ଏସିଆ କପ୍: ଭାରତ ଆଗରେ ୧୭୨ ରନ୍‌ର ଟାର୍ଗେଟ ରଖିଲା ପାକିସ୍ତାନ

ଏସିଆ କପ୍ ମ୍ୟାଚ୍‌ରେ ପାକିସ୍ତାନ ଭାରତ ପାଇଁ ୧୭୨ ରନ୍‌ର ଟାର୍ଗେଟ ରଖିଛି । ଏସିଆ କପ ସୁପର-୪ର ଆଜିର ମ୍ୟାଚରେ ଭାରତ ଆଗରେ ବିଜୟ ପାଇଁ ୧୭୨ ରନର ଲକ୍ଷ୍ୟ ରଖିଛି ପାକିସ୍ତାନ । ଭାରତ ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା । ପାକିସ୍ତାନ ନିର୍ଦ୍ଧାରିତ ୨୦ ଓଭରରେ ୫ ଓ୍ବିକେଟ ହରାଇ ୧୭୧ ରନ କରି ଭାରତକୁ ୧୭୨ ରନର ବିଜୟ ଲକ୍ଷ୍ୟ ଦେଇଛି । ଦଳ ପକ୍ଷରୁ ସାହିବଜାଦା ଫରହାନ ୫୮ ରନ କରିଥିବାବେଳେ ଫକର ଜମାନ ୧୫ ରନ କରିଥିଲେ ।

ସଇମ ଆୟୁବ ୨୧ ରନ ଓ ମହମ୍ମଦ ନଓ୍ବାଜ ୨୧ ରନ ସହ ସଲମାନ ଆଗା ୧୭ ରନ ଓ ଫହିମ ଅସରଫ ୨୦ ରନ କରିଥିଲେ । ଭାରତ ପକ୍ଷରୁ ଶିବମ ଦୁବେ ୨ଟି ଓ୍ବିକେଟ ନେଇଥିବାବେଳେ କୂଳଦୀପ ଯାଦବ ଓ ହାର୍ଦ୍ଦିକ ପାଣ୍ଡ୍ୟା ଗୋଟିଏ ଲେଖାଏଁ ଓ୍ବିକେଟ ନେଇଥିଲେ । ତେବେ ଭାରତର ଫିଲଡିଂ ଆଜି ନିରାଶାଜନକ ଥିଲା । ଭାରତୀୟ ଫିଲଡରମାନେ ୪ଟି କ୍ୟାଚ ହାତଛଡ଼ା କରିଥିଲେ । ଯାହାକି ପାକିସ୍ତାନର ରନ ରେଟ ବୃଦ୍ଧିରେ ସହାୟକ ହୋଇଥିଲା ।