ରାଜ୍ୟଗୋଷ୍ଠୀ କ୍ରୀଡ଼ା: ବକ୍ସିଂରେ ଭାରତକୁ ଡବଲ ସ୍ବର୍ଣ୍ଣ ପଦକ
ରାଜ୍ୟଗୋଷ୍ଠୀ କ୍ରୀଡାରେ ଭାରତ ଉପରେ ପଦକ ବର୍ଷା ଜାରି ରହିଛି । ବକ୍ସିଂରେ ଭାରତକୁ ଡବଲ ସ୍ବର୍ଣ୍ଣ ପଦକ ମିଳିଛି । ଉଭୟ ପୁରୁଷ ଓ ମହିଳା ବକ୍ସିଂରେ ଏହି ସଫଳତା ହସଲ କରିଛି ଭାରତ ।
ବର୍ମିଂହାମ: ରାଜ୍ୟଗୋଷ୍ଠୀ କ୍ରୀଡାରେ ଭାରତ ଉପରେ ପଦକ ବର୍ଷା ଜାରି ରହିଛି । ବକ୍ସିଂରେ ଭାରତକୁ ଡବଲ ସ୍ବର୍ଣ୍ଣ ପଦକ ମିଳିଛି । ଉଭୟ ପୁରୁଷ ଓ ମହିଳା ବକ୍ସିଂରେ ଏହି ସଫଳତା ହସଲ କରିଛି ଭାରତ । ୪୮ କେଜି ବର୍ଗର ମହିଳା ବକ୍ସିଂରେ ନିତୁ ଘଂଘାସ ସ୍ୱର୍ଣ୍ଣ ପଦକ ହାସଲ କରିଥିବା ବେଳେ ପୁରୁଷ ୫୧ କିଗ୍ରା ବର୍ଗରେ ଅମିତ ପଙ୍ଘଲ ସ୍ୱର୍ଣ୍ଣ ପଦକ ହାସଲ କରିଛନ୍ତି।
୪୮ କେଜି ବର୍ଗ ପୁରୁଷ ବକ୍ସିଂରେ ସ୍ୱର୍ଣ୍ଣ ଜିତିଲେ ଅମିତ ଫଙ୍ଗଲ । ଇଂଲଣ୍ଡର କାଇରରନ ମାକଡୋନାଲଙ୍କୁ ୫-୦ରେ ହରାଇଛନ୍ତି ଅମିତ । ଆଜି ବକ୍ସିଂରେ ଭାରତକୁ ପ୍ରଥମ ସ୍ୱର୍ଣ୍ଣ ଦେଇଥିଲେ ନୀତୁ । ଭାରତ ତରଫରୁ ନୀତୁ ଘାଂଘାସ ଇଂଲଣ୍ଡର ଡେମୀ ଜେଡକୁ ୫-୦ ରେ ପରାଜିତ କରିଛନ୍ତି । ଏହି ଗେମ୍ସରେ ଚଳିତ ସିଜିନରେ ଏହା ଭାରତ ପାଇଁ ୧୪ତମ ସ୍ୱର୍ଣ୍ଣପଦକ ।
ଅନ୍ୟପଟେ ଭାରତୀୟ ମହିଳା ହକି ଟିମ ବି ଆଜି ବ୍ରୋଞ୍ଜ ପଦକ ହାତେଇଛି । ଦଳ ନ୍ୟୁଜଲାଣ୍ଡକୁ ୨-୧ ଗୋଲରେ ପରାଜିତ କରି ଏହି ପଦକ ହାସଲ କରିଛି । ଏହା ପୂର୍ବରୁ ଭାରତୀୟ ମହିଳା ହକି ଟିମ ୨୦୦୨ ରେ ସ୍ୱର୍ଣ୍ଣ ଓ ୨୦୦୬ ରେ ରୌପ୍ୟପଦକ ହାସଲ କରିଥିଲା ।
ସେପଟେ ପି ବି ସିନ୍ଧୁ ବି ଚଳିତ ରାଜ୍ୟଗୋଷ୍ଠୀ କ୍ରୀଡାରେ ନିଜର ପଦକ ପକ୍କା କରିଛନ୍ତି । ସେ ସେମିଫାଇନାଲ ମୁକାବିଲାରେ ସିଂଗାପୁରର ଜିୟା ମିନଙ୍କୁ ୨୧-୧୯ ଓ ୨୧-୧୭ ରେ ପରାଜିତ କରିଛନ୍ତି ।
Click it and Unblock the Notifications
Sign in with Google