ପୁଣି ଇତିହାସ ରଚିଲେ ବିରାଟ କୋହଲି: ଦିନିକିଆରେ ସବୁଠାରୁ ଦ୍ରୁତ ଗତିରେ ୧୩ ହଜାର ରନ୍ କଲେ ପୂରଣ
କଲମ୍ବୋ: ପାକିସ୍ତାନ ସାମ୍ନାରେ ବିଶାଳ ଲକ୍ଷ୍ୟ । ଆଉ ପୁଣି ବିରାଟଙ୍କ ରେକର୍ଡ଼ । ମାଷ୍ଟର ବ୍ଲାଷ୍ଟର ସଚିନ ତେନ୍ଦଲକର ଓ ରିକି ପଣ୍ଟିଂଙ୍କ ରେକର୍ଡ଼ ଭାଙ୍ଗିଲେ ରନ ମେସିନ । ଏସିଆ କପର ସୁପର ୪ ମ୍ୟାଚରେ ଏହି ରେକର୍ଡ କରିଛନ୍ତି କେ ଏଲ ରାହୁଲ ।
୧୩ ହଜାର ରନ୍ ପୂରା କରି ବିଶ୍ଵ ରେକର୍ଡ କରିଛନ୍ତି । ପାକିସ୍ତାନ ଆଗରେ ୩୫୬ ରନ୍ ବିଶାଳ ସ୍କୋର ଛିଡ଼ା କରିଛି । ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ଓ ଅଷ୍ଟ୍ରେଲିଆର ପୂର୍ବତନ କ୍ୟାପ୍ଟେନ୍ ରିକି ପଣ୍ଟିଂକୁ ପଛରେ ପକାଇ ଦେଇଛନ୍ତି ବିରାଟ ।
ଦିନିକିଆ କ୍ୟାରିୟରରେ ବିରାଟ କୋହଲି ୪୭ ତମ ଶତକ ହାସଲ୍ କରିଛନ୍ତି । ଦିନିକିଆ କ୍ରିକେଟରେ ସବୁଠାରୁ ଦ୍ରୁତ ଗତିରେ ୧୩ ହଜାର ରନ୍ ପୂରଣ କରିଥିବା କ୍ରିକେଟର ହୋଇଛନ୍ତି ବିରାଟ କୋହଲି ।
ଭାରତ ୨୪.୧ ଓଭରରୁ ବ୍ୟାଟିଂ କରି ଆରମ୍ଭ କରି ପାକିସ୍ତାନ ଆଗରେ ୩୫୬ ରନ୍ ବିଶାଳ ସ୍କୋର ଛିଡ଼ା କରିଛି । ନିୟମ ଅନୁସାରେ, ଆଜି ପୁଣିଥରେ ମ୍ୟାଚ୍ ସେହିଠାରୁ ଆରମ୍ଭ ହୋଇଥିଲା।
ବିରାଟ କୋହଲି ୯୪ ବଲରେ ୧୨୨ ରନ କରି ଅପରାଜିତ ଅଛନ୍ତି । ୯ ଚୌକା ଓ ତିନୋଟି ଛକା ମାରିଛନ୍ତି । ସେହିପରି କେଏଲ ରାହୁଲ ୧୧୧ ରନ୍ ସଂଗ୍ରହ କରିଥିବା ବେଳେ ଦୁଇ ବ୍ୟାଟର ଅପରାଜିତ ରହିଥିଲେ । ପାକିସ୍ତାନ ସମସ୍ତ ବୋଲର ମହଙ୍ଗା ସାବ୍ୟସ୍ତ ହୋଇଛନ୍ତି ।
ଗତକାଲି ଟସ୍ ଜିତି ପ୍ରଥମେ ବୋଲିଂ କରିଥିଲା ପାକିସ୍ତାନ । ପ୍ରଥମେ ବ୍ୟାଟିଂ ଆମନ୍ତ୍ରଣ ପାଇ ଭାରତ ଦମଦାର ଆରମ୍ଭ କରିଥିଲା । ଭାରତୀୟ ଦଳର ଦୁଇ ଓପନର ଦଳକୁ ଦମଦାର ଆରମ୍ଭ ଦେଇଥିଲେ ।
ଦୁଇ ଓପନର ରୋହିତ ଶର୍ମା ଓ ଶୁଭମନ ଗିଲ୍ ଦଳ ପାଇଁ ଶତକୀୟ ଭାଗିଦାର କରିଥିଲେ । ଅଧିନାୟକ ରୋହିତ 4ଟି ଛକା ଓ 6ଟି ଚୌକା ସହ 49 ବଲରୁ 56 ରନର ଅର୍ଦ୍ଧଶତକୀୟ ପାଳି ଖେଳିଛନ୍ତି । ସେହିପରି ଅନ୍ୟତମ ଯୁବ ଓପନର ଶୁଭମାନ ଗିଲ୍ 52 ବଲରୁ 58 ରନ କରିବା ପରେ ଆଉଟ୍ ହୋଇଥିଲେ
Click it and Unblock the Notifications
Sign in with Google