ଅନ୍ତର୍ଜାତୀୟ କ୍ରିକେଟକୁ ପ୍ରତ୍ୟାବର୍ତ୍ତନ କରିବେ ଏବି!, ସ୍ମିଥ ଦେଲେ ସୂଚନା

ଦକ୍ଷିଣ ଆଫ୍ରିକାର ପୂର୍ବତନ ଅଧିନାୟକ ଏବି ଡି ଭିଲିୟର୍ସ ଏବେ ଅନ୍ତର୍ଜାତୀୟ କ୍ରିକେଟକୁ ପ୍ରତ୍ୟାବର୍ତ୍ତନ କରିପାରନ୍ତି । ଏନେଇ ସଂକେତ ଦେଇଛନ୍ତି ଦକ୍ଷିଣ ଆଫ୍ରିକା କ୍ରିକେଟ ବୋର୍ଡର ନିର୍ଦ୍ଦେଶକ ଗ୍ରେମ୍ ସ୍ମିଥ୍ ।

AB de Villiers News: ଦକ୍ଷିଣ ଆଫ୍ରିକାର ପୂର୍ବତନ ଅଧିନାୟକ ଏବି ଡି ଭିଲିୟର୍ସ ଏବେ ଅନ୍ତର୍ଜାତୀୟ କ୍ରିକେଟକୁ ପ୍ରତ୍ୟାବର୍ତ୍ତନ କରିପାରନ୍ତି । ଏନେଇ ସଂକେତ ଦେଇଛନ୍ତି ଦକ୍ଷିଣ ଆଫ୍ରିକା କ୍ରିକେଟ ବୋର୍ଡର ନିର୍ଦ୍ଦେଶକ ଗ୍ରେମ୍ ସ୍ମିଥ୍ । ଆଗାମୀ ୱେଷ୍ଟଇଣ୍ଡିଜ ବିପକ୍ଷ ସିରିଜରେ ପୁଣିଥରେ ଦକ୍ଷିଣ ଆଫ୍ରିକା ଟିମରୁ ପ୍ରତିନିଧିତ୍ୱ କରିପାରନ୍ତି ଡିଭିଲିୟର୍ସ ।

ଜଣେ ବ୍ୟାଟିଂ ପାୱାରହାଉସ ଭାବେ ଆଜି ଅନେକ କ୍ରିକେଟ ପ୍ରେମୀଙ୍କ ହୃଦୟରେ ରାଜ କରୁଥିବା ଏବି 2018 ରେ ମାତ୍ର 15 ବର୍ଷର କ୍ରିକେଟ କ୍ୟାରିଅରେ ଅନ୍ତର୍ଜାତୀୟ କ୍ରିକେଟକୁ ଅଲବିଦା କହି ଦେଇଥିଲେ । ସେଥର ପାଇଁ ଡିଭିଲିୟର୍ସ ମାର୍ଚ୍ଚ-ଏପ୍ରିଲ୍ 2018ରେ ଜୋହାନ୍ସବର୍ଗରେ ହୋଇଥିବା ଏକ ଟେଷ୍ଟ ମ୍ୟାଚରେ ଅଷ୍ଟ୍ରେଲିଆ ବିପକ୍ଷରେ ପଡିଆକୁ ଓହ୍ଲାଇଥିଲେ ।

🚨BREAKING NEWS🚨

Cricket South Africa Director Graeme Smith has today confirmed that SA will travel to WI in June for 2 Tests and 5 T20is at venues yet to be finalised

He also said he is hopeful of free agents AB De Villiers, Imran Tahir and Chris Morris playing pic.twitter.com/LLEJbQwXJG

— Caribbean Cricket Podcast (@CaribCricket) May 6, 2021

ସେହିପରି ଆଇପିଏଲ ଫ୍ରାଞ୍ଚାଇଜ୍ ରୟାଲ୍ ଚ୍ୟାଲେଞ୍ଜର୍ସ ବାଙ୍ଗାଲୋର (ଆରସିବି) ପାଇଁ ଡାହାଣହାତୀ କ୍ରମାଗତ ଖେଳାଳି ରହିଆସିଛନ୍ତି । ପ୍ରତିବର୍ଷ କିଛି ବିଶେଷ ଏବଂ ଦ୍ରୁତଗାମୀ ନକ୍ ଖେଳି ପ୍ରଶଂସକଙ୍କ ମନ ଜିତିଥାନ୍ତି । ସମଗ୍ର ବିଶ୍ୱରେ ଟି -20 ଲିଗରେ ଏବିଙ୍କ ଚମତ୍କାର ପ୍ରଦର୍ଶନ ଦକ୍ଷିଣ ଆଫ୍ରିକା ପାଇଁ ଅନ୍ତର୍ଜାତୀୟ କ୍ରିକେଟରେ ତାଙ୍କର ସମ୍ଭାବ୍ୟ ପ୍ରତ୍ୟାବର୍ତ୍ତନ ବିଷୟରେ ଅନେକ ସମୟରେ ଗୁଜବ ସୃଷ୍ଟି କରିଥିଲା ।

ଗତ ମାସରେ, ଦକ୍ଷିଣ ଆଫ୍ରିକାର ମୁଖ୍ୟ ପ୍ରଶିକ୍ଷକ ମାର୍କ ବଚର୍ ଅକ୍ଟୋବର ଏବଂ ନଭେମ୍ବର ମାସରେ ଭାରତରେ ଅନୁଷ୍ଠିତ ହେବାକୁ ଥିବା ଟି -20 ବିଶ୍ୱକପରେ ଦକ୍ଷିଣ ଆଫ୍ରିକା ପାଇଁ ଏବି ପ୍ରତ୍ୟାବର୍ତ୍ତନ ବିଷୟରେ ସୂଚନା ଦେଇଥିଲେ। ସେହିପରି ଦକ୍ଷିଣ ଆଫ୍ରିକା ଦଳକୁ କ୍ରିସ୍ ମୋରିସ୍ ଏବଂ ଇମ୍ରାନ ତାହିର ମଧ୍ୟ ଫେରିପାରନ୍ତି ।

English summary

AB de Villiers may comeback for West Indies T20I series