ବିସିସିଆଇର ଘୋଷଣା, ବଦଳିଲା ଟିମ୍ ଇଣ୍ଡିଆର ଦୁଇଟି ଟେଷ୍ଟ ମ୍ୟାଚର ଭେନ୍ୟୁ

ଟିମ୍ ଇଣ୍ଡିଆ ୫ଟି ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଖେଳିବାକୁ ଇଂଲଣ୍ଡ ଟୁର କରିଛି । ଏହାରି ମଧ୍ୟରେ ବିସିସିଆଇ ଟିମ୍ ଇଣ୍ଡିଆର କିଛି ମ୍ୟାଚରେ ଭେନ୍ୟୁ ପରିବର୍ତ୍ତନ କରିଛି ।

ବିସିସିଆଇ ଟିମ୍ ଇଣ୍ଡିଆର ୨୦୨୫ ଅନ୍ତର୍ଜାତୀୟ ଘରୋଇ ସିଜନ୍ ପାଇଁ ଦୁଇଟି ଟେଷ୍ଟ ମ୍ୟାଚର ସୂଚୀରେ ପରିବର୍ତ୍ତନ ଘୋଷଣା କରିଛି । ଏହି ପରିବର୍ତ୍ତନ ଅନୁଯାୟୀ, ଭାରତ ଏବଂ ୱେଷ୍ଟଇଣ୍ଡିଜ୍ ମଧ୍ୟରେ ଦ୍ୱିତୀୟ ଟେଷ୍ଟ ମ୍ୟାଚ ଏବେ କୋଲକାତା ବଦଳରେ ନୂଆଦିଲ୍ଲୀରେ ଖେଳାଯିବ । ସେହିପରି, ଦକ୍ଷିଣ ଆଫ୍ରିକା ବିପକ୍ଷରେ ପ୍ରଥମ ଟେଷ୍ଟ ମ୍ୟାଚ ନୂଆଦିଲ୍ଲୀ ବଦଳରେ କୋଲକାତାର ଇଡେନ୍ ଗାର୍ଡେନ୍ସରେ ଅନୁଷ୍ଠିତ ହେବ ।

ଭାରତ ବନାମ ୱେଷ୍ଟଇଣ୍ଡିଜ୍:

ପ୍ରଥମ ଟେଷ୍ଟ : ୨-୬ ଅକ୍ଟୋବର ୨୦୨୫, ଅହମଦାବାଦ
ଦ୍ୱିତୀୟ ଟେଷ୍ଟ : ୧୦-୧୪ ଅକ୍ଟୋବର ୨୦୨୫, ନୂଆଦିଲ୍ଲୀ (ପୂର୍ବରୁ କୋଲକାତା)

ଭାରତ ବନାମ ଦକ୍ଷିଣ ଆଫ୍ରିକା :

ପ୍ରଥମ ଟେଷ୍ଟ: ୧୪-୧୮ ନଭେମ୍ବର ୨୦୨୫, କୋଲକାତା (ପୂର୍ବରୁ ନୂଆଦିଲ୍ଲୀ)
ଦ୍ୱିତୀୟ ଟେଷ୍ଟ: ୨୨-୨୬ ନଭେମ୍ବର ୨୦୨୫, ଗୌହ୍ବାଟୀ

ଏହା ସହିତ, ମହିଳା ଟିମ୍ ଇଣ୍ଡିଆର ଅଷ୍ଟ୍ରେଲିଆ ବିପକ୍ଷ ଦିନିକିଆ ସିରିଜର ସ୍ଥାନ ମଧ୍ୟ ବଦଳାଯାଇଛି । ପ୍ରଥମ ଏବଂ ଦ୍ୱିତୀୟ ଦିନିକିଆ ଏବେ ନୂଆ ଚଣ୍ଡୀଗଡ଼ରେ ଏବଂ ତୃତୀୟ ଦିନିକିଆ ନୂଆଦିଲ୍ଲୀରେ ଖେଳାଯିବ ।

BCCI ଏହି ପରିବର୍ତ୍ତନ ସମ୍ପର୍କରେ କୌଣସି ନିର୍ଦ୍ଦିଷ୍ଟ କାରଣ ଉଲ୍ଲେଖ କରି ନାହିଁ, କିନ୍ତୁ ଏହା ଷ୍ଟାଡିୟମର ଉପଲବ୍ଧତା ଏବଂ ଲଜିଷ୍ଟିକ୍ ସୁବିଧା ଆଧାରରେ ହୋଇଥାଇପାରେ। ଏହି ନୂଆ ସୂଚୀ କ୍ରିକେଟ୍ ପ୍ରେମୀଙ୍କ ପାଇଁ ଉତ୍ସାହଜନକ ହେବ, କାରଣ କୋଲକାତାର ଇଡେନ୍ ଗାର୍ଡେନ୍ସ ୬ ବର୍ଷ ପରେ ଟେଷ୍ଟ ମ୍ୟାଚ ଆୟୋଜନ କରିବ।