ଏସିଆନ ଗେମ୍ସ: ଭାରତକୁ ସୁଟିଂରେ ପୁଣି ଏକ ସ୍ୱର୍ଣ୍ଣ
ହଙ୍ଗଝୌ: ଚଳିତ ଏସିଆନ୍ ଗେମ୍ସରେ ଭାରତକୁ ଆଉ ଏକ ସ୍ବର୍ଣ୍ଣ ପଦକ ମିଳିଛି । ସୁଟିଂରେ ଆଉ ଏକ ଗୋଲ୍ଡ ମେଡାଲ ଜିତିଛି ଭାରତ । ପୁରୁଷ ଟ୍ରାପ ଟିମ ଇଭେଣ୍ଟରେ ଏହି ସଫଳତା ମିଳିଛି । ସେହିପରି ମହିଳା ଟ୍ରାପ ଇଭେଣ୍ଟରେ ଭାରତକୁ ରୌପ୍ୟ ପଦକ ମିଳିଛି ।
ପୁରୁଷ ଟ୍ରାପ ଇଭେଣ୍ଟରେ କାଇନାନ ଚେନାଇ, ଜୋରାଭର ସିଂହ, ପୃଥ୍ବୀରାଜ ଟୋଣ୍ଡାଇମାନ ସ୍ବର୍ଣ୍ଣିମ ସଫଳତା ଅର୍ଜନ କରିଛନ୍ତି । ୩୬୧ ସ୍କୋର ସହ ରେକର୍ଡ କରି ସ୍ୱର୍ଣ୍ଣ ପଦକ ହାସଲ କରିଛନ୍ତି । ଦେଶ ପାଇଁ ସ୍ବର୍ଣ୍ଣିମ ସଫଳତା ଅର୍ଜନ କରିଥିବାରୁ ତାଙ୍କୁ ଶୁଭେଚ୍ଛାର ସୁଅ ଛୁଟିଛି ।
ସେହିପିର ମହିଳା ଟ୍ରାପ ଇଭେଣ୍ଟରେ ଭାରତକୁ ରୌପ୍ୟ ପଦକ ମିଳିଛି । ଏହି ଦଳରେ ମନୀଷା କିର, ପ୍ରୀତି ରାଜାକ୍, ରାଜେଶ୍ବରୀ କୁମୀର ରୌପ୍ୟ ପଦକ ଜିତିଛନ୍ତି । ବିଶେଷ କରି ଏସୀୟ କ୍ରୀଡ଼ାରେ ସୁଟିଂ ବା ବନ୍ଧୁକ ଚାଳନାରେ କମାଲ କରିଛନ୍ତି ଭାରତୀୟ । ସର୍ବାଧିକ ପଦକ ସୁଟିଂରେ ମିଳିଛି । ଏସୀୟ କ୍ରୀଡ଼ାରେ ଷଷ୍ଠ ଦିନରେ ଭାରତକୁ ପୁରୁଷ ୫୦ ମିଟର ଏୟାର ରାଇଫଲ ଟିମ୍ ଇଭେଣ୍ଟ୍ରେ ସ୍ବର୍ଣ୍ଣ ପଦକ ମିଳି ଥିବାବେଳେ ମହିଳା ୧୦ ମିଟର ଏୟାର ପିସ୍ତଲ ଟିମ୍ ଇଭେଣ୍ଟରେ ରୌପ୍ୟ ପଦକ ମିଳିଥିଲା ।
ଏହା ସହିତ ଭାରତର ପଦକ ସଂଖ୍ୟା ୪୧ରୁ ବୃଦ୍ଧି ହୋଇଛି ଯେଉଥିରେ ୧୧ଟି ସ୍ବର୍ଣ୍ଣ ପଦକ ରହିଛି । ସେହିପରି ୬ ରୌପ୍ୟ ଓ ୧୪ ବ୍ରୋଞ୍ଜ ପଦକ ଜିତିଛି ଭାରତ ।
Click it and Unblock the Notifications
Sign in with Google