ଏସିଆ କପ୍ 2023ରୁ ଆଉଟ୍ ହୋଇପାରେ ଟିମ୍ ଇଣ୍ଡିଆ, ସୁପର-4 ପାଇଁ ଏବେ କର ବା ମର ପରିସ୍ଥିତି
Asia Cup, Super 4 Scenario: ଏସିଆ କପ୍ 2023ରୁ ଆଉଟ୍ ହୋଇପାରେ ଟିମ୍ ଇଣ୍ଡିଆ । କାରଣ ଏସିଆ କପ୍ ସୁପର-4ରେ ପହଞ୍ଚିବା ପାଇଁ ଭାରତ ଆଗରେ ଏବେ କର ବା ମର ପରିସ୍ଥିତି ।
ବାସ୍ତବରରେ ଗତକାଲି ଭାରତ ବନାମ ପାକିସ୍ତାନ ମଧ୍ୟରେ ଖେଳା ଯାଇଥିବା ଏସିଆ କପ୍ ମ୍ୟାଚ ବର୍ଷା ଯୋଗୁଁ ବାତିଲ ହୋଇଥିଲା । ଫଳରେ ଉଭୟ ଦଳକୁ 1-1 ପଏଣ୍ଟ ମିଳିଛି । ଏହା ସହ ପାକିସ୍ତାନୀ ଦଳ ସୁପର ଫୋରରେ ସ୍ଥାନ ହାସଲ କରିଛି ।
ଏହି ଟୁର୍ଣ୍ଣାମେଣ୍ଟରେ ଭାରତୀୟ ଦଳର ପ୍ରଥମ ମ୍ୟାଚ୍ । ପ୍ରଥମ ମ୍ୟାରେ ପାକିସ୍ତାନ ଦଳ ନେପାଳକୁ 238 ରନରେ ପରାସ୍ତ କରିଥିଲା । ଗ୍ରୁପ୍ ଏରେ ଭାରତ, ପାକିସ୍ତାନ ଏବଂ ନେପାଳର ଦଳ ସ୍ଥାନିତ ହୋଇଛି । ନେପାଳକୁ ପରାସ୍ତ କରି ପାକିସ୍ତାନ ଦୁଇଟି ପଏଣ୍ଟ ପାଇଥିଲା । ଗୋଟିଏ ପଏଣ୍ଟ ସହ ଦଳ ଇଣ୍ଡିଆ ଦ୍ୱିତୀୟ ସ୍ଥାନରେ ରହିଛି । ନେପାଳ ତୃତୀୟ ସ୍ଥାନରେ ରହିଛି ।
ଗ୍ରୁପ୍ ଏରୁ ସୁପର ଫୋରରେ ଭାରତର ସ୍ଥାନ ଏପର୍ଯ୍ୟନ୍ତ ସ୍ଥିର ହୋଇନାହିଁ । ଯଦି ନେପାଳ ଦଳ ଆଗାମୀ ମ୍ୟାଚରେ କୌଣସି ଅବିଶ୍ୱନୀୟ ପ୍ରଦର୍ଶନ କରି ଦେଖାଉଛି , ତେବେ ଭାରତୀୟ ଦଳର ସୁପର-4ର ଯାତ୍ରା ଏଇଠାରେ ହିଁ ସମାପ୍ତ ହୋଇଯିବ । ଫଳରେ ଚଳିତ ଏସିଆ କପ୍ରୁ ଦଳ ଆଉଟ୍ ହୋଇଯିବ । ତେଣୁ ଆଗାମୀ ମ୍ୟାଚ ଭାରତୀୟ ଦଳ ପାଇଁ କର ବା ମର ମ୍ୟାଚ୍ ହେବ ।
ସୁପର-4କୁ ଯିବାକୁ ହେଲେ ଭାରତୀୟ ଦଳ ନେପାଳକୁ ପରାସ୍ତ କରିବାକୁ ପଡିବ। ଯାହା ଫଳରେ କି ଟିମ୍ ଇଣ୍ଡିଆକୁ 3 ପଏଣ୍ଟ ମିଳିବ । ନେଟ୍ ରନ୍ ହାରର ଭୂମିକା ମଧ୍ୟ ସେଠାରେ ଶେଷ ହେବ । ଏହି ଉପାୟରେ ଭାରତୀୟ ଦଳ ପାଲେଲେଲେରେ ନେପାଳକୁ ପରାସ୍ତ କରି ସୁପର-4ରେ ସ୍ଥାନ ପାଇ ପାରିବ ।
ଭାରତ ଏବଂ ନେପାଳ ମଧ୍ୟରେ ମ୍ୟାଚ୍ ସେପ୍ଟେମ୍ବର 4 ରେ ପାଲଲେକେରେ ଅନୁଷ୍ଠିତ ହେବ । ଏହିଠାରେ ଗତକାଲି ଭାରତ ଏବଂ ପାକିସ୍ତାନ ମଧ୍ୟରେ ମ୍ୟାଚ୍ ମଧ୍ୟ ଅନୁଷ୍ଠିତ ହୋଇଥିଲା । କିନ୍ତୁ ବର୍ଷା ଏହାକୁ ଧୋଇ ନେଇଥିଲା । ମ୍ୟାଚ୍ ସମ୍ପୂର୍ଣ୍ଣ ପ୍ରଭାବିତ ହେବା ଫଳରେ ପ୍ରଶଂସକମାନେ ମଧ୍ୟ ନିରାଶ ହୋଇଥିଲେ।
ତେବେ ଗ୍ରୁପ୍ ବିରୁ ଶ୍ରୀଲଙ୍କା ଦଳ ବର୍ତ୍ତମାନ ଏକ ନମ୍ବରରେ ଅଛି । ବାଂଲାଦେଶକୁ ପରାସ୍ତ କରି ଶ୍ରୀଲଙ୍କା 2 ଟି ଗୁରୁତ୍ୱପୂର୍ଣ୍ଣ ପଏଣ୍ଟ ହାସଲ କରିଥିଲା । ରବିବାର ଦିନ ବାଂଲାଦେଶ ଏବଂ ଆଫଗାନିସ୍ତାନ ମଧ୍ୟରେ ଏକ ମ୍ୟାଚ୍ ଅଛି । ଯଦି ଆଫଗାନିସ୍ତାନ ଏହି ମ୍ୟାଚ୍ ଜିତେ ତେବେ ବାଂଲାଦେଶ ଦଳ ଆଉଟ୍ ହେବ ।
Click it and Unblock the Notifications
Sign in with Google