Asia Cup 2023 : ଆଜିଠୁ ଏସିଆ କପ, ଉଦଘାଟନୀ ମ୍ୟାଚରେ ମୁହାଁମୁହିଁ ହେବେ ପାକିସ୍ତାନ-ନେପାଳ
ଆଜିଠୁ ଆରମ୍ଭ ହେବ ଏସିଆ କପ । ଉଦଘାଟନୀ ମ୍ୟାଚରେ ମୁହାଁମୁହିଁ ହେବେ ପାକିସ୍ତାନ ଓ ନେପାଳ । ଏସିଆ ମହାଦେଶର ଶ୍ରେଷ୍ଠ ୬ ଦଳକୁ ନେଇ ଏହି ଟୁର୍ଣ୍ଣାମେଣ୍ଟ ଖେଳାଯିବ ।
ହାଇବ୍ରିଡ୍ ମଡେଲ ଅନୁସାର ଶ୍ରୀଲଙ୍କା ଓ ପାକିସ୍ତାନ ମିଳିତ ଭାବେ ଏହି ଟୁର୍ଣ୍ଣାମେଣ୍ଟ ଆୟୋଜନ କରୁଛି । ପାକିସ୍ତାନରେ ୪ଟି ଓ ଶ୍ରୀଲଙ୍କାରେ ଫାଇନାଲ ସହ ମୋଟ୍ ୯ଟି ମ୍ୟାଚ ଖେଳାଯିବ ।
ଭାରତ ୭ଥର ଏସିଆ କପ୍ ଜିତି ସାରିଥିବା ବେଳେ ଅଷ୍ଟମ ଥର ପାଇଁ କପ ହାତେଇବାକୁ ଚେଷ୍ଟା କରିବ । ସେହିପରି ଶ୍ରୀଲଙ୍କା ୬ଥର ଓ ପାକିସ୍ତାନ ୨ଥର ଏହି କପ ଚାମ୍ପିୟନ ହୋଇଛି ।
ତେବେ ପାକିସ୍ତାନ ବିପକ୍ଷ ଲଢ଼େଇ ପୂର୍ବରୁ ଟିମ ଇଣ୍ଡିଆକୁ ବଡ଼ ଝଟକା ଲାଗିଛି । ସଂପୂର୍ଣ୍ଣ ସୁସ୍ଥ ହୋଇ ନଥିଲେ ମଧ୍ୟ ଭାରତୀୟ ସ୍କ୍ଵାର୍ଡରେ ସ୍ଥାନ ପାଇଥିବା କେଏଲ ରାହୁଲ ପାକିସ୍ତାନ ବିପକ୍ଷ ମ୍ୟାଚ୍ ଖେଳିବେ ନାହିଁ ।
ଗ୍ରୁପ ଏରେ ରହିଛନ୍ତି ଭାରତ, ପାକିସ୍ତାନ, ନେପାଳ ଓ ଗ୍ରୁପବିରେ ରହିଛନ୍ତି ଶ୍ରୀଲଙ୍କା, ଆଫଗାନିସ୍ଥାନ ଓ ବାଲାଂଦେଶ । ଚଳିତଥର ୫୦ ଓଭର ଫର୍ମାଟରେ ଖେଳାଯିବ ଏସିଆ କପ୍ ।
ଦ୍ୱିପାକ୍ଷିକ ମ୍ୟାଚ୍ ବୃଦ୍ଧି ଏବଂ ଟି-୨୦ କ୍ରିକେଟ୍ ର ଲୋକପ୍ରିୟତା ମଧ୍ୟରେ ଏହି ଟୁର୍ଣ୍ଣାମେଣ୍ଟ ଗତ ୧୦ ବର୍ଷ ହେବ ପ୍ରାସଙ୍ଗିକତା ବଜାୟ ରଖିବା ପାଇଁ ସଂଘର୍ଷ କରିଆସୁଛି । ମାତ୍ର ଏଥର ବିଶ୍ବକପ୍ ଆଗକୁ ଥିବାରୁ ଏଥର କିଛି ନୂଆ ଦେଖିବାକୁ ମିଳିବ ।
ଏହି ଟୁର୍ଣ୍ଣାମେଣ୍ଟର ପ୍ରଥମ ମ୍ୟାଚ୍ ଆଜିଠୁ ଆରମ୍ଭ ହେଉଥିବା ବେଳେ ଫାଇନାଲ ମ୍ୟାଚ୍ ସେପ୍ଟେମ୍ବର ୧୭ରେ ଖେଳାଯିବ ।ପାକିସ୍ତାନର ମୁଲତାନ ଓ ଲାହୋର ଶ୍ରୀଲଙ୍କାର କାଣ୍ଡି ଓ କଲମ୍ବୋରେ ସମସ୍ତ ମ୍ୟାଚ୍ ଖେଳାଯିବ ।
ପ୍ରତି ଗ୍ରୁପର ଶ୍ରେଷ୍ଠ ଦୁଇଟି ଲେଖାଏଁ ଦଳ ସୁପର-୪ ରାଉଣ୍ଡକୁ ଉନ୍ନୀତ ହେବେ । ରାଉଣ୍ଡ ରବିନ ଫର୍ମାଟରେ ସୁପର-୪ ରାଉଣ୍ଡ ଖେଳାଯିବ । ପ୍ରତ୍ୟେକ ଦଳ ପରସ୍ପରକୁ ଥରେ ଲେଖାଏଁ ଭେଟିବେ । ପଏଣ୍ଟ ତାଲିକାରେ ଶ୍ରେଷ୍ଠ ଦୁଇ ଦଳ ଫାଇନାଲ ପାଇଁ ଯୋଗ୍ୟତା ଅର୍ଜନ କରିବେ । ସେପ୍ଟେମ୍ବର ୬ରୁ ସୁପର-୪ ରାଉଣ୍ଡର ଆରମ୍ଭ ହେବ।
ଅଂଶଗ୍ରହଣକାରୀ ଦଳଗୁଡ଼ିକ ମଧ୍ୟରେ ଭାରତ କି ପାକିସ୍ତାନ ଏହି ମୁକାବିଲା ଜିତିବେ ବୋଲି ଆଶା କରାଯାଉଛି । ବାବର ଆଜମ୍ଙ୍କ ନେତୃତ୍ବରେ ଦଳ ଆଇସିସି ଦିନିକିଆ ମାନ୍ୟତାରେ ୧ ନମ୍ବର ସ୍ଥାନ ଦଖଲ କରିଛି ।
ଅନ୍ୟ ଦଳର ସମସ୍ୟା ଦୃଷ୍ଟିରୁ ପାକିସ୍ତାନ ସବୁଠୁ ସନ୍ତୁଳିତ ଦଳ ମନେ ହେଉଛି । ଦଳ ଏଥର ଟାଇଟଲ୍ ଜିତିବାକୁ ଚାହିଁବ ଏବଂ ଏହା ତାଙ୍କ ବିଶ୍ୱକପ୍ ଅଭିଯାନ ପାଇଁ ଆତ୍ମବିଶ୍ୱାସ ବଢାଇବ ।
ଏସିଆ କପ୍ 2023 ପାଇଁ ସମସ୍ତ ଦଳ
ଭାରତ: ରୋହିତ ଶର୍ମା, ଶୁଭମନ ଗିଲ, ଇଶାନ କିଷାନ (wk), ବିରାଟ କୋହଲି, ସୂର୍ଯ୍ୟକୁମାର ଯାଦବ, ଶ୍ରେୟସ ଆୟର, କେ.ଏଲ୍ ରାହୁଲ (ଡବ୍ଲୁ), ତିଲକ ବର୍ମା, ହାର୍ଦ୍ଦିକ ପାଣ୍ଡ୍ୟା, ରବିନ୍ଦ୍ର ଜାଡେଜା, ଅକ୍ଷାର ପଟେଲ, କୁଲଦୀପ ଯାଦବ, ଜସପ୍ରୀତ ବୁମ୍ରା, ପ୍ରସିଦ୍ଧ କ୍ରିଷ୍ଣ, ମହମ୍ମଦ ସିରାଜ, ମହମ୍ମଦ ଶାମି, ସଞ୍ଜୁ ସାମସନ (ବ୍ୟାକଅପ୍) ।
ପାକିସ୍ତାନ: ବାବର ଆଜାମ (ଅଧିନାୟକ), ଶାଦବ ଖାନ (ଉପ-ଅଧିନାୟକ), ଅବଦୁଲ୍ଲା ଶାଫିକ୍, ଫହିମ ଆଶରଫ, ଫଖର ଜମାନ, ହରିସ ରାଉଫ, ଇଫ୍ଟିଖର ଅହମ୍ମଦ, ଇମାମ-ଉଲ-ହକ, ମହମ୍ମଦ ହରିସ (wk), ମହମ୍ମଦ ନୱାଜ, ମହମ୍ମଦ ରିଜୱାନ (wk)) , ମହମ୍ମଦ ୱାସିମ ଜୁ । ବ୍ୟାକଅପ୍ - ତାୟିବ ତାହିର ।
ଶ୍ରୀଲଙ୍କା: ଦାସୁନ୍ ଶାନାକା (ଅଧିନାୟକ), ପୃଥମ୍ ନିସଙ୍କା, ଡିମୁଥ୍ କରୁଣାତ୍ନେ, କୁସାଲ୍ ପେରେରା (wk), କୁସାଲ୍ ମେଣ୍ଡିସ୍, ଚାରିଥ ଆସ୍ଲଙ୍କା, ସାଦିରା ସମରୱିକ୍ରାମା, ଧନଞ୍ଜୟ ଦେ ସିଲଭା, ୱାନିଣ୍ଡୁ ହାସାରଙ୍ଗା, ଡୁନିଥ ଭେଲେଜ, ମହେଶ ତିଖାନା, ଲାହିରୁମ କୁମାରା ମଦୁଶଙ୍କା ଏବଂ ମାଥିଶା ପାଥିରାନା ।
ବାଂଲାଦେଶ: ଶାକିବ ଅଲ ହାସନ (ଅଧିନାୟକ), ଲିଟନ ଦାସ, ତାନଜିଦ ତମିମ, ନଜମୁଲ ହୁସେନ ଶାଣ୍ଟୋ, ତାହିଦ ହ୍ରଦ, ମୁଶଫିକୁର ରହୀମ, ମେହେଦି ହାସନ ମିରାଜ, ତିସ୍କିନ ଅହମ୍ମଦ, ମୁସ୍ତାଫିଜୁର ରହମାନ, ହାସନ ମହମୁଦ, ମହେଦି ହାସନ, ନାସିମ ଅହମ୍ମଦ, ଶଫିମ ହୋସେନ ଶୋରଫୁଲ ଇସଲାମ, ଇବାଦତ ହୁସେନ୍ ଏବଂ ମହମ୍ମଦ ନାଏମ୍ । ଷ୍ଟାଣ୍ଡବାଇ ଖେଳାଳି: ତାଇଜୁଲ ଇସଲାମ, ସୈଫ ହାସନ ଏବଂ ତାନଜିମ ହାସନ ଶାକିବ।
ଆଫଗାନିସ୍ତାନ: ହାଶମତୁଲ୍ଲା ଶାହିଡି (ଅଧିନାୟକ), ଇକ୍ରାମ ଅଲିଖିଲ (ୱିକେଟ୍ ରକ୍ଷକ), ଇବ୍ରାହିମ ଜାଦ୍ରାନ, ରିୟାଜ ହାସନ, ରହମତ ଶାହା, ରହମାନୁଲ୍ଲା ଗୁରୁବାଜ (ୱିକେଟ୍ କିପର), ନଜିବୁଲ୍ଲା ଜାଦ୍ରାନ୍, ମହମ୍ମଦ ନବୀ, କରିମ ଜନତ, ଗୁଲବାଦ୍ଦିନ ନାଏବ, ରସିଦ ଖାନ, ଅବଦୁଲ ରେହମାନ ମୁଜିବ ଉର ରେହମାନ, ନୁର ଅହମ୍ମଦ, ମୋହଦ ସଲିମ ସଫି ଏବଂ ଫଜଲ ହକ ଫାରୁକି ।
ନେପାଳ: ରୋହିତ ପାଉଡେଲ (ଅଧିନାୟକ), କୁଶଲ ଭୁର୍ଟେଲ, ଆସିଫ ଶେଖ (ଡବ୍ଲୁ), ଲଲିତ ରାଜବାନ୍ସି , ଭୀମ ଶାର୍କି, କୁଶଲ ମଲା, ପ୍ରଦୀପ ସିଂ ଆରେ, ସନ୍ଦୀପ ଲାମିଚାନେ, କରଣ କେସି, ଗୁଲଶନ ଝା, ଆରିଫ ଶେଖ, ସୋମପାଲ କାମି, ପ୍ରତୀସ ଜିସି, କିଶୋର ମହଟୋ, ଜୋରା ଅର୍ଜୁନ ସୌଦ ଏବଂ ଶ୍ୟାମ ଧାକଲ ।
Click it and Unblock the Notifications
Sign in with Google