AUS vs IND: ବିରାଟଙ୍କୁ ନେଇ ଗମ୍ଭୀରଙ୍କ ମନ୍ତବ୍ୟ, କହିଲେ-ସତରେ ମୁଁ ତାଙ୍କ ରଣନୀତି ବୁଝିପାରୁ ନାହିଁ
ଭାରତୀୟ ପୂର୍ବତନ ଗୌତମ ଗମ୍ଭୀର ଅଧିନାୟକ ବିରାଟ କୋହଲିଙ୍କ ଅଧିନାୟକତ୍ୱକୁ ସମାଲୋଚନା କରିଛନ୍ତି ।
ନୂଆଦିଲ୍ଲୀ: ଅଷ୍ଟ୍ରେଲିଆ ବିପକ୍ଷ 2ୟ ଦିନିକିଆ ମ୍ୟାଚରେ ପରାଜୟ ପରେ ଭାରତୀୟ ପୂର୍ବତନ ଗୌତମ ଗମ୍ଭୀର ଅଧିନାୟକ ବିରାଟ କୋହଲିଙ୍କ ଅଧିନାୟକତ୍ୱକୁ ସମାଲୋଚନା କରିଛନ୍ତି ।
ଭାରତ ବର୍ତ୍ତମାନ ଅଷ୍ଟ୍ରେଲିଆ ଗସ୍ତରେ 3 ମ୍ୟାଚ୍ ବିଶିଷ୍ଟ ଦିନିକିଆ ସିରିଜ୍ ଖେଳୁଛି । ପ୍ରଥମ ଦୁଇଟି ମ୍ୟାଚ୍ ହାରିବା ସହ ସିରିଜ୍ ହାତ ଛଡା କରି ସାରିଛି ଭ୍ରମଣକାରୀ ଦଳ । ପ୍ରଥମ ମ୍ୟାଚରେ ଅଷ୍ଟ୍ରେଲିଆ ଭାରତକୁ 66 ରନରେ ଏବଂ ଦ୍ୱିତୀୟ ଦିନିକିଆରେ 51 ରନରେ ପରାସ୍ତ କରିଛି। ତେବେ ଦୁଇଟି ପରାୟଜ ପରେ କୋହିଲଙ୍କ ଅଧିନାୟକତ୍ବକୁ ନେଇ ବିଭିନ୍ନ ମହଲରେ ବିଭିନ୍ନ ଚର୍ଚ୍ଚା ଉଠିଛି । ଏଥିରେ ସାମିଲ ହୋଇ ସାଂସଦ ତଥା ପୂର୍ବତନ କ୍ରିକେଟର ଗୌତମ ଗମ୍ଭୀର କହିଛନ୍ତି କୋହଲି ନୂତନ ବଲ ସହିତ ଜସପ୍ରୀତ ବୁମ୍ରାଙ୍କୁ କାହିଁକି ମାତ୍ର ଦୁଇଟି ଓଭର ଦେଇଥିଲେ ତାହା ସେ ବୁଝିପାରୁ ନାହାନ୍ତି ।
ଗୌତମ କହିଛନ୍ତି, "ମୁଁ ସଚ୍ଚୋଟତାର ସହ କହୁଛି, ତାଙ୍କ ଅଧିନାୟକତାକୁ ମୁଁ ବୁଝି ପାରୁ ନାହିଁ। ଆମେ ଏହା ବିଷୟରେ ନିରନ୍ତର କଥାବାର୍ତ୍ତା କରୁଛୁ। ୱିକେଟ୍ ନେବା କେତେ ମହତ୍ବପୂର୍ଣ୍ଣ ଅଟେ ଯାହା ଦ୍ବାର ଏପରି ବ୍ୟାଟିଂ ଅର୍ଡର ବନ୍ଦ ହୋଇପାରିବ। ତା'ପରେ ତୁମର ଟପ୍ ବୋଲରଙ୍କୁ ନୂଆ ବଲ୍ ସହିତ ମାତ୍ର ଦୁଇଟି ଓଭର ବୋଲିଂ କରାଉଛି । ସାଧାରଣତ ଦିନିକିଆ କ୍ରିକେଟରେ ଏମିତି ବୋଲି ସ୍ପେଲ ହୋଇଥାଏ (4-3-3) । "
"କିନ୍ତୁ ଯଦି ତୁମେ ତୁମର ଟପ୍ ବୋଲରଙ୍କୁ ନୂଆ ବଲ୍ ସହିତ ମାତ୍ର ଦୁଇ ଓଭରରେ ଅଟକାଇବ, ମୁଁ ସେପରି ଅଧିନାୟକତ୍ୱ ବୁଝିପାରୁ ନାହିଁ। ମୁଁ ଏହି ଅଧିନାୟକତ୍ୱକୁ ମଧ୍ୟ ବୁଝାଇ ପାରିବି ନାହିଁ। ଏହା ଟି -20 ନୁହେଁ। ମୁଁ ଏହି ନିଷ୍ପତ୍ତି ବୁଝିପାରୁ ନାହିଁ କାରଣ ଏହା ଖରାପ ଅଧିନାୟକତ୍ବ ଅଟେ। "
ଗମ୍ଭୀର କହିଛନ୍ତି ଯେ ଯଦି ଯଦି ଦଳର ବୋଲିଂ କମ୍ପିନେସନରେ ଅସୁବିଧା ହେଉଛି, ତେବେ ସେ ଷଷ୍ଠ ବୋଲର ଭାବରେ ଶିବମ ଦୁବେ କିମ୍ବା ୱାଶିଂଟନ୍ ସୁନ୍ଦରଙ୍କୁ ଚେଷ୍ଟା କରିପାରିବ। ପୂର୍ବତନ ବାମହାତୀ କହିଛନ୍ତି, ସେ ସୁନ୍ଦର କିମ୍ବା ଦୁବେଙ୍କୁ ସୁଯୋଗ ଦେଇପାରନ୍ତି କିମ୍ବା ଯିଏ ଦଳରେ ଅଛନ୍ତି ସେ ପରବର୍ତ୍ତୀ ମ୍ୟାଚ୍ ଖେଳି ପାରିବେ । କିନ୍ତୁ ଯଦି ଆପଣଙ୍କ ପାଖରେ ଆଉ କିଛି ବିକଳ୍ପ ନାହିଁ, ତେବେ ଏହା ହେଉଛି ଚୟନର ତ୍ରୁଟି। "