କାଲିଠୁ ବର୍ଡର ଗାଭାସ୍କର ଟ୍ରଫି: ଭାରତ ପାଇଁ ବଡ ପରୀକ୍ଷା, ବଦଲା ଲକ୍ଷ୍ୟରେ ଅଷ୍ଟ୍ରେଲିଆ
ଆସନ୍ତାକାଲିଠୁ ଭ୍ରମଣକାରୀ ଅଷ୍ଟ୍ରେଲିଆ ଏବଂ ଆୟୋଜକ ଭାରତ ମଧ୍ୟରେ ବର୍ଡର-ଗାଭାସ୍କର ଟ୍ରଫି 2023 ସିରିଜ୍ ଆରମ୍ଭ ହେବାକୁ ଯାଉଛି । ଦୁଇ ଦଳ ମଧ୍ୟରେ ଏକ ଚାରି ଟେଷ୍ଟ ସିରିଜ୍ ଖେଳାଯିବ ।
IND vs AUS, Nagpur Test Preview: ଆସନ୍ତାକାଲିଠୁ ଭ୍ରମଣକାରୀ ଅଷ୍ଟ୍ରେଲିଆ ଏବଂ ଆୟୋଜକ ଭାରତ ମଧ୍ୟରେ ବର୍ଡର-ଗାଭାସ୍କର ଟ୍ରଫି 2023 ସିରିଜ୍ ଆରମ୍ଭ ହେବାକୁ ଯାଉଛି । ଦୁଇ ଦଳ ମଧ୍ୟରେ ଏକ ଚାରି ଟେଷ୍ଟ ସିରିଜ୍ ଖେଳାଯିବ । ଯାହାର ପ୍ରଥମ ମ୍ୟାଚ ନାଗପୁରର ଭିସିଏ ଷ୍ଟାଡିୟମରେ ଖେଳାଯିବ ।
ଏହି ଗ୍ରାଉଣ୍ଡରେ ଦୁଇ ଦଳ ମଧ୍ୟରେ ଏପର୍ଯ୍ୟନ୍ତ କେବଳ ଗୋଟିଏ ଟେଷ୍ଟ ମ୍ୟାଚ୍ ଖେଳାଯାଇଛି । ଯେଉଁଥିରେ ଭାରତ ଜିତିଛି ଏବଂ ଟିମ୍ ଇଣ୍ଡିଆ ପୁଣି ଥରେ ଏଠାରେ ଇତିହାସ ପୁନରାବୃତ୍ତି କରିବା ପାଇଁ ଲକ୍ଷ୍ୟ ରଖିଛି । ତେବେ ରୋହିତ ଶର୍ମାଙ୍କ ଅଧିନାୟକତ୍ୱରେ ଭାରତୀୟ ଦଳ ବିଶ୍ୱର ଏକ ନମ୍ବର ଟେଷ୍ଟ ଦଳ ଅଷ୍ଟ୍ରେଲିଆକୁ ଭେଟିବ ।
ଇଂଲଣ୍ଡରେ ପ୍ରଥମେ ଆଶେସ୍ , ପରେ ପାକିସ୍ତାନ ଟେଷ୍ଟ ସିରିଜ, ପରେ ଶ୍ରୀଲଙ୍କା ଏବଂ ପରେ ୱେଷ୍ଟଇଣ୍ଡିଜ୍ ଏବଂ ଦକ୍ଷିଣ ଆଫ୍ରିକାକୁ ଅତି ସହଜରେ ପରାସ୍ତ କରିବା ପରେ ପ୍ୟାଟ୍ କମିନ୍ସ ନେତୃତ୍ୱାଧିନ କଙ୍ଗାରୁ ଦଳ ଏବେ ଭାରତ ପହଞ୍ଚିଛି । ଅନ୍ୟପଟେ ରୋହିତ ଶର୍ମାଙ୍କ ପାଇଁ ଟେଷ୍ଟ ଅଧିନାୟକତ୍ୱ ଗ୍ରହଣ କରିବା ପରେ ଏହା ତାଙ୍କର ସବୁଠୁ ବଡ ପରୀକ୍ଷା ହେବ ।
ଅଧିନାୟକ ହେବା ପରଠାରୁ ରୋହିତ କେବଳ ଦୁଇଟି ଟେଷ୍ଟ ଖେଳିଛନ୍ତି । ଯାହା ଏକ ବର୍ଷ ପୂର୍ବେ ଶ୍ରୀଲଙ୍କା ବିପକ୍ଷରେ ଥିଲା । ସେବେଠାରୁ ସେ ଟେଷ୍ଟ କ୍ରିକେଟ୍ ଖେଳିବାକୁ ଓହ୍ଲାଇ ନାହାଁନ୍ତି । ଏଭଳି ପରିସ୍ଥିତିରେ କେବଳ ଅଧିନାୟକତ୍ୱ ନୁହେଁ ବରଂ ତାଙ୍କ ବ୍ୟାଟିଂ ମଧ୍ୟ ସିଜିନର ସବୁଠୁ ବଡ ଓ ଗୁରୁତ୍ୱପୂର୍ଣ୍ଣ ବିଷୟ ହେବ ।
ନାଗପୁରର ବିଦର୍ଭ କ୍ରିକେଟ୍ ଆସୋସିଏସନ୍ ଷ୍ଟାଡିୟମରେ ଥିବା ପିଚ୍ ସ୍ପିନରଙ୍କ ପାଇଁ ସହାୟକ ହେବ । ଏଥିରେ କୌଣସି ସନ୍ଦେହ ନାହିଁ । ଅଷ୍ଟ୍ରେଲିଆ ମଧ୍ୟ ଅନୁମାନ କରୁଛି ଯେ ଗୋଟିଏ ଅଂଶ ଶୁଖିଲା ଥିବାରୁ ପିଚ୍ ବାମହାତୀ ସ୍ପିନରମାନଙ୍କୁ ସାହାଯ୍ୟ କରିବ । ଏଭଳି ପରିସ୍ଥିତିରେ ଉଭୟ ଦଳ ଚୁଡାନ୍ତ ଏକାଦଶରେ ଅତି କମରେ ତିନି ଜଣ ସ୍ପିନରଙ୍କୁ ସାମିଲ କରିବେ ବୋଲି ଏଥିରେ ସନ୍ଦେହ ନାହିଁ।
ଅଷ୍ଟ୍ରେଲୀୟ ବ୍ୟାଟ୍ସମ୍ୟାନଙ୍କ ପାଇଁ ଏହା ଅତ୍ୟନ୍ତ ଚ୍ୟାଲେଞ୍ଜିଂ ହେବାକୁ ଯାଉଛି । ଏକଥା ସମସ୍ତେ ଜାଣନ୍ତି । କିନ୍ତୁ ପ୍ରକୃତ ଆଖି ଭାରତୀୟ ବ୍ୟାଟ୍ସମ୍ୟାନଙ୍କ ଉପରେ ରହିଛି। ଭାରତରେ ଏହି ମ୍ୟାଚ୍ ଅନୁଷ୍ଠିତ ହେଉଥିଲେ ମଧ୍ୟ ନିକଟ ଅତୀତରେ ଭାରତର ଶୀର୍ଷ ବ୍ୟାଟ୍ସମ୍ୟାନଙ୍କୁ ସ୍ପିନରଙ୍କ ବିପକ୍ଷରେ ଅସୁବିଧାର ସମ୍ମୁଖୀନ ହେବାକୁ ପଡିଛି । ବିଶେଷକରି ବିରାଟ କୋହଲି ଏବଂ ଚେତେଶ୍ୱର ପୂଜାରା ନାଥନ୍ ଲିଅନ୍ ଏବଂ ଆଷ୍ଟନ୍ ଅଗର କିମ୍ବା ଅନ୍ୟ ସ୍ପିନରଙ୍କ ସହ କିପରି ମୁହାଁମୁହିଁ ହେବେ ତାହା ଦେଖିବାକୁ ବାକି ରହିଲା । ନାଗପୁରର 4 ଦିନିଆ କ୍ୟାମ୍ପରେ ଭାରତୀୟ ବ୍ୟାଟ୍ସମ୍ୟାନମାନେ ସ୍ୱିପ୍ ସଟ୍ ଅଭ୍ୟାସ କରିଥିଲେ । କିନ୍ତୁ ସେମାନେ ଏହାକୁ ମ୍ୟାଚରେ ବ୍ୟବହାର କରିବେ କି ନାହିଁ ତାହା ଦେଖିବାକୁ ବାକି ରହିଲା ।
ଅଷ୍ଟ୍ରେଲିଆ ବିଷୟରେ କହିବାକୁ ଗଲେ ଏହା କେବଳ ଭାରତର 18 ବର୍ଷର ପ୍ରତୀକ୍ଷାକୁ ସମାପ୍ତ କରିବାର ଲକ୍ଷ୍ୟ ନୁହେଁ । ବରଂ ଘରେ ଲଗାତାର ଦୁଇଟି ପରାଜୟର ଆକାଉଣ୍ଟକୁ ସମାନ କରିବାର ଚ୍ୟାଲେଞ୍ଜ ମଧ୍ୟ ଅଟେ । 2004 ମସିହାରେ ଭାରତ ଗସ୍ତରେ ଅଷ୍ଟ୍ରେଲିଆ ସେମାନଙ୍କର ଶେଷ ଟେଷ୍ଟ ସିରିଜ୍ ଜିତିଥିଲା । ସେବେଠାରୁ ସେ 2017 ର ଶେଷ ଭ୍ରମଣରେ କେବଳ ଗୋଟିଏ ଟେଷ୍ଟ ଜିତିଥିଲେ । ଏହା ପରେ 2018-19 ଏବଂ 2020-21 ରେ ଭାରତଠାରୁ ଦଳ ନିଜ ଘରେ ସିରିଜ ହାରିଥିଲା । ଏହି ସବୁ ପାଇଁ ଅଷ୍ଟ୍ରେଲିଆକୁ ପ୍ରତିଶୋଧ ନେବାକୁ ତୟାର ରହିଛି ।
ଏଭଳି ପରିସ୍ଥିତିରେ ସ୍ମିଥଙ୍କୁ ରବିଚନ୍ଦ୍ରନ ଅଶ୍ୱିନ, ଅକ୍ଷାର ପଟେଲ ଏବଂ ରବିନ୍ଦ୍ର ଜାଡେଜାଙ୍କ ସମ୍ଭାବ୍ୟ ସ୍ପିନ୍ ଟ୍ରାଇ ଆଗରେ ଦୃଢ ଭାବରେ ଠିଆ ହେବାକୁ ପଡ଼ିବ। ଯଦି ସ୍ମିଥ୍ ଭଲ ଫର୍ମରେ ଅଛନ୍ତି, ତେବେ ଭାରତୀୟ ସ୍ପିନରଙ୍କ ପାଇଁ ତାଙ୍କୁ ପରାସ୍ତ କରିବା ସହଜ ହେବ ନାହିଁ । ଉଲ୍ଲେଖଥାଉ କି, ଭାରତୀୟ ସ୍ପିନରମାନେ ଅଷ୍ଟ୍ରେଲିଆର ବାମହାତୀ ବ୍ୟାଟ୍ସମ୍ୟାନଙ୍କୁ ଶିକାର କରିବାର ଏକ ଭଲ ସୁଯୋଗ ପାଇଛନ୍ତି । ଯେଉଁମାନେ ଅଷ୍ଟ୍ରେଲିୟା ଲାଇନ୍ ଅପରେ ବହୁତ ଦେଖାଯିବେ ।
ଅନ୍ୟପଟେ ପ୍ରତ୍ୟେକ ଥର ଭଳି, ସିରିଜ ଆରମ୍ଭ ହେବା ପୂର୍ବରୁ ମଧ୍ୟ ଅଷ୍ଟ୍ରେଲିଆ ଗଣମାଧ୍ୟମ ଏବଂ ପୂର୍ବତନ କ୍ରିକେଟରଙ୍କଠାରୁ ଆଲୋଚନା, ବିତର୍କ ଏବଂ ଅଭିଯୋଗ ଆରମ୍ଭ ହୋଇଛି ।
- ଭାରତୀୟ ଦଳ: ରୋହିତ ଶର୍ମା (କ୍ୟାପଟେନ), କେ.ଏଲ୍ ରାହୁଲ, ଚେତେଶ୍ୱର ପୂଜାରା, ବିରାଟ କୋହଲି, ଶୁଭମନ ଗିଲ, ରବିନ୍ଦ୍ର ଜାଡେଜା, କେ.ଏସ୍ ଭାରତ (ୱିକେଟ୍ କିପର), ରବିଚନ୍ଦ୍ରନ୍ ଅଶ୍ୱିନ୍, ଅକ୍ସର ପଟେଲ, ମହମ୍ମଦ ଶାମି, ମହମ୍ମଦ ସିରାଜ, କୁଲଦୀପ ଯାଦବ, ସୂର୍ଯ୍ୟକୁମାର ଯାଦବ, ଜୟଦେବ ଉନାଦକଟ, ଇଶାନ କିଷନ ।
Click it and Unblock the Notifications
Sign in with Google