Champions Trophy: ଫାଇନାଲ ମ୍ୟାଚରେ ବର୍ଷା ହେଲେ କଣ ହେବ ?

ଚାମ୍ପିୟନ୍ସ ଟ୍ରଫି ଫାଇନାଲ ମ୍ୟାଚ ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଖେଳାଯିବ। ଏହି ମ୍ୟାଚ ରବିବାର ଦୁବାଇରେ ଅନୁଷ୍ଠିତ ହେବ।

ତେବେ ଯଦି ଫାଇନାଲରେ ବର୍ଷା ହୁଏ, ତେବେ ମ୍ୟାଚର ମଜା ନଷ୍ଟ ହୋଇଯିବ । କିନ୍ତୁ ବର୍ଷା ଦ୍ୱାରା ପ୍ରଭାବିତ ଫାଇନାଲ ସମ୍ପର୍କରେ ଆଇସିସିପୂର୍ବରୁ ନିୟମ ପ୍ରସ୍ତୁତ କରିସାରିଛି ।

ବର୍ଷା ପ୍ରଭାବିତ ଫାଇନାଲରେ, ନିର୍ଦ୍ଧାରିତ ସମୟ ପରେ ଓଭର ସଂଖ୍ୟା ହ୍ରାସ ଆରମ୍ଭ ହୁଏ । ଯଦି ବର୍ଷା ଯୋଗୁ ଏହି ମ୍ୟାଚ ରବିବାର, ମାର୍ଚ୍ଚ ୯ ରେ ଖେଳାଯାଇପାରିବ ନାହିଁ, ତେବେ ଏହାକୁ ରିଜର୍ଭ ଡେ ରେ ଅନୁଷ୍ଠିତ କରାଯିବ । ଫାଇନାଲ ପାଇଁ ମାର୍ଚ୍ଚ ୧୦ ତାରିଖ ରିଜର୍ଭ ଡେ।

ଯଦି ଫାଇନାଲ ମ୍ୟାଚ ସମୟରେ ବର୍ଷା ହୁଏ, ତେବେ ଓଭର ସଂଖ୍ୟା ହ୍ରାସ କରି ମ୍ୟାଚ ଖେଳାଯାଇପାରିବ। ଆଇସିସି ନିୟମ ଅନୁଯାୟୀ, ଫାଇନାଲ ମ୍ୟାଚରେ ଅତି କମରେ ୨୦ ଓଭର ଖେଳାଯିବା ଆବଶ୍ୟକ। ପ୍ରତ୍ୟେକ ଦଳକୁ ୨୦-୨୦ ଓଭର ଦିଆଯିବ ।

ଯଦି ଚାମ୍ପିୟନ୍ସ ଟ୍ରଫିର ଫାଇନାଲ ମ୍ୟାଚ ଡ୍ର କିମ୍ବା ଟାଇ ହୁଏ, ତେବେ ବିଜେତା ସୁପର ଓଭର ଦ୍ୱାରା ନିର୍ଣ୍ଣୟ କରାଯିବ । ସୁପର ଓଭରର ନିୟମ ଅନୁଯାୟୀ, ଉଭୟ ଦଳକୁ ଗୋଟିଏ ଓଭର ଖେଳିବାର ସୁଯୋଗ ମିଳିଥାଏ ।

ଭାରତ ତା'ର ସମସ୍ତ ଗ୍ରୁପ ମ୍ୟାଚ ଜିତିଥିଲା। ସେ ପ୍ରଥମେ ବାଂଲାଦେଶକୁ ଏବଂ ତା'ପରେ ପାକିସ୍ତାନକୁ ପରାସ୍ତ କରିଥିଲା। ଟିମ ଇଣ୍ଡିଆ ଗ୍ରୁପ ମ୍ୟାଚ ନ୍ୟୁଜିଲ୍ୟାଣ୍ଡକୁ ମଧ୍ୟ ପରାସ୍ତ କରିଥିଲା। ଭାରତ ନ୍ୟୁଜିଲାଣ୍ଡକୁ ଜିତିବା ପାଇଁ ୨୫୦ ରନର ଟାର୍ଗେଟ ଦେଇଥିଲା। ଜବାବରେ, ନ୍ୟୁଜିଲାଣ୍ଡ ଦଳ ୨୦୫ ରନ କରି ଅଲଆଉଟ ହୋଇଯାଇଥିଲା। ଭାରତ ପାଇଁ ବରୁଣ ଚକ୍ରବର୍ତ୍ତୀ ଘାତକ ବୋଲିଂ କରିଥିଲେ। ସେ ୫ଟି ଉଇକେଟ୍‌ ନେଇଥିଲେ। ଏବେ ଉଭୟ ଦଳ ଫାଇନାଲରେ ପୁଣି ଥରେ ମୁହାଁମୁହିଁ ହେବେ

ଭାରତ ସେମିଫାଇନାଲରେ ଅଷ୍ଟ୍ରେଲିଆକୁ ପରାସ୍ତ କରିଥିବାବେଳେ ନ୍ୟୁଜିଲ୍ୟାଣ୍ଡ ଦକ୍ଷିଣ ଆଫ୍ରିକାକୁ ପରାସ୍ତ କରି ଫାଇନାଲରେ ପ୍ରବେଶ କରିଛି।