ଟସ୍ ଜିତି ପ୍ରଥମେ ବୋଲିଙ୍ଗ କରିବ ଭାରତ, ମହମ୍ମଦ ସାମି ଓ ସୂର୍ଯ୍ୟକୁମାର ଯାଦବଙ୍କୁ ସୁଯୋଗ

Updated: Sunday, October 22, 2023, 14:48 [IST]

ଟସ୍ ଜିତି ପ୍ରଥମେ ବୋଲିଙ୍ଗ କରିବ ଭାରତ । ଦୁଇ ଦଳ ପାଇଁ ଏହି ମ୍ୟାଚ୍ ବହୁତ ଗୁରୁତ୍ଵପୂର୍ଣ୍ଣ । ଏହି ମ୍ୟାଚ୍ ଜିତି ସେମିଫାଇନାଲ ପାଇଁ ରାସ୍ତା ସହଜ କରିବ ଦୁଇ ଦଳ । ସେପଟେ ହାର୍ଦ୍ଦିକ ପାଣ୍ଡ୍ୟା ଆହତ ହୋଇଥିବାରୁ ତାଙ୍କ ସ୍ଥାନରେ ସୂର୍ଯ୍ୟକୁମାର ଯାଦବ ଓ ଶାର୍ଦୁଲ ଠାକୁରଙ୍କ ବଦଳରେ ସାମି ଖେଳିବେ ।

ଭାରତ (ଏକାଦଶ ): ରୋହିତ ଶର୍ମା (ଅଧିନାୟକ), ଶୁଭମାନ ଗିଲ, ବିରାଟ କୋହଲି, ଶ୍ରେୟସ୍ ଆୟର, କେ.ଏଲ୍ ରାହୁଲ (ୱିକେଟ କିପର), ସୂର୍ଯ୍ୟକୁମାର ଯାଦବ, ରବିନ୍ଦ୍ର ଜାଡେଜା, କୁଲଦୀପ ଯାଦବ, ଜସପ୍ରୀତ ବୁମରା, ମହମ୍ମଦ ଶାମି, ମହମ୍ମଦ ସିରାଜ

ନ୍ୟୁଜିଲ୍ୟାଣ୍ଡ (ଏକାଦଶ): ଡିଭନ୍ କନୱେ, ୱିଲ୍ ୟଙ୍ଗ, ରାଚିନ୍ ରବିନ୍ଦ୍ର, ଡାରିଲ୍ ମିଚେଲ, ଟମ୍ ଲାଥାମ୍ (ୱିକେଟ କିପର / ଅଧିନାୟକ), ଗ୍ଲେନ୍ ଫିଲିପ୍ସ, ମାର୍କ ଚାପମାନ, ମିଚେଲ ସାଣ୍ଟନର୍, ମ୍ୟାଟ ହେନେରୀ, ଲକି ଫର୍ଗୁସନ୍, ଟ୍ରେଣ୍ଟ ବୋଲ୍ଟ

ଟସ୍ ପରେ ଟମ୍ ଲାଥାମ୍ କ'ଣ କହିଥିଲେ ?

ଟସ୍ ହାରିବା ପରେ ଟମ୍ ଲାଥାମ୍ କହିଛନ୍ତି ଯେ ଆମେ ମଧ୍ୟ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥାନ୍ତୁ । ଆମେ ଜାଣୁ କାକର ଆସିବ । ଗୁରୁତ୍ୱପୂର୍ଣ୍ଣ କଥା ହେଉଛି ଆମେ ଯାହା ବି କରୁ, ଆମକୁ ଏହାକୁ ଭଲ କରିବାକୁ ହେବ । ଆମକୁ ଶୀଘ୍ର ବୋଲିଂ ଜାରି ରଖିବାକୁ ପଡିବ । ଆମେ ଏକ ନୂତନ ଭୂମି ଏବଂ ନୂତନ ପରିସ୍ଥିତିରେ ଅଛୁ, ତେଣୁ ଆମକୁ ଏହି ପରିସ୍ଥିତିକୁ ଯଥାଶୀଘ୍ର ଆଡଜଷ୍ଟ କରିବାକୁ ପଡିବ ।

ରୋହିତ ଶର୍ମା ପ୍ରଥମେ ବୋଲିଂର କାରଣ କହିଥିଲେ
ଟସ୍ ଜିତିବା ପରେ ଅଧିନାୟକ ରୋହିତ ଶର୍ମା କହିଛନ୍ତି ଯେ ଆମେ ପ୍ରଥମେ ବୋଲିଂ କରିବୁ। କାରଣ ଗତକାଲି ଯେତେବେଳେ ଆମେ ଏଠାରେ ଟ୍ରେନିଂ ନେଉଥିଲୁ, ଆମେ ଅନୁଭବ କଲୁ ଯେ ସେଠାରେ କିଛି କାକର ଅଛି । ପିଚ୍ ଭଲ ଦେଖାଯାଉଛି, ଆମେ ଟାର୍ଗେଟକୁ ଗୋଡ଼ାଇବା ପାଇଁ ନିଜକୁ ପ୍ରସ୍ତୁତ କରିବୁ । ଏହା ଏପରି ଏକ ସ୍ଥାନ ଯେଉଁଠାରେ ସମସ୍ତେ ସୁନ୍ଦର ପାଗ ଏବଂ ଭଲ ଷ୍ଟାଡିୟମ୍ ସହିତ ଆସି ଖେଳିବାକୁ ଚାହାଁନ୍ତି । ହାର୍ଦ୍ଦିକ ଏବଂ ଶାର୍ଦ୍ଦୁଲ ଉପଲବ୍ଧ ନାହାନ୍ତି । ସେମାନଙ୍କ ସ୍ଥାନରେ ମହମ୍ମଦ ସାମି ଏବଂ ସୂର୍ଯ୍ୟକୁମାର ଯାଦବ ଖେଳିବେ ।