AUS vs NED: ଟସ୍ ଜିତି ପ୍ରଥମେ ବ୍ୟାଟିଂ କରୁଛି ଅଷ୍ଟ୍ରେଲିଆ

Updated: Wednesday, October 25, 2023, 14:23 [IST]

ଆଇସିସି ଦିନିକିଆ ବିଶ୍ୱକପରେ ଅଷ୍ଟ୍ରେଲିଆ ଆଜି ନିଜର ପଞ୍ଚମ ମ୍ୟାଚ୍ ଖେଳୁଛି । ଅପରାହ୍ନ ଦୁଇଟାରୁ ଦିଲ୍ଲୀର ଅରୁଣ ଜେଟଲୀ ଷ୍ଟାଡିୟମରେ ଏହି ମ୍ୟାଚ୍ ଖେଳା ଯାଉଛି । ଏହି ମ୍ୟାଚରେ କଙ୍ଗାରୁ ଦଳ ନେଦରଲ୍ୟାଣ୍ଡ ସହିତ ମୁହାଁମୁହିଁ ହୋଇଛନ୍ତି । ଏହି ମ୍ୟାଚ୍ କୌତୁହଳପୂର୍ଣ୍ଣ ହେବାକୁ ଯାଉଛି, କାରଣ ଟୁର୍ଣ୍ଣାମେଣ୍ଟରେ ଦକ୍ଷିଣ ଆଫ୍ରିକାକୁ ପରାସ୍ତ କରି ନେଦରଲ୍ୟାଣ୍ଡ ଏକ ବଡ ବିପର୍ଯ୍ୟୟ ସୃଷ୍ଟି କରିସାରିଛି ।

ଅଷ୍ଟ୍ରେଲିଆ ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା। ଟିମ୍ ଏକାଦଶରେ ପ୍ୟାଟ୍ କମିନ୍ସ ଗୋଟିଏ ପରିବର୍ତ୍ତନ କରିଛନ୍ତି । ମାର୍କସ୍ ଷ୍ଟୋଇନିସଙ୍କ ସ୍ଥାନରେ କ୍ୟାମେରନ୍ ଗ୍ରୀନଙ୍କୁ ଦଳକୁ ଅଣାଯାଇଛି ।

ଅଷ୍ଟ୍ରେଲିଆ ଏକାଦଶ
ଡେଭିଡ ୱାର୍ନର, ମିଚେଲ ମାର୍ଶ, ଷ୍ଟିଭେନ୍ ସ୍ମିଥ୍, ମାର୍ନସ୍ ଲାବୁସାଗ୍ନେ, ଜୋସ୍ ଇଂଲିସ୍ (ୱିକେଟ କିପର), ଗ୍ଲେନ୍ ମ୍ୟାକ୍ସୱେଲ, କ୍ୟାମେରନ୍ ଗ୍ରୀନ୍, ପ୍ୟାଟ୍ କମିନ୍ସ (ଅଧିନାୟକ), ମିଚେଲ ଷ୍ଟାର୍କ, ଜୋସ୍ ହାଜଲେଉଡ୍, ଆଡମ ଜାମ୍ପା

ନେଦରଲ୍ୟାଣ୍ଡ ଏକାଦଶ
ବିକ୍ରମଜିତ୍ ସିଂ, ମ୍ୟାକ୍ସ ଓ'ଡାଉଡ୍, କଲିନ୍ ଆକ୍କର୍ମନ୍, ବାସ୍ ଦେ ଲିଡେ, ତେଜା ନିଡାମାନୁରୁ, ସ୍କଟ୍ ଏଡୱାର୍ଡସ୍ (ୱିକେଟ କିପର / ଅଧିନାୟକ), ସାଇବ୍ରାଣ୍ଡ୍ ଏଙ୍ଗେଲବ୍ରେଚ୍, ଲୋଗାନ୍ ଭାନ୍ ବେକ, ରୋଲୋଫ୍ ଭାନ୍ ଡେର୍ ମେରୱେ, ଆର୍ଯ୍ୟନ୍ ଦତ୍ତ, ପଲ୍ ଭାନ୍ ମେକେରେନ୍

ଟସ୍ ପରେ ଉଭୟ ଅଧିନାୟକ କ'ଣ କହିଥିଲେ?
ଟସ୍ ଜିତିବା ପରେ ପ୍ୟାଟ୍ କମିନ୍ସ କହିଛନ୍ତି ଯେ ଆମର ବ୍ୟାଟିଂ ଭଲ ହେବ। ଏଠାରେ ଭଲ ସ୍କୋର ହେବ । ଟସ୍ ହାରିବା ପରେ ସ୍କଟ୍ ଏଡୱାର୍ଡସ୍ କହିଛନ୍ତି, ଆମେ ପ୍ରଥମେ ବୋଲିଂ କରିବାକୁ ଚାହୁଁଥିଲୁ। ଦଳର ଅବସ୍ଥା ଭଲ ଅଛି । ଆମେ ଭଲ କ୍ରିକେଟ୍ ଖେଳିଛୁ । ଆମେ ଆହୁରି ଉନ୍ନତ କରିବାକୁ ଚାହୁଁଛୁ । ଖେଳାଳିମାନେ ଭଲ ପ୍ରଦର୍ଶନ କରିବାକୁ ଚାହାଁନ୍ତି, ଦଳରେ କୌଣସି ପରିବର୍ତ୍ତନ ହୋଇନି ।

ଅଷ୍ଟ୍ରେଲିଆ ଏହି ମ୍ୟାଚ୍ ଜିତି ସେମି ଫାଇନାଲ ପାଇଁ ରାସ୍ତା ଆହୁରି ମଜବୁତ୍ କରିବ । ସେହିପରି ନେଦରଲ୍ୟାଣ୍ଡ ବି ଏହି ମ୍ୟାଚ୍ ଜିତି ନୂଆ ରେକର୍ଡ ପାଇଁ ଚେଷ୍ଟା କରିବ ।