Asia Cup 2023 : ଭାରତ ବନାମ ନେପାଳ ମ୍ୟାଚରେ ବର୍ଷା ହେବ ବାଧକ ; ପାଣିପାଗର ପୂର୍ବାନୁମାନ କ’ଣ କହୁଛି ?
ବର୍ଷା ଅଟକାଇପାରେ ମ୍ୟାଚ୍ । ପୁଣି ଥରେ ବର୍ଷା ଟିମ୍ ଇଣ୍ଡିଆର ମ୍ୟାଚ୍ କୁ ବାଧା ଦେଇପାରେ । ପ୍ରଥମ ମ୍ୟାଚରେ ଇଶାନ କିଶନ ଏବଂ ହାର୍ଦ୍ଦିକ ପାଣ୍ଡ୍ୟାଙ୍କ ବ୍ୟତୀତ ସମସ୍ତ ବ୍ୟାଟ୍ସମ୍ୟାନ୍ ପାକିସ୍ତାନ ବିପକ୍ଷରେ ବିଫଳ ହୋଇଥିଲେ ।
ନେପାଳ ବିପକ୍ଷରେ ଦୃଢ଼ ପ୍ରତ୍ୟାବର୍ତ୍ତନ ଉପରେ ଟିମ୍ ଇଣ୍ଡିଆ ନଜର ରଖିଛି । ତେବେ ଏହି ମ୍ୟାଚ୍ ପୂର୍ବରୁ ପ୍ରଶଂସକଙ୍କ ପାଇଁ କ ଖୁସି ଖବର ଆସୁନାହିଁ। ପୁଣି ଥରେ ବର୍ଷା ଟିମ୍ ଇଣ୍ଡିଆର ମ୍ୟାଚ୍ କୁ ବାଧା ଦେଇପାରେ ।
ଏସିଆ କପ୍ର ପଞ୍ଚମ ମ୍ୟାଚ୍ କାଣ୍ଡିର ପାଲଲେକେ ଆନ୍ତର୍ଜାତୀୟ କ୍ରିକେଟ୍ ଷ୍ଟାଡିୟମରେ ଭାରତ ଏବଂ ନେପାଳ ମଧ୍ୟରେ ଖେଳାଯିବ । ଗ୍ରୁପ୍ ଏରେ ଥିବା ଏହି ମ୍ୟାଚ୍ ଭାରତ ପାଇଁ କର ବା ମର । ପ୍ରଥମ ମ୍ୟାଚରେ ପାକିସ୍ତାନ ବିପକ୍ଷରେ ଗୋଟିଏ ପଏଣ୍ଟରେ ସନ୍ତୁଷ୍ଟ ହେବାକୁ ପଡିଥିଲା ।
କାଣ୍ଡିରେ ବର୍ଷା ହେତୁ ପାକିସ୍ତାନର ଇନିଂସ ଆରମ୍ଭ ହୋଇପାରି ନଥିଲା । ମ୍ୟାଚ୍ ବାତିଲ ହୋଇଥିବା ଘୋଷଣା କରାଯାଇଥିଲା । ଏହି କାରଣରୁ ଉଭୟ ଦଳ ଗୋଟିଏ ଲେଖାଏଁ ପଏଣ୍ଟ ପାଇଥିଲେ । ଦୁଇଟି ମ୍ୟାଚରେ ତିନୋଟି ପଏଣ୍ଟ ସହ ପାକିସ୍ତାନ ଦଳ ସୁପର -4 ରେ ପହଞ୍ଚିଛି ।
ଇଶାନ କିଶନ ଏବଂ ହାର୍ଦ୍ଦିକ ପାଣ୍ଡ୍ୟାଙ୍କ ବ୍ୟତୀତ ସମସ୍ତ ବ୍ୟାଟ୍ସମ୍ୟାନ୍ ପାକିସ୍ତାନ ବିପକ୍ଷରେ ବିଫଳ ହୋଇଥିଲେ। ଟୁର୍ଣ୍ଣାମେଣ୍ଟର ପ୍ରଥମ ମ୍ୟାଚରେ ପାକିସ୍ତାନ ନେପାଳକୁ 238 ରନରେ ପରାସ୍ତ କରିଥିଲା । ଏଭଳି ପରିସ୍ଥିତିରେ ଭାରତକୁ ସାମ୍ନା କରିବା ତାଙ୍କ ପାଇଁ ସହଜ ହେବ ନାହିଁ ।
ପାଣିପାଗର ପୂର୍ବାନୁମାନ କ'ଣ କହୁଛି ?
ସୋମବାର ପାଲଲେକାଲରେ ପ୍ରାୟ 60 ପ୍ରତିଶତ ବର୍ଷା ହେବାର ସମ୍ଭାବନା ରହିଛି । ଟସ୍ ସମୟରେ (2:30 ଅପରାହ୍ନ IST) ବର୍ଷା ହେବାର ସମ୍ଭାବନା ୨୨ ପ୍ରତିଶତ ଏବଂ ସନ୍ଧ୍ୟା ୬ଟା ପର୍ଯ୍ୟନ୍ତ ସ୍ଥିତି ସମାନ ରହିବ । ଖେଳର ଦ୍ୱିତୀୟାର୍ଦ୍ଧରେ ବର୍ଷା ହେବାର ସମ୍ଭାବନା ୬୬ ପ୍ରତିଶତ ରହିପାରେ । ଏଭଳି ପରିସ୍ଥିତିରେ ଭାରତ-ପାକିସ୍ତାନ ମ୍ୟାଚ୍ ପରି ପୁଣି ଥରେ ଅଧା ମ୍ୟାଚ୍ ଦେଖିବାକୁ ମିଳିପାରେ ।
ସମ୍ଭାବ୍ୟ ଏକାଦଶ
ଭାରତ : ରୋହିତ ଶର୍ମା (ଅଧିନାୟକ), ଶୁବମନ ଗିଲ୍, ବିରାଟ କୋହଲି, ଶ୍ରେୟସ ଆୟର୍, ଈଶାନ କିଶନ (ୱିକେଟରକ୍ଷକ), ହାର୍ଦ୍ଦିକ ପାଣ୍ଡ୍ୟା, ରବୀନ୍ଦ୍ର ଜାଦେଜା, ଶାର୍ଦୁଳ ଠାକୁର, କୁଲଦୀପ ଯାଦବ, ପ୍ରସିଦ୍ଧ କୃଷ୍ଣ, ମହମ୍ମଦ ସିରାଜ
ନେପାଳ : କୁଶାଲ ଭୁର୍ତେଲ, ଆସିଫ୍ ସେଖ୍ (ୱିକେଟରକ୍ଷକ), ରୋହିତ ପୌଡ଼ଲ୍ (ଅଧିନାୟକ), ଆରିଫ୍ ସେଖ୍, ସୋମପାଲ କାମି, ଦୀପେନ୍ଦ୍ର ସିଂହ ଏରେସ୍, ଗୁଲସାନ୍ ଝା, କୁଶାଲ ମଲ୍ଲ, କରଣ କେସି, ସନ୍ଦୀପ ଲାମଚାନ୍, ଲଳିତ ରାଜବଂଶୀ
Click it and Unblock the Notifications
Sign in with Google