ଟି-20 ବିଶ୍ଵକପ: ପାରମ୍ପରିକ ଲଢେଇରେ ଅଷ୍ଟ୍ରେଲିଆକୁ 8 ୱିକେଟ ମାତ ଦେଲା ଇଂଲଣ୍ଡ
ଦୁବାଇ : ଟି-20 ବିଶ୍ଵକପ ସୁପର-12 ଗୃପ ୱାନ ମ୍ଯାଚରେ ଅସ୍ଟ୍ରେଲିଆକୁ 8 ୱିକେଟରେ ପରାସ୍ତ କରିଛି ଇଂଲଣ୍ଡ। ପ୍ରଥମେ ବ୍ୟାଟି ଆମନ୍ତ୍ରଣ ପାଇଥିବା ଅଷ୍ଟ୍ରେଲିଆ ନିର୍ଦ୍ଧାରିତ ୨୦ ଓଭରରେ ୧୦ ୱିକେଟ ହରାଇ ୧୨୫ ରନ୍ ହାସଲ କରିଥିଲା। ଧାର୍ଯ୍ଯ ୧୨୬ ରନର ପିଛା କରି ମାତ୍ର ୨ ୱିକେଟ୍ ହରାଇ ୧୧.୪ ଓଭରରେ ବିଜୟ ହୋଇଛି ଇଂଲଣ୍ଡ। ଇଂଲଣ୍ଡ ପକ୍ଷରୁ ଦୁଇ ଓପନର ଜେସନ୍ ଲୟ ଓ ଜସ୍ ବଟଲର୍ ପ୍ରଥମ ୱିକେଟ୍ ପାଇଁ ୬୬ ରନ୍ ଯୋଡିଥିଲେ। ବଟଲର ୩୨ ବଲରୁ ପାଞ୍ଚ ଚଉକା ଓ ପାଞ୍ଚ ଛକା ବଳରେ ସର୍ବାଧିକ ୭୧ ରନ୍ ସ୍କୋର୍ କରିଥିଲେ। ଶେଷରେ ଡେଭିଡ୍ ମଲାନ୍ (୮ ବଲରୁ ୮ ରନ୍) ଓ ଜନି ବେଆଷ୍ଟୋ (୧୧ ବଲରୁ ୧୬ ରନ୍) ଙ୍କ ଯୋଡି ଇଂଲଣ୍ଡ ପାଇଁ ବିଜୟ ପାଳି ଖେଳିଥିଲେ।
ଟସ୍ ଜିତି ଇଂଲଣ୍ଡ ପ୍ରଥମେ ବୋଲିଙ୍ଗ କରିବାକୁ ନିଷ୍ପତ୍ତି ନେଇଥିଲା ଇଂଲଣ୍ଡ। ଫଳରେ ପ୍ରଥମେ ବ୍ୟାଟିଙ୍ଗ କରୁଥିବା ଅଷ୍ଟ୍ରେଲିଆ ଦୁବାଇ ଇଣ୍ଟରନ୍ୟାସନାଲ ଷ୍ଟାଡିୟମଠାରେ ଚାଲିଥିବା ଟି-୨୦ ବିଶ୍ବକପ ଗ୍ରୁପ-୧ର ଏକ ମ୍ୟାଚରେ ଇଂଲଣ୍ଡ ଆଗରେ ୧୨୬ରନର ବିଜୟ ଲକ୍ଷ୍ୟ ରଖିଥିଲା ଅଷ୍ଟ୍ରେଲିଆ । ଏହି ମ୍ୟାଚରେ ଇଂଲଣ୍ଡ ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା । ପ୍ରଥମେ ବ୍ୟାଟିଂ କରୁଥିବା ଅଷ୍ଟ୍ରେଲିଆ ଆରମ୍ଭରୁ ନିୟମିତ ଓ୍ବିକେଟ ହରାଇ ବିପର୍ଯ୍ୟୟର ସମ୍ମୁଖୀନ ହୋଇଥିଲା । ଅଧିନାୟକ ଆରନ ଫିଞ୍ଚ୍ ସତର୍କତାର ସହ ବ୍ୟାଟିଂ କରି ଦଳୀୟ ସ୍କୋରକୁ ଏକ ଭଲ ସ୍ଥିତି ନେଇଯାଇଥିଲେ । ସେ ୪୪ରନ କରିଥିଲେ । ଦଳର ନିମ୍ନଭାଗ ବ୍ୟାଟ୍ସମ୍ୟାନମାନଙ୍କ ଉପଯୋଗୀ ଯୋଗଦାନ ଫଳରେ ଦଳ ୨୦ ଓଭରରେ ୧୨୫ରନ କରି ଅଲଆଉଟ ହୋଇଯାଇଥିଲା । ଇଂଲଣ୍ଡ ପକ୍ଷରୁ କ୍ରିସ ଜୋର୍ଡାନ ୩ଟି, କ୍ରିସ ଓକ୍ସ ଓ ଟାଇମାଲ ମିଲ୍ସ ୨ଟି ଲେଖାଏଁ ଓ୍ବିକେଟ୍ ନେଇଥିଲେ । ଉଭୟ ଦଳ ଏପର୍ଯ୍ୟନ୍ତ ୨ଟି ଲେଖାଏଁ ମ୍ୟାଚ ଖେଳିଛନ୍ତି ଓ ବିଜୟ ଲାଭ କରିଛନ୍ତି ।
Click it and Unblock the Notifications
Sign in with Google