ବୋଲରଙ୍କୁ ଛେଚିଲେ, ବ୍ୟାଟ୍ସମ୍ୟାନଙ୍କୁ ରୋକିଲେ; 66 ରନରେ ମ୍ୟାଚ ଜିତିଲେ କଙ୍ଗାରୁ କିଙ୍ଗ୍ସ

66ରନରେ ମ୍ୟାଚ ଜିତି 3 ଟିକିଆ ଦିନିକିଆ ସିରିଜରେ 1-0ରେ ଆଗୁଆ ରହିଛି ଘରୋଇ ଦଳ ।

Updated: Friday, November 27, 2020, 19:51 [IST]

ସିଡନୀ: ରବିବାର ଏଠାରେ ଖେଳାଯାଇଥିବା 3 ମ୍ୟାଚ୍ ବିଶିଷ୍ଟ ଦିନିକିଆ ସିରିଜର ପ୍ରଥମ ମ୍ୟାଚରେ ପରାଜର ସ୍ବାଦ ଚାଖିଛି ବିରାଟ ବାହିନୀ । 375ରନର ବିଶାଳ ବିଜୟ ଲକ୍ଷ୍ୟକୁ ପିଛା କରୁଥିବା ଭ୍ରମଣକାରୀ ଭାରତ ପାଇଁ ଏକମାତ୍ର ବ୍ୟାଟ୍ସମ୍ୟାନ ଭାବେ ହାର୍ଦ୍ଦିକ ପାଣ୍ଡ୍ୟା ସର୍ବାଧିକ 90 ରନ୍‌ କରିପାରିଛନ୍ତି । ଫଳରେ 66ରନରେ ମ୍ୟାଚ ଜିତି 3 ଟିକିଆ ଦିନିକିଆ ସିରିଜରେ 1-0ରେ ଆଗୁଆ ରହିଛି ଘରୋଇ ଦଳ ।

8 ଘଣ୍ଟାରୁ ଅଧିକ ସମୟ ପର୍ଯ୍ୟନ୍ତ ଚାଲିଥିବା ଏହି ମ୍ୟାଚରେ ଭାରତ ଉଭୟ ବ୍ୟାଟ୍ ଏବଂ ବଲରେ ଫେଲ ମାରିଛି । ଏହି ପରାଜୟ ସହ ବହୁ ପ୍ରତୀକ୍ଷିତ ଅଷ୍ଟ୍ରେଲିଆ ଗସ୍ତ ଏକ ଭୟଙ୍କର ଆରମ୍ଭରେ ପହଞ୍ଚିଛି । ତେବେ ହାର୍ଦ୍ଦିକ ପାଣ୍ଡ୍ୟା (90) ଏବଂ ଶିଖର ଧାୱନ (74) ସତ୍ତ୍ୱେ ଭାରତ 50 ଓଭରରେ 8 ୱିକେଟ 308ରନରେ ସୀମିତ ରହିଲା ।

ଦିନିକିଆ କ୍ରିକେଟରେ ଚଳିତ ବର୍ଷ ଏହା ଭାରତର 4ର୍ଥ ସିଧାସଳଖ ପରାଜୟ ଏବଂ ଅନ୍ତର୍ଜାତୀୟ କ୍ରିକେଟରେ 6ଷ୍ଠ ପରାଜୟ ହୋଇଛି । ଚଳିତ ବର୍ଷ ଜାନୁୟାରୀରେ ନ୍ୟୁଜିଲାଣ୍ଡଠାରୁ ପରାଜୟ ପାଇ ସାରିଛି ଦଳ । ସେହିପରି ଅଧିନାୟକ ବିରାଟ କୋହଲିଙ୍କ ଅଧୀନରେ ଏହା କ୍ରମାଗତ ସର୍ବାଧିକ ଦିନିକିଆ ପାରଜୟ ହରାଇଛି ।

ତେବେ ଟସ ଜିତି ପ୍ରଥମେ ବ୍ୟାଟିଂ କରୁଥିବା ଘରୋଇ ଅଷ୍ଟ୍ରେଲିଆ ଦଳ ନିର୍ଦ୍ଧାରିତ 50 ଓଭରରେ 6 ୱିକେଟ ହରାଇ 374ରନ କରିଥିଲା । ଫଳରେ ଭାରତ ଆଗରେ ଠିଆ ହୋଇଥିଲା ଏକ ବିଶାଳ ବିଜୟ ଲକ୍ଷ୍ୟ । ଘରୋଇ କଙ୍ଗାରୁ ଓପନର ଆରନ ଫିଞ୍ଚ(114) ଓ ଡେଭିଡ ୱାର୍ଣ୍ଣର(69) ଦଳକୁ ଭଲ ଆରମ୍ଭ ଦେଇଥିଲେ । ଭାରତୀୟ ବୋଲିଂ 27 ଓଭର ପର୍ଯ୍ୟନ୍ତ ଖାତାରେ କୌଣସି ୱିକେଟ ଯୋଡି ପାରି ନଥିଲେ ଭ୍ରମଣକାରୀ ବୋଲର । ଫଳରେ ପ୍ରଥମ ୱିକେଟ ଯୋଡିରେ ଘରୋଇ ଦଳର ଦୁଇ ଓପନର 156ରନ କରିଥିଲେ ।

ୱାର୍ଣ୍ଣରଙ୍କ ଆଉଟ ହେବା ପରେ ବ୍ୟାଟିଂ ଆସିଥିଲେ ଷ୍ଟିଭ ସ୍ମିଥ । ତେବେ ସ୍ମିଥ ଓ ଫିଞ୍ଚ ମିଶି ଦଳୟୀ ସ୍କୋର ବୋର୍ଡକୁ ଦୃତ ଗତିରେ ଆଗାକୁ ନେଇଥିଲେ । ସ୍ମିଥ ମାତ୍ର 66 ବଲରୁ 105ର ଶତକୀୟ ପାଳି ଖେଳିଥିଲେ । ସେହିପରି ମଧ୍ୟକ୍ରମରେ ମାର୍କସ ଷ୍ଟୋଇନି ଖାତ ଖୋଲି ପାରି ନଥିବା ବେଳେ କିନ୍ତୁ ଆଇପିଏଲରେ ଫେଲମାରିଥିବା ଗ୍ଲେନ ମାକ୍ସୱେଲ ବିସ୍ଫୋରକ ପାଳି ଖେଳିଥିଲେ । ମାକ୍ସୱେଲ ମାତ୍ର 19ବଲରୁ 54ରନର ପାଳି ଖେଳି ଆଉଟ ହୋଇଥିଲେ । ଯେଉଁଥିରେ ସାମିଲ ଥିଲା 5ଟି ଚୌକା ଓ 3ଟି ବିସ୍ଫୋରକ ଛକା ।

ଅନ୍ୟପଟେ ପ୍ରଥମ ମ୍ୟାଚରେ ବୋଲିଂ କରୁଥିବା ସମସ୍ତ 5 ଭାରତୀୟ ବୋଲର ମହଙ୍ଗା ସାବ୍ୟସ୍ତ ହୋଇଥିଲେ । ଯାମଧ୍ୟରୁ ୟୁଜିଭେନଦ୍ର ଚହଲ ସବୁଠୁ ମହଙ୍ଗା(10ଓଭର, 1ୱିକେଟ, 89ରନ) ହୋଇଛନ୍ତି । ଅନ୍ୟପଟେ ମହମ୍ମଦ ଶାମି 3ଟି ୱିକେଟ ନେଇଥିବା ବେଳେ ବୁମରା ଓ ସାଇନ ଗୋଟିଏ ଲେଖାଏଁ ୱିକେଟ ନେଇଛନ୍ତି ।

ତେବେ ଏହି ବିଶାଳ ବିଜୟ ଲକ୍ଷ୍ୟକୁ ପିଛା କରି ରୋହିତ ଶର୍ମାଙ୍କ ଅନୁପସ୍ଥିତିରେ ଭାରତୀୟ ଦଳ ପାଇଁ ଓପନ କରିଥିଲେ ଶିଖର ଧୱନ ଓ ମୟଙ୍କ ଅଗ୍ରୱାଲ । ତେବେ ଦୁଇ ବ୍ୟାଟ୍ସମ୍ୟାନ ଦଳୀୟ ସ୍କୋରକୁ ମାତ୍ର 5 ଓଭରରେ 50ରନରେ ପହଞ୍ଚାଇଥିଲେ। ମାତ୍ର ଜୋଶ ହାଜଲେଉଡଙ୍କ ଓଭରରେ ମୟଙ୍କ ଆଉଟ ହୋଇ ପାଭେଲିଅନ ଫେରିଥିଲେ ।

ସିଡନୀ କ୍ରିକେଟ୍ ଗ୍ରାଉଣ୍ଡରେ ବିରାଟ କୋହଲିଙ୍କ ଖରାପ ଫର୍ମ ଜାରି ରହିଥିଲା । ଆଜି ମ୍ୟାଚରେ ଭାରତ ଅଧିନାୟକ ମାତ୍ର 21ରନ କରି ବିଦାୟ ନେଇଥିଲେ । ପରେ ଜୋସ ସେଜଲେଉଡ ପୁଣି ଶ୍ରେୟସ୍ ଆୟରଙ୍କ ୱିକେଟ୍ ନେଇ ଭାରତକୁ ବ୍ୟାକଫୁଟକୁ ଠେଲି ଦେଇଥିଲେ । ତେବେ ଓପନର ଶିଖର ଧୱନ ଓ କେଏଲ ରାହୁଲ କିଛି ସମୟ ପାଇଁ ଭାରତୀୟ ସ୍କୋର ବୋର୍ଡକୁ ଆଗାକୁ ବଢାଇଥିଲେ । ମାତ୍ର ପରେ ଖରାପ ଶର୍ଟ ଖେଳି ରାହୁଲ ଆଦମ ଜାମ୍ପାଙ୍କୁ ତାଙ୍କର ପ୍ରଥମ ୱିକେଟ୍ ଉପହାର ଦେଇଥିଲେ।

ପରେ ଟିମ୍ ଇଣ୍ଡିଆ ପାଇଁ ହାର୍ଦ୍ଦିକ ପାଣ୍ଡ୍ୟା ନୂଆ ଭୂମିକାରେ ଆଲୋକିତ ହେଲେ । ହାର୍ଦ୍ଦିକ ପାଣ୍ଡ୍ୟା 6 ନମ୍ବରରେ ବ୍ୟାଟିଂ ଆସି ଧୱନଙ୍କ ସହ ଶତକୀୟ ଭାଗୀଦାରି ଖେଳିଥିଲେ । ପାଣ୍ଡ୍ୟା ତାଙ୍କ 76ବଲରୁ 90ରନର ପାଳିରେ ଅନେକ ସ୍ପଷ୍ଟତା ଦେଖାଇଥିଲେ । ମାତ୍ର ଶତକୀୟ ପାଳି କିମ୍ବା ଦଳକୁ ବିଜୟ ଦେବାରେ ବିଫ ହୋଇଥିଲେ । ରବିନ୍ଦ୍ର ଜାଡେଜା, ନବଦୀପ ସାଇନି ଏବଂ ମହମ୍ମଦ ଶାମି କିଛି ବିଳମ୍ବରେ ବିସ୍ଫୋରଣ କରିଥିଲେ କିନ୍ତୁ ଭାରତ ଧାୱନ ଏବଂ ହାର୍ଦ୍ଦିକଙ୍କୁ ଶୀଘ୍ର କ୍ରମାଗତ ଭାବରେ ହରାଇବା ପରେ ଏହା ଯଥେଷ୍ଟ ହେଲା ନାହିଁ।