ୟପକ୍ଷରେ ବାରବାଟୀରେ ଭାରତ ଓ ଇଂଲଣ୍ଡ ମଧ୍ୟରେ ୪ଟି ଦିନିକିଆ ମ୍ୟାଚ ଖେଳାଯାଇଛି। ସେଥିମଧ୍ୟରୁ ଭାରତ ଓ ଇଂଲଣ୍ଡ ଦୁଇଟି ଲେଖାଏଁ ମ୍ୟାଚରେ ବିଜୟୀ ହୋଇଛନ୍ତି। ୧୯୮୨ ଜାନୁଆରୀ ୨୭ରେ ଭାରତ ୫ ୱିକେଟରେ ଇଂଲଣ୍ଡକୁ ପରାସ୍ତ କରିଥିବାବେଳେ ୧୯୮୪ ଡିସେମ୍ବର ୨୭ରେ ଇଂଲଣ୍ଡ ୧ରନରେ ଭାରତକୁ ପରାସ୍ତ କରିଥିଲା। ୨୦୦୨ ଜାନୁଆରୀ ୨୨ରେ ଇଂଲଣ୍ଡ ୧୬ରନରେ ବିଜୟୀ ହୋଇଥିବାବେଳେ ୨୦୦୮ ନଭେମ୍ବର ୨୬ରେ ଭାରତ ୬ ୱିକେଟରେ ଇଂଲଣ୍ଡକୁ ପରାସ୍ତ କରିଥିଲା।

Published On February 9, 2025