୨୦୨୮ ଲସ୍ ଆଞ୍ଜେଲସ୍ ଅଲିମ୍ପିକ୍ସ ଖେଳିବେ ଟପ୍-୬ ଟିମ୍, ଦେଖନ୍ତୁ ଭାରତ ଲିଷ୍ଟରେ ଅଛି ନା ନାହିଁ ?

୧୨୮ ବର୍ଷ ମଧ୍ୟରେ ପ୍ରଥମ ଥର ପାଇଁ ଅଲିମ୍ପିକ୍ ଗେମ୍ସକୁ ଫେରିବ କ୍ରିକେଟ୍ । ଆଗାମୀ ଅଲିମ୍ପିକ୍ସରେ ପୁରୁଷ ଏବଂ ମହିଳା କ୍ରିକେଟ୍ ଇଭେଣ୍ଟକୁ ନେଇ ଏବେ ବଡ ଅପଡେଟ୍ ଆସିଛି ।

ଅଲିମ୍ପିକ୍ସରେ ଟି-20 ଫର୍ମାଟରେ କ୍ରିକେଟ୍ ଖେଳାଯିବ

୨୦୨୮ ମସିହାରେ ଲସ୍ ଆଞ୍ଜେଲସ୍ ଅନୁଷ୍ଠିତ ହେବାକୁ ଥିବା ମେଗା ସ୍ପୋର୍ଟସ୍ ଇଭେଣ୍ଟ ଅଲିମ୍ପିକ୍ସରେ କ୍ରିକେଟ୍ ଖେଳ ସାମିଲ ହୋଇଛି । ଏଥରେ ଟପ୍ 6 ଟି-20 ଟିମ୍ ଅଂଶଗ୍ରହଣ କରିବେ । 1900 ମସିହାରେ ପ୍ୟାରିସରେ ଏକକ ମ୍ୟାଚ୍ ଭାବରେ ଅଲିମ୍ପିକ୍ସରେ ଖେଳାଯାଇଥିବା କ୍ରିକେଟ୍ LA 2028 ଗେମ୍ସରେ ପ୍ରତ୍ୟାବର୍ତ୍ତନ କରିବ ଏବଂ ଚାରି ବର୍ଷ ପରେ 2032 ମସିହାରେ ବ୍ରିସବେନରେ ମଧ୍ୟ ଖେଳାଯିବ ।

ବର୍ତ୍ତମାନ ଭାରତୀୟ ପୁରଷ ଦଳ, ଟି-20ରେ ଏକ ନମ୍ବର, ଅଷ୍ଟ୍ରେଲିଆ ଦୁଇ ନମ୍ବର, ଇଂଲଣ୍ଡ 3 ନମ୍ବର, ନ୍ୟୁଜିଲାଣ୍ଡ 4 ନମ୍ବର, ଓ୍ବେଷ୍ଟ ଇଣ୍ଡିଜ୍ 5 ଏବଂ ଦକ୍ଷିଣ ଆଫ୍ରିକା 6 ନମ୍ବର ସ୍ଥାନରେ ଅଛନ୍ତି ।

ମହିଳା ଦଳରେ, ପ୍ରଥମରେ ଅଛି ଅଷ୍ଟ୍ରିଲେଆ, ଦ୍ୱିତୀୟରେ ଇଂଲଣ୍ଡ, 3ୟରେ ଭାରତ, ୪ର୍ଥରେ ନ୍ୟୁଜିଲାଣ୍ଡ, 5ରେ ଦକ୍ଷିଣ ଆଫ୍ରିକା, ଷଷ୍ଠରେ ରହିଛି ଓ୍ବେଷ୍ଟ ଇଣ୍ଡିଜ୍ ।

ଟପ୍- 6 କ୍ରିକେଟ୍ ଦଳ ଅଂଶଗ୍ରହଣ କରିବେ-

ଅନ୍ତର୍ଜାତୀୟ ଅଲିମ୍ପିକ୍ କମିଟି ବୁଧବାର ନିଶ୍ଚିତ କରିଛନ୍ତି, ଉଭୟ ପୁରୁଷ ଏବଂ ମହିଳା ଇଭେଣ୍ଟରେ 6ଟି ଦଳ ଅଂଶଗ୍ରହଣ କରି ଟି -20 ଫର୍ମାଟରେ ଖେଳାଯିବ । ପ୍ରତ୍ୟେକ ଇଭେଣ୍ଟରେ ସମୁଦାୟ 90 ଖେଳାଳି ଅଂଶଗ୍ରହଣ କରିବେ । ଯାହା ପ୍ରତ୍ୟେକ ଦଳକୁ 15 ଜଣିଆ ଦଳର ନାମ ଦେବାକୁ ଅନୁମତି ଦେବ ।

ଯୋଗ୍ୟତା କିପରି ପାଇବେ ତାହା ଏପର୍ଯ୍ୟନ୍ତ ସ୍ଥିର ହୋଇନାହିଁ-

କ୍ରିକେଟ୍ ଇଭେଣ୍ଟ ପାଇଁ 2028 ଖେଳ ପାଇଁ ଯୋଗ୍ୟତା କିପରି ପାଇବେ ? ଏହା ଏପର୍ଯ୍ୟନ୍ତ ନିଶ୍ଚିତ ହୋଇନାହିଁ। ଆନ୍ତର୍ଜାତୀୟ କ୍ରିକେଟ୍ ପରିଷଦ (ଆଇସିସି) ଅଧୀନରେ 12 ଟି ପୂର୍ଣ୍ଣ ସଦସ୍ୟ ରାଷ୍ଟ୍ର ଥିବାବେଳେ 90 ରୁ ଅଧିକ ଦେଶ ସହଯୋଗୀ ସଦସ୍ୟ ଭାବରେ ଟି -20 କ୍ରିକେଟ୍ ଖେଳନ୍ତି। ଆୟୋଜକ ଭାବରେ ଆମେରିକା ଗେମ୍ସରେ ସିଧାସଳଖ ଯୋଗ୍ୟତା ହାସଲ କରିବାର ସମ୍ଭାବନା ଥିବାରୁ ଅବଶିଷ୍ଟ ଦଳ ମଧ୍ୟରୁ କେବଳ ପାଞ୍ଚଟି ଏହାକୁ ଖେଳରେ ପ୍ରବେଶ କରିବାକୁ ସମର୍ଥ ହେବେ ।

ଆଗାମୀ ଅଲିମ୍ପିକ୍ ଗେମ୍ସରେ ଅନ୍ତର୍ଭୁକ୍ତ ହେବାକୁ ଥିବା 5ଟି ନୂତନ କ୍ରୀଡା ମଧ୍ୟରୁ କ୍ରିକେଟ୍ ଅନ୍ୟତମ | 2023 ମସିହାରେ LA28 ଗେମ୍ସ ପାଇଁ ବେସବଲ୍ / ସଫ୍ଟବଲ୍, ଫ୍ଲାଗ୍ ଫୁଟବଲ୍, ଲାକ୍ରୋସ୍ ଏବଂ ସ୍କ୍ୱାସ୍ ସହିତ ଆଇଓସି କ୍ରିକେଟ୍ ଅନ୍ତର୍ଭୁକ୍ତ କରିବାକୁ ଅନୁମୋଦନ କରିଥିଲା ।