Border Gavaskar Trophy 2024-25: ଅଷ୍ଟ୍ରେଲିଆ ଖବରକାଗଜ 'ଫ୍ରଣ୍ଟ୍‌' ପେଜ୍‌ରେ ବିରାଟ

ବର୍ଡର-ଗାଭାସ୍କର ଟ୍ରଫିର ପ୍ରଥମ ଟେଷ୍ଟର ୧୦ ଦିନ ପୂର୍ବରୁ ସବୁଠି ବିରାଟଙ୍କ କ୍ରେଜ୍ । ଗଣମାଧ୍ୟମକୁ ଛୁଇଁଛି ରନ ମେସିନ ବିରାଟ କୋହଲିଙ୍କ ଜଲବା । ଭାରତୀୟ କ୍ରିକେଟର ଲୋକପ୍ରିୟ ଚେହେରା ବର୍ଡର-ଗାଭାସ୍କର ଟ୍ରଫି ପାଇଁ ପର୍ଥରେ ପହଞ୍ଚିବା ପରେ ଅଷ୍ଟ୍ରେଲିଆ ଖବରକାଗଜର ଏକ ଗ୍ରୁପ୍ ତାଙ୍କ ଫଟୋକୁ 'ଫ୍ରଣ୍ଟ୍ ପେଜ୍'ରେ ଛାପିଛି ।
ଏଥିରୁ ଜଣାପଡୁଛି ଭାରତୀୟ କ୍ରିକେଟରଙ୍କ କ୍ରେଜ୍ କେବଳ ଭାରତରେ ନୁହେଁ, ସାରା ବିଶ୍ବରେ ରହିଛି।

ପ୍ରଶଂସକମାନଙ୍କୁ ଖୁସି କରାଇବା ପାଇଁ ଆଶ୍ଚର୍ଯ୍ୟଜନକ ପଦକ୍ଷେପ ଭାବେ ଖବରକାଗଜ ସଂସ୍ଥା ବିରାଟଙ୍କ ଫଟୋ ଦେଇ ହିନ୍ଦୀ ଏବଂ ପଞ୍ଜାବୀରେ ହେଡଲାଇନ୍ ଛାପିଥିବା ଦେଖାଯାଇଛି । ଯାହା ତାଙ୍କର ଅପାର ଲୋକପ୍ରିୟତାକୁ ଦର୍ଶାଇଛି ।

ତେବେ ସେହି ଖବରକାଗଜରେ ଜଶ୍ବସୀ ଜୈସୱାଲ୍ ଏବଂ ଋଷଭ ପନ୍ତଙ୍କ ବିଷୟରେ ମଧ୍ୟ ଉଲ୍ଲେଖ କରାଯାଇଥିଲା। ପ୍ରଥମ ପୃଷ୍ଠାରେ ବିରାଟଙ୍କ ଫଟୋ ସହିତ ବୋଲ୍ଡ ଅକ୍ଷରରେ ଲେଖାଯାଇଥିଲା 'ଯୁଗୋଁ କି ଲଢ଼ାଇ'। ଅଷ୍ଟ୍ରେିଲିଆ ମିଡିଆ ଏଭଳି ଭାବେ କୋହଲିଙ୍କର ସ୍ବତନ୍ତ୍ର ଫଟୋ ଛାପିବା କଥା କ୍ରିଡ଼ା ସାମ୍ବାଦିକମାନଙ୍କୁ ଚକିତ କରିଛି।

ନଭେମ୍ବର ୨୨ ରୁ ୨୬ ପର୍ଯ୍ୟନ୍ତ ଅପ୍ଟସ୍ ଷ୍ଟାଡିୟମରେ ଭାରତର ସିରିଜ୍ ଓପନର୍ ହେବାର ଦୁଇ ସପ୍ତାହ ପୂର୍ବରୁ କୋହଲି ରବିବାର ସନ୍ଧ୍ୟାରେ ପର୍ଥରେ ଅବତରଣ କରିଥିଲେ। ୱାକା ଗ୍ରାଉଣ୍ଡରେ ଟ୍ରେନିଂ ଆରମ୍ଭ ହେବା ସହିତ କୋହଲି କିପରି ଏହି ତାଜା ପାଇଁ ପ୍ରସ୍ତୁତ ହେବେ ତାହା ଦେଖିବାକୁ ଭାରତୀୟ ପ୍ରଶଂସକମାନେ ଉତ୍ସାହିତ ଅଛନ୍ତି।