ଭାରତୀୟ ମହିଳା ହକି ଦଳରେ ୪ ଓଡ଼ିଆ
ଭାରତୀୟ ମହିଳା ହକି ଦଳର ଆର୍ଜେଣ୍ଟିନା ଗସ୍ତରେ ସ୍ଥାନ ପାଇଛନ୍ତି ୪ ଓଡ଼ିଆ ହକି ଖେଳାଳି ।
ଭୁବନେଶ୍ୱର: ନୂଆ ବର୍ଷ ଆରମ୍ଭରୁ ଓଡିଶା କ୍ରୀଡା ପାଇଁ ଆସିଛି ଖୁସି ଖବର । ଭାରତୀୟ ମହିଳା ହକି ଦଳର ଆର୍ଜେଣ୍ଟିନା ଗସ୍ତରେ ସ୍ଥାନ ପାଇଛନ୍ତି ୪ ଓଡ଼ିଆ ହକି ଖେଳାଳି । ହକି ଇଣ୍ଡିଆ ପକ୍ଷରୁ ୨୫ ଜଣିଆ ମହିଳା ଦଳ ଆର୍ଜେଣ୍ଟିନା ଟୁର୍ ପାଇଁ ଘୋଷଣା କରାଯାଇଛି । କରୋନା କାଳରେ ଦେଶ ବାହାରେ ଭାରତୀୟ ମହିଳା ହକି ଦଳର ଏହା ପ୍ରଥମ ମ୍ୟାଚ୍ ।
ତେବେ ସେହି 4 ଓଡିଆ ଖେଳାଳିଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏଥିପାଇଁ ସେମାନଙ୍କୁ ଶୁଭେଚ୍ଛା ଜଣାଇଛନ୍ତି । ୨୫ ଜଣିଆ ଭାରତୀୟ ମହିଳା ହକି ଦଳର ନେତୃତ୍ୱ ନେଉଛନ୍ତି ରାନୀ ରାମପାଲ । ଏହି ଟିମରେ ୪ ଓଡ଼ିଆ ଝିଅ ଦୀପ୍ ଗ୍ରେସ୍ ଏକ୍କା, ଲିଳୀମା ମିଞ୍ଜ, ନମିତା ଟପ୍ପୋ ଓ ରଶ୍ମିତା ମିଞ୍ଜ ସାମିଲ୍ ଅଛନ୍ତି ।
Congratulations to women hockey players from #Odisha Deep Grace Ekka, Lilima Minz, Namita Toppo & Rashmita Minz on being selected in the Indian National Women's Team for their tour against Argentina. Best wishes to the team. #OdishaForSports https://t.co/XlY5hiVK66
— Naveen Patnaik (@Naveen_Odisha) January 3, 2021
ଭାରତୀୟ ମହିଳା ହକି ଟିମ୍ ଆର୍ଜେଣ୍ଟିନା ବିପକ୍ଷରେ ଜାନୁଆରୀ ୧୭ରେ ଓ ୧୯ ତାରିଖରେ ୨ଟି ଖେଳିବ । ସେହିଭଳି ଆର୍ଜେଣ୍ଟିନା-ବି ଟିମ୍ ବିରୋଧରେ ଜାନୁଆରୀ ୨୨ ଓ ୨୪ରେ ୨ଟି ମ୍ୟାଚ୍ ଖେଳିବ ଭାରତ । ଜାନୁଆରୀ ୨୬, ୨୮, ୩୦ ଓ ୩୧ ତାରିଖରେ ଭାରତ-ଆର୍ଜେଣ୍ଟିନା ମଧ୍ୟରେ ୪ଟି ମ୍ୟାଚ୍ ଖେଳାଯିବ ।
Click it and Unblock the Notifications
Sign in with Google