୨ ମହିଳା ଅଷ୍ଟ୍ରେଲୀୟ କ୍ରିକେଟରଙ୍କୁ ଅସଦାଚରଣ

ଇନ୍ଦୋରରେ ଅଷ୍ଟ୍ରେଲିଆ ମହିଳା କ୍ରିକେଟ୍ ଦଳ ସହ ଜଡିତ ସୁରକ୍ଷାରେ ବଡ଼ ତ୍ରୁଟି ରିପୋର୍ଟ ହୋଇଛି । ଜଣେ ଯୁବକ ମୋଟର ସାଇକେଲରେ ଦୁଇଜଣ ଖେଳାଳିଙ୍କୁ ଅସଦାଚରଣ କରିଥିବା ଅଭିଯୋଗ ହୋଇଛି । ଖେଳାଳିମାନେ ହୋଟେଲ ରାଡିସନ୍ ବ୍ଲୁରୁ ଏକ କାଫେକୁ ଯାତ୍ରା କରୁଥିବା ସମୟରେ ଏହି ଘଟଣା ଘଟିଛି ।

ଘଟଣା ଘଟିବା ମାତ୍ରେ, ଅଷ୍ଟ୍ରେଲିୟ ଖେଳାଳିମାନେ ତୁରନ୍ତ ଏକ SOS ନୋଟିଫିକେସନ ପଠାଇଥିଲେ । ସୁରକ୍ଷା କର୍ମୀମାନେ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ । ସୁରକ୍ଷା ଅଧିକାରୀ ଡାନି ସିମନ୍ସଙ୍କ ଅଭିଯୋଗ ପରେ, MIG ପୋଲିସ ଷ୍ଟେସନରେ ଏକ FIR ରୁଜୁ କରାଯାଇଥିଲା। ପରେ ଅଭିଯୁକ୍ତ ଆକିଲ ଖାନଙ୍କୁ ପରେ ଗିରଫ କରାଯାଇଛି ।

ସୂଚନା ପାଇବା ପରେ, ସହକାରୀ ପୋଲିସ କମିଶନର ହିମାନି ମିଶ୍ର ଉଭୟ ଖେଳାଳିଙ୍କୁ ଭେଟି ସେମାନଙ୍କ ବୟାନ ରେକର୍ଡ କରିଥିଲେ । ହିମାନି କହିଛନ୍ତି ଯେ ଜଣେ ରାସ୍ତାରେ ଯାଉଥିବା ସନ୍ଦିଗ୍ଧ ବ୍ୟକ୍ତିଙ୍କ ମୋଟରସାଇକେଲ ନମ୍ବର ନୋଟ କରିଥିଲେ । ଯାହା ଆଧାରରେ ଅଭିଯୁକ୍ତ ଆକିଲ ଖାନଙ୍କୁ ଗିରଫ କରାଯାଇଥିଲା । ଆକିଲ ଖାନଙ୍କ ବିରୋଧରେ ପୂର୍ବରୁ ଅନେକ ଅପରାଧିକ ମାମଲା ରୁଜୁ ହୋଇଛି ଓ ତଦନ୍ତ ଜାରି ରହିଛି।

ଅଷ୍ଟ୍ରେଲିଆ ଦଳ ସହିତ ଜଡିତ ଏହି ଘଟଣା ଦକ୍ଷିଣ ଆଫ୍ରିକା ବିପକ୍ଷରେ ମହିଳା କ୍ରିକେଟ ବିଶ୍ୱକପ୍ ୨୦୨୫ ମ୍ୟାଚ୍ ପୂର୍ବରୁ ଘଟିଛି । ଏହି ମ୍ୟାଚ୍ ଶନିବାର, ଅକ୍ଟୋବର ୨୫ ତାରିଖରେ ଇନ୍ଦୋରର ହୋଲକର ଷ୍ଟାଡିୟମରେ ଖେଳାଯିବାକୁ ସ୍ଥିର ହୋଇଛି । ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଉଭୟ ସେମାନଙ୍କର ସେମିଫାଇନାଲ ସ୍ଥାନ ସୁରକ୍ଷିତ କରିସାରିଛନ୍ତି । ଏହି ମ୍ୟାଚ୍ ଜିତିଥିବା ଦଳ ପଏଣ୍ଟ ଟେବୁଲର ଶୀର୍ଷରେ ରହିବ । ଦକ୍ଷିଣ ଆଫ୍ରିକା ଓ ଅଷ୍ଟ୍ରେଲିଆ ବ୍ୟତୀତ ଭାରତ ଓ ଇଂଲଣ୍ଡ ମଧ୍ୟ ସେମିଫାଇନାଲ ପାଇଁ ଯୋଗ୍ୟତା ଅର୍ଜନ କରିଛନ୍ତି।

English summary

2 female Australian cricketers accused of misconduct