ଭାରତ ବନାମ ପାକିସ୍ତାନ ଏସିଆ କପ୍ : ବର୍ଷା ସାଜିବ ବଡ ବାଧକ, ଜାଣନ୍ତୁ କିପରି ରହିବ ପାଣିପାଗ ?
ପୁଣି ବର୍ଷା ଧୋଇଦେବ ମ୍ୟାଚ୍ । ଏସିଆ କପରେ ଭାରତ-ପାକିସ୍ତାନ ମଧ୍ୟରେ ହାଇଭୋଲଟେଜ ମୁକାବିଲା ଦେଖିବାକୁ କ୍ରିକେଟପ୍ରେମୀ ଚାହିଁ ବସିଛନ୍ତି। ହେଲେ ବର୍ଷା ସାଜିବ ବଡ ବାଧକ । କାରଣ ଯେଉଁଠାରେ ମ୍ୟାଚ୍ ହେବାକୁ ଯାଉଛି ସେଠାରେ ବର୍ଷା ପ୍ରବଳରୁ ଅତି ପ୍ରବଳ ହୋଇପାରେ ।
ତେବେ ଯଦି ବର୍ଷା ହୁଏ ଟସ୍ ଜିତିବା ଦଳ ପ୍ରଥମେ ବୋଲିଂ ନିଷ୍ପତ୍ତି ନେଇପାରନ୍ତି । କାରଣ ଫଳାଫଳ ପାଇଁ ଡକୱର୍ଥ ଲୁଇସ ନିୟମର ଉପଯୋଗ କରାଯିବାର ଯଥେଷ୍ଟ ସମ୍ଭାବନା ରହିଛି ।
ଚଳିତ ଏସିଆ କପ୍ରେ ଭାରତ ସମ୍ପୂର୍ଣ୍ଣ ମ୍ୟାଚ୍ ଖେଳି ପାରିନାହିଁ । ପାକିସ୍ତାନ ବିପକ୍ଷ ମ୍ୟାଚ୍ ଅଧାରୁ ବନ୍ଦ ହୋଇଥିଲା । ଆଉ ସେହିପରି ନେପାଳ ବିପକ୍ଷ ମ୍ୟାଚରେ ମଧ୍ୟ ବର୍ଷା ବାଧକ ସାଜିଥିଲା। ଭାରତର ବ୍ୟାଟିଂ ବେଳକୁ ଓଭର କମ୍ କରି ଦିଆଯାଇଥିଲା । ଡକୱର୍ଥ ଲୁଇସ ନିୟମରେ ଭାରତକୁ ଟାର୍ଗେଟ ମିଳିଥିଲା ।
କିପରି ରହିବ ପାଣିପାଗ ?
ଆଜି କଲୋମ୍ବରେ ପ୍ରବଳ ବର୍ଷା ହୋଇପାରେ । ଆଜି ଦିନ ୨ଟା ପର୍ଯ୍ୟନ୍ତ ଏଠାରେ ବର୍ଷା ହେବାର ସମ୍ଭାବନା ୪୯% ରହିଛି । ସେହିପରି ୩ଟା ବେଳକୁ ଏହା ବଢିବ । ୬୬ ପ୍ରତିଶତ ବର୍ଷା ହୋଇପାରେ ।
ଆମେ ଯଦି ଦେଖିବା ପୁରା ମ୍ୟାଚ୍ ସମୟରେ ୪୯ ରୁ ୬୯% ବର୍ଷା ହେବାର ସମ୍ଭାବନା ରହିଛି । ତେଣୁ ଆଜିର ମ୍ୟାଚ୍ ନ ହୋଇପାରେ ।ଆଉ ଯଦି ଖେଳା ହେବ ତେବେ ଡକୱର୍ଥ ଲୁଇସ ନିୟମରେ ଖେଳା ହେବ ।
ପୁର୍ବ ମ୍ୟାଚ୍ ପରି ରବିବାର ମ୍ୟାଚ୍ ମଧ୍ୟ ବର୍ଷା ପାଇଁ ବାଧାପ୍ରାପ୍ତ ହେବାର ସମ୍ଭାବନା ରହିଛି । ଗତକାଲି ସେହି ଗ୍ରାଉଣ୍ଡରେ ବାଂଲାଦେଶ ଏବଂ ଶ୍ରୀଲଙ୍କା ମଧ୍ୟରେ ମ୍ୟାଚ୍ ଅନୁଷ୍ଠିତ ହୋଇଥିଲା ।
ତେବେ ପାଗ କିଛିଟା ସାମାନ୍ୟ ରହିଥିଲା, କିନ୍ତୁ ଆଜି ସମାନ ପାଗ ରବିବାର ନରହିପାରେ । କାଲି ମ୍ୟାଚରେ ବର୍ଷା ବାଧା ସୃଷ୍ଟି କରିପାରି ନଥିଲା । ତେବେ ଆଜି ବର୍ଷା ହେତୁ ମ୍ୟାଚ୍ କାଲି ରିଜର୍ଭ ଡେ ରେ ହୋଇପାରେ ।
ପାକିସ୍ତାନ ଏହାର ପ୍ରଥମ ସୁପର୍ ଫୋର୍ ମ୍ୟାଚ୍ରେ ବାଂଲାଦେଶରକୁ ୭ ଉଇକେଟ୍ରେ ହରାଇଛି । ଆଜିର ମ୍ୟାଚ୍ରେ ଜିତି ପାକିସ୍ତାନ ଫାଇନାଲ ଟିକେଟ୍ ସୁରକ୍ଷିତ କରିବାକୁ ଚାହିଁବ । ସେହିପରି ପାକିସ୍ତାନ ଉପରେ ବଡ଼ ବିଜୟ ଲକ୍ଷ୍ୟରେ ଖେଳିବାକୁ ପଡ଼ିଆକୁ ଓହ୍ଲାଇବ ।
ଭାରତ ବିପକ୍ଷ ମ୍ୟାଚ୍ ପାଇଁ ପାକିସ୍ତାନର ଚୂଡ଼ାନ୍ତ ଏକାଦଶ ଜାରି କରିଛି । ଏ ନେଇ ପିସିବି ଘୋଷଣା କରିଛି ।
ବାବର ଆଜମ(ଅଧିନାୟକ), ଫଖର ଜମାନ, ଇମାମ ଉଲ ହକ୍, ସଲମାନ ଅଲୀ ଆଗା, ଇଫତିକାର ଅହମ୍ମଦ, ମହମ୍ମଦ ରିଜଓ୍ଵାନ(ଓ୍ଵିକେଟ୍ କିପର), ଶାଦାବ ଖାନ(ଉପ ଅଧିନାୟକ), ଫହୀମ ଅଶରଫ, ହାରିସ ରାଉଫ, ନସୀମ ଶାହ ଓ ଶାହୀନ ଶାହ ଆଫ୍ରିଦି।
ସମ୍ଭାବ୍ୟ ଭାରତ ଏକାଦଶ: ଶୁବମନ ଗିଲ୍, ରୋହିତ ଶର୍ମା, ବିରାଟ କୋହଲି, ଶ୍ରେୟସ ଆୟର, କେଏଲ୍ ରାହୁଲ, ହାର୍ଦ୍ଦିକ ପାଣ୍ଡ୍ୟା, ରବୀନ୍ଦ୍ର ଜାଦେଜା, ଶାର୍ଦ୍ଦୁଳ ଠାକୁର, କୁଲଦୀପ ଯାଦବ, ମହମ୍ମଦ ସିରାଜ,
ଯଶପ୍ରୀତ୍ ବୁମରା
Click it and Unblock the Notifications
Sign in with Google