ଚମ୍ପିଆନ୍ସ ଟ୍ରଫି ଖେଳିବାକୁ ପାକିସ୍ତାନ ଯିବ କି ଟିମ୍ ଇଣ୍ଡିଆ ? କଣ କହିଲେ ବିସିସିଆଇର ବଡ ଅଧିକାରୀ ?
ପାକିସ୍ତାନ ଯିବ କି ଟିମ୍ ଇଣ୍ଡିଆ ? ଆସନ୍ତା ବର୍ଷ ପାକିସ୍ତାନରେ ଚମ୍ପିଆନ୍ସ ଟ୍ରଫି ଅନୁଷ୍ଠିତ ହେବ ଏବଂ ଏହି ଟୁର୍ଣ୍ଣାମେଣ୍ଟରେ ଭାରତୀୟ ଦଳ ପାକିସ୍ତାନ ଯିବା ଉପରେ ସନ୍ଦେହ ରହିଛି । ତେବେ ଏ ନେଇ କିଛି ସ୍ପଷ୍ଟତା ଆସି ନାହିଁ । ଦଳ ଯଦି ପାକିସ୍ତାନ ଯାଏ, ତେବେ କଣ ଆଭିମୁଖ୍ୟ ହେବ ତାହା ବି ଜଣା ପଡୁନି ।
କ୍ରିକେଟ ବୋର୍ଡ ଅଫ ଇଣ୍ଡିଆ (ବିସିସିଆଇ) ଉପସଭାପତି ରାଜୀବ ଶୁକ୍ଲା ଏ ବାବଦରେ ଏକ ବିବୃତ୍ତି ଦେଇଛନ୍ତି । ଶୁକ୍ଲାଙ୍କ ଅନୁଯାୟୀ, ଆସନ୍ତା ବର୍ଷ ଫେବୃଆରୀ-ମାର୍ଚ୍ଚରେ ହେବାକୁ ଥିବା ଏହି ଟୁର୍ଣ୍ଣାମେଣ୍ଟରେ ପାକିସ୍ତାନ ଯାତ୍ରା କରିବାର ନିଷ୍ପତ୍ତି କେନ୍ଦ୍ର ସରକାରଙ୍କ ଅନୁମତି ଉପରେ ନିର୍ଭର କରିବ । ରାଜୀବ ଶୁକ୍ଲା ଆହୁରି କହିଛନ୍ତି, ଭାରତ ସରକାର ଯାହା କରିବାକୁ କହିବୁ ଆମେ ତାହା କରିବୁ । ସରକାର ଆମକୁ ଅନୁମତି ଦେଲେ ଆମେ ଆମ ଦଳ ପଠାଇବୁ । ଆମେ ଭାରତ ସରକାରଙ୍କ ନିଷ୍ପତ୍ତି ସହିତ ଯିବୁ।
ଦୀର୍ଘ ଦିନ ଧରି ଭାରତ ଏବଂ ପାକିସ୍ତାନ ମଧ୍ୟରେ ଦ୍ୱିପାକ୍ଷିକ ସିରିଜ ଖେଳାଯାଇ ନାହିଁ ଏବଂ ଉଭୟ ଦଳ କେବଳ ଆଇସିସି ଟୁର୍ଣ୍ଣାମେଣ୍ଟରେ କିମ୍ବା ଏସିଆ କପ ପରି ବହୁରାଷ୍ଟ୍ରୀୟ ଟୁର୍ଣ୍ଣାମେଣ୍ଟରେ ପରସ୍ପର ଖେଳନ୍ତି । ଭାରତ ଏବଂ ପାକିସ୍ଥାନ ମଧ୍ୟରେ ଶେଷ ଦ୍ୱିପାକ୍ଷିକ ସିରିଜ ୨୦୧୨-୧୩ରେ ଖେଳାଯାଇଥିଲା ।
ଗତ ବର୍ଷ ଭାରତରେ ଖେଳାଯାଇଥିବା ଦିନିକିଆ ବିଶ୍ୱକପ ସମୟରେ ଭାରତ ଏବଂ ପାକିସ୍ତାନର ଦଳ ମୁକାବିଲା ହୋଇଥିଲା, ଯେଉଁଥିରେ ଭାରତ ବିଜେତା ହୋଇଥିଲା। ଆସନ୍ତା ମାସରେ ନ୍ୟୁୟର୍କରେ ହେବାକୁ ଥିବା ଟି-୨୦ ବିଶ୍ୱକପ ସମୟରେ ଦୁଇ ଦଳ ମଧ୍ୟରେ ଗ୍ରୁପ ପର୍ଯ୍ୟାୟ ମ୍ୟାଚ ଖେଳାଯିବ ।
କୂଟନୈତିକ ଏବଂ ସୁରକ୍ଷା ଦିଗ ସମେତ ଆଇସିସି ଚାମ୍ପିଅନ୍ସ ଟ୍ରଫି ପାଇଁ ଭାରତୀୟ ଦଳକୁ ପାକିସ୍ତାନ ପଠାଇବା ପୂର୍ବରୁ ଅନେକ କାରଣ ଉପରେ ଆଲୋଚନା କରାଯାଇଛି। ସୁରକ୍ଷା ପ୍ରସଙ୍ଗ ଏବଂ ଇତିହାସକୁ ଦୃଷ୍ଟିରେ ରଖି ଟୁର୍ନାମେଣ୍ଟ ପାଇଁ ପଡୋଶୀ ଦେଶକୁ ଯାତ୍ରା କରୁଥିବା ଭାରତ ଉପରେ କୌଣସି ନିଷ୍ପତ୍ତି ସତର୍କତାର ସହ ନିଆଯିବ।
ଗତ ବର୍ଷ ଏକଦିବସୀୟ ବିଶ୍ୱକପ ପୂର୍ବରୁ ପାକିସ୍ତାନରେ ଏସିଆ କପ ଆୟୋଜନ କରାଯାଉଥିଲା, କିନ୍ତୁ ଭାରତୀୟ ଦଳ ଏଥିପାଇଁ ପଡୋଶୀ ଦେଶକୁ ଯିବାକୁ ମନା କରିଦେଇଥିଲେ, ଏହା ପରେ ହାଇବ୍ରିଡ ମଡେଲ ଅଧୀନରେ ଏହି ଟୁର୍ଣ୍ଣାମେଣ୍ଟରେ ଆୟୋଜିତ ହୋଇଥିଲା। ଭାରତର ସମସ୍ତ ମ୍ୟାଚ ଶ୍ରୀଲଙ୍କାରେ ଖେଳାଯାଇଥିବାବେଳେ ଅନ୍ୟ ଦଳର କିଛି ମ୍ୟାଚ ପାକିସ୍ତାନରେ ଖେଳାଯାଇଥିଲା । ତେବେ ପାକିସ୍ତାନ ଏକଦିବସୀୟ ବିଶ୍ୱକପ ପାଇଁ ଭାରତ ଗସ୍ତ କରିଥିଲା ।
Click it and Unblock the Notifications
Sign in with Google