SA vs BAN: ଟସ୍ ଜିତିଲା ଦକ୍ଷିଣ ଆଫ୍ରିକା, ପ୍ରଥମେ କରିବ ବ୍ୟାଟିଂ
ବାଂଲାଦେଶ ବିପକ୍ଷ ଆଜିର ମ୍ୟାଚର ଟସ୍ ଜିତିଛି ଦକ୍ଷିଣ ଆଫ୍ରିକା । ଟେମ୍ବା ବଭୁମା ଆଜି ବି ଖେଳୁ ନାହାଁନ୍ତି । ମାର୍କମ ଟସ୍ ଜିତିବା ପରେ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଛନ୍ତି । ଶାକିବ ଅଲ ହାସନ ବାଂଲାଦେଶ ଟିମକୁ ଫେରିଛନ୍ତି ।
ବାଂଲାଦେଶ ଦଳ ଏପର୍ଯ୍ୟନ୍ତ ମାତ୍ର ଗୋଟିଏ ମ୍ୟାଚ୍ ଜିତିବାରେ ସକ୍ଷମ ହୋଇଛି । ଆଫଗାନିସ୍ତାନ ବିପକ୍ଷ ମ୍ୟାଚରେ ବାଂଲାଦେଶ ଜିତିଥିଲା । ଏହା ବ୍ୟତୀତ ଏପର୍ଯ୍ୟନ୍ତ କୌଣସି ମ୍ୟାଚ୍ ଜିତି ନାହିଁ । ଅନ୍ୟପକ୍ଷରେ ଦକ୍ଷିଣ ଆଫ୍ରିକା ଦଳ ତିନୋଟି ମ୍ୟାଚ୍ ଜିତିଛି ଏବଂ ପୁରା ଟିମ୍ ଫର୍ମରେ ଅଛି ।
ଦକ୍ଷିଣ ଆଫ୍ରିକା, ଏକାଦଶ : କ୍ୱିଣ୍ଟନ୍ ଡି କକ୍ (ୱିକେଟ ରକ୍ଷକ), ରେଜା ହେଣ୍ଡ୍ରିକ୍ସ, ରାସି ଭାନ୍ ଡେର୍ ଡୁସେନ୍, ଆଡେନ ମାର୍କ୍ରାମ (ଅଧିନାୟକ), ହେନ୍ରିଚ୍ କ୍ଲାସେନ୍, ଡେଭିଡ ମିଲର, ମାର୍କୋ ଜାନସେନ୍, ଜେରାଲ୍ଡ କୋଟଜି, କେଶବ ମହାରାଜ, କାଗିସୋ ରାବାଡା, ଲିଜର୍ଡ ୱିଲିୟମ୍ସ
ବାଂଲାଦେଶ, ଏକାଦଶ: ତାନଜିଦ୍ ହାସନ୍, ଲିଟନ୍ ଦାସ, ନାଜମୁଲ ହୁସେନ୍ ଶାନ୍ତୋ, ଶାକିବ ଅଲ୍ ହାସନ୍ (ଅଧିନାୟକ), ମହଦି ହାସନ ମିରାଜ, ମୁଶଫିକୁର ରହୀମ (ୱିକେଟ ରକ୍ଷକ), ମହମୁଦୁଲ୍ଲା, ନାସୁମ ଅହମ୍ମଦ, ମୁସ୍ତାଫିଜୁର ରହମାନ, ଶୋରିଫୁଲ ଇସଲାମ, ହାସନ ମହମୁଦ
ଶାକିବ ଅଲ ହାସନ କହିଛନ୍ତି ଯେ ତୋହିଦ ହ୍ରିଡୋ ଖେଳୁ ନାହାଁନ୍ତି, ମୁଁ ଦଳକୁ ଆସିଛି । ଆଜି ଏକ ଗୁରୁତ୍ୱପୂର୍ଣ୍ଣ ଖେଳ, ଦକ୍ଷିଣ ଆଫ୍ରିକା ବିପକ୍ଷରେ ଜିତିବା ପାଇଁ ଆମକୁ ସର୍ବୋତ୍ତମ କ୍ରିକେଟ୍ ଖେଳିବାକୁ ପଡିବ । ପ୍ରଥମେ ବୋଲିଂ କରିବାକୁ କିଛି ଆପତ୍ତି ନାହିଁ । ଆମେ ସେମାନଙ୍କୁ ରୋକି ଟାର୍ଗେଟ ଚେସ କରିପାରିବୁ ।
ଦକ୍ଷିଣ ଆଫ୍ରିକାର ଅଧିନାୟକ ମାର୍କ୍ରାମ ମଧ୍ୟ ତାଙ୍କ ଦଳର ପରିବର୍ତ୍ତନ ବିଷୟରେ ସୂଚନା ଦେଇଛନ୍ତି । ସେ କହିଛନ୍ତି ଯେ ଲୁଙ୍ଗି ନିଗିଡିଙ୍କୁ ସାମାନ୍ୟ ଆଘାତ ଲାଗିଛି । ଏହି କାରଣରୁ ସେ ଦଳରେ ଅନ୍ତର୍ଭୁକ୍ତ ନୁହଁନ୍ତି । ତାଙ୍କ ସ୍ଥାନରେ ଲିଜାଡଙ୍କୁ ଦଳରେ ସାମିଲ କରାଯାଇଛି।
Click it and Unblock the Notifications
Sign in with Google