ଏସିଆ କପ୍ 2023: ଟସ୍ ହାରିଲେ ରୋହିତ୍, ପାକିସ୍ତାନ କରିବ ପ୍ରଥମେ ବ୍ୟାଟିଂ
Asia Cup 2023 Pakistan vs Nepal: ଆରମ୍ଭ ହୋଇଯାଇଛି ଏସିଆ କପ୍ 2023 ଟୁର୍ଣ୍ଣାମେଣ୍ଟ । ଆଜି ପାକିସ୍ତାନ ଓ ନେପାଳ ମଧ୍ୟରେ ଖେଳାଯାଉଥିବା ପ୍ରଥମ ମ୍ୟାଚରେ ଟସ୍ ଜିତିବା ପରେ ପାକିସ୍ତାନ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଛି ।
ଫଳରେ ନେପାଳର ଦଳ ପ୍ରଥମେ ବୋଲିଂ ପାଇଁ ପଡ଼ିଆକୁ ଓହ୍ଲାଇବ । ମୁଲତାନରେ ଖେଳାଯିବାକୁ ଥିବା ଏହି ମ୍ୟାଚ ପାଇଁ ମହମ୍ମଦ ରିଜୱାନ, ଇମାମ-ଉଲ-ହକ ଏବଂ ଶାହିନ ଆଫ୍ରିଦିଙ୍କ ଭଳି ଏକାଦଶରେ ପାକିସ୍ତାନ ଖେଳାଳିଙ୍କୁ ଅନ୍ତର୍ଭୁକ୍ତ କରିଛି । ନେପାଳ ଅଧିନାୟକ ରୋହିତ ପାଉଡେଲ କହିଛନ୍ତି ଯେ ସନ୍ଦୀପ ଲାମିଚାନ ଖେଳୁଥିବା ଏକାଦଶର ଅଂଶ ।
ନେପାଳର ଦଳ ପ୍ରଥମ ଥର ପାଇଁ ଏସିଆ କପ୍ ଖେଳୁଛି । ଏହା ବିଷୟରେ କ୍ୟାପ୍ଟେନ ରୋହିତ ପାଉଡେଲ କହିଛନ୍ତି, ସମସ୍ତେ ଖୁସି ଅଛନ୍ତି । ଏସିଆ କପରେ ଏହା ଆମର ପ୍ରଥମ ମ୍ୟାଚ୍ । ନେପାଳର ସମସ୍ତେ ଏହି ମ୍ୟାଚ୍ ପାଇଁ ଉତ୍ସାହିତ ଅଛନ୍ତି । ଏଠାରେ ଅନେକ ଜିନିଷ ନେପାଳ ସହିତ ସମାନ । ବ୍ୟାଟିଂ ଦୃଷ୍ଟିରୁ ପିଚ୍ ଭଲ ଦେଖାଯାଉଛି ।
ସୂଚନାଯୋଗ୍ୟ, ଏସିଆ କପରେ ନେପାଳର ଡେବ୍ୟୁ ମ୍ୟାଚ୍ ରହିଛି । ସେ ଏପର୍ଯ୍ୟନ୍ତ ODI ଫର୍ମାଟରେ ଭଲ ପ୍ରଦର୍ଶନ କରିଛନ୍ତି । କିନ୍ତୁ ପାକିସ୍ତାନ ବିପକ୍ଷରେ ବିଜୟ ପଞ୍ଜିକରଣ କରିବା ସହଜ ହେବ ନାହିଁ । ଯଦିଓ ନେପାଳର ଭଲ ବୋଲିଂ ରହିଛି । ସନ୍ଦୀପ ଲାମିଚାନେ ଜଣେ ଅଭିଜ୍ଞ ବୋଲର । ସେ ଦଳ ପାଇଁ X ଫ୍ୟାକ୍ଟର୍ ହୋଇପାରନ୍ତି ।
ଦୁଇ ଦଳର ଏକାଦଶ
- ପାକିସ୍ତାନ: ଫକର ଜମାନ, ଇମାମ-ଉଲ-ହକ, ବାବର ଆଜାମ (ଅଧିନାୟକ), ମହମ୍ମଦ ରିଜୱାନ (ୱିକେଟ୍ କିପର), ଆଗା ସଲମାନ, ଇଫ୍ଟିଖର ଅହମ୍ମଦ, ଶାଦବ ଖାନ, ମହମ୍ମଦ ନୱାଜ, ଶାହିନ ଆଫ୍ରିଦି, ନାସିମ ଶାହା, ହରିସ ରାଉଫ ।
- ନେପାଳ: କୁଶଲ ଭୁର୍ଟେଲ, ଆସିଫ ଶେଖ (ୱିକେଟ୍ ରକ୍ଷକ), ରୋହିତ ପାଉଡେଲ (ଅଧିନାୟକ), ଆରିଫ ଶେଖ, କୁଶଲ ମଲା, ଦୀପେନ୍ଦ୍ର ସିଂ ଆରେ, ଗୁଲସନ, ସୋମପାଲ କାମି, କରଣ କେସି, ସନ୍ଦୀପ ଲାମିଚାନେ, ଲଲିତ ରାଜବାନ୍ସି ।
Click it and Unblock the Notifications
Sign in with Google