କାୟା ମେଲାଉଛି କଳିଙ୍ଗ ଷ୍ଟାଡିୟମ, ଆଜି ହକି ଉତ୍କର୍ଷ କେନ୍ଦ୍ରର ଉଦଘାଟନ କରିବେ ମୁଖ୍ୟମନ୍ତ୍ରୀ
ଭୁବନେଶ୍ୱର: ଆଜି (ମଙ୍ଗଳବାର) କଳିଙ୍ଗ ଷ୍ଟାଡିୟମରେ ନବ ନିର୍ମିତ ହକି ଉତ୍କର୍ଷ କେନ୍ଦ୍ରକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଉଦଘାଟନ କରିବେ । ଏନେଇ ରାଜ୍ୟ କ୍ରୀଡ଼ା ବିଭାଗ ପକ୍ଷରୁ ସୂଚନା ଦିଆଯାଇଛି ।
ପୂର୍ବରୁ କଳିଙ୍ଗ ଷ୍ଟାଡିୟମରେ ମୁଖ୍ୟ ହକି ଷ୍ଟାଡିୟମ ସହ ଏକ ଅଭ୍ୟାସ ଗ୍ରାଉଣ୍ଡ ରହିଥିଲା । ସେହି ଅଭ୍ୟାସ ଗ୍ରାଉଣ୍ଡ ନିକଟରେ ୫ ମହଲା ବିଶିଷ୍ଟ 'ହକି' କୋଠା ଗଢ଼ି ଉଠିଛି । ସେଠାରେ ଖେଳାଳିଙ୍କ ପାଇଁ ରହିବା ସହ ଅନ୍ୟ ସମସ୍ତ ସୁବିଧା ସୁଯୋଗ କରାଯାଇଛି । ହକି କୋଠାକୁ ଲାଗି ଅଭ୍ୟାସ ଗ୍ରାଉଣ୍ଡ । ତେଣୁ ଖେଳାଳିଙ୍କୁ ଅଭ୍ୟାସରେ କୌଣସି ଅସୁବିଧା ନାହିଁ ।
ରାଜ୍ୟ ସରକାର କ୍ରୀଡ଼ାର ବିକାଶ ନେଇ ହଜାର ହଜାର କୋଟି ଟଙ୍କା ବିନିଯୋଗ କରୁଛନ୍ତି । ବିଶେଷ କରି କଳିଙ୍ଗ ଷ୍ଟାଡିୟମରେ ବିଭିନ୍ନ କ୍ରୀଡ଼ାରେ ଅନ୍ତର୍ଜାତୀୟ ମାନର ଭିତ୍ତିଭୂମି ଗଢ଼ି ଉଠିଛି । ହକି ଉତ୍କର୍ଷ କେନ୍ଦ୍ର ପରେ ଖୁବଶୀଘ୍ର ଦେଶର ପ୍ରଥମ ଇନଡୋର ଆଥଲେଟିକ୍ ଷ୍ଟାଡିୟମର ଉଦଘାଟନ ହେବ ।
Click it and Unblock the Notifications
Sign in with Google