ବାରବାଟୀରେ ନାହିଁ ଅଗ୍ନି ନିରାପତ୍ତା ବ୍ୟବସ୍ଥା, OCAକୁ ନୋଟିସ ଜାରି କଲେ OHRC
ଷ୍ଟାଡିୟମରେ ଅଗ୍ନି ନିରାପତ୍ତା ପଦକ୍ଷେପ ଅଭାବରୁ OHRC କଟକ ଡିସିପି ଏବଂ ଓଡିଶା କ୍ରିକେଟ୍ ଆସୋସିଏସନ୍ (OCA) ସମ୍ପାଦକଙ୍କୁ ନୋଟିସ୍ ଜାରି କରିଛନ୍ତି । ମେ 26 ସୁଦ୍ଧା ଆୟୋଗ ଏହାର ଉତ୍ତର ମାଗିଛନ୍ତି।
କଟକ: ଆଗକୁ ବାରବାଟୀ ଟି-20 । ଭାରତ ବନାମ ଦକ୍ଷିଣ ଆଫ୍ରିକା ମଧ୍ୟରେ ଟି-20 ଇଣ୍ଟରନ୍ୟାସନାଲ ମ୍ୟାଚ ଜୁନ୍ 12 ରେ ଅନୁଷ୍ଠିତ ହେବାକୁ ଯାଉଛି । ଦୀର୍ଘଦିନ ପରେ ଓଡିଶାକୁ ଅନ୍ତର୍ଜାତୀୟ ମ୍ୟାଚ ଫେରିଥିବାରୁ କ୍ରିକେଟ ପ୍ରେମୀଙ୍କ ମନରେ ଉତ୍କଣ୍ଠା ଭରି ରହିଛି ।
ମାତ୍ର ସୁରକ୍ଷା ଦୃଷ୍ଟିକୋଣରୁ ବାରବାଟୀ ଷ୍ଟାଡିୟମ ଅସୁରକ୍ଷିତ ବୋଲି ଓଡିଶା ମାନବ ଅଧିକାର ଆୟୋଗ (ଓଏଚଆରସି) ଦର୍ଶାଇଛନ୍ତି । ଷ୍ଟାଡିୟମରେ ଅଗ୍ନି ନିରାପତ୍ତା ପଦକ୍ଷେପ ଅଭାବରୁ OHRC କଟକ ଡିସିପି ଏବଂ ଓଡିଶା କ୍ରିକେଟ୍ ଆସୋସିଏସନ୍ (OCA) ସମ୍ପାଦକଙ୍କୁ ନୋଟିସ୍ ଜାରି କରିଛନ୍ତି । ମେ 26 ସୁଦ୍ଧା ଆୟୋଗ ଏହାର ଉତ୍ତର ମାଗିଛନ୍ତି।
ତେବେ ଗୁରୁତ୍ୱପୂର୍ଣ୍ଣ କଥା ହେଉଛି କି, ଜୁନ୍ 12 ରେ ବାରବାଟୀ ଷ୍ଟାଡିୟମରେ ଅନୁଷ୍ଠିତ ହେବାକୁ ଥିବା ଟି-20 ଆନ୍ତର୍ଜାତୀୟ ମ୍ୟାଚକୁ ଏକ ମାସରୁ କମ୍ ସମୟ ଥିବା ବେଳେ ଏହି ଖବର ଫ୍ୟାନ୍ସଙ୍କ ମନରେ ଏବେ ଆଲୋଡନ ସୃଷ୍ଟି କରିଛି ।
ଉଲ୍ଲେଖଯୋଗ୍ୟ ଯେ, ଗତକାଲି (ସୋମବାର) ଡିସିପି ପିନାକ ମିଶ୍ର ଆଗାମୀ ମ୍ୟାଚ୍ ପାଇଁ ଷ୍ଟାଡିୟମ ପ୍ରସ୍ତୁତିର ସମୀକ୍ଷା କରିଥିଲେ । ଯଦି ସବୁ ଠିକ୍ ହୁଏ, ତେବେ ଅଢେଇ ବର୍ଷର ବ୍ୟବଧାନ ପରେ ବାରବାଟୀ ଏକ ଆନ୍ତର୍ଜାତୀୟ ମ୍ୟାଚ ଆୟୋଜନ କରିବ ।