ପଶ୍ଚିମବଙ୍ଗ ରାଜ୍ୟପାଳଙ୍କୁ ହଟାଇବା ଦାବିରେ ରାଷ୍ଟ୍ରପତିଙ୍କୁ ସ୍ମାରକ ପତ୍ର
ମମତା ସରକାରଙ୍କ ତୃଣମୂଳ କଂଗ୍ରେସର ନେତାମାନେ ରାଜ୍ୟପାଳ ଜଗଦୀପ ଧନଘଡ଼ଙ୍କୁ ହଟାଇବାକୁ ଦାବି କରିଛନ୍ତି | ଏଥିସହିତ ରାଜ୍ୟପାଳଙ୍କ ବିରୋଧରେ ଅନେକ ଗମ୍ଭୀର ଅଭିଯୋଗ ମଧ୍ୟ ଆଣିଛନ୍ତି |
କୋଲକାତା : ପଶ୍ଚିମବଙ୍ଗରେ ଆଇନ କାନୁନ ବ୍ୟତୀତ ଅନ୍ୟ କେତେକ ବିଷୟରେ ରାଜ୍ୟପାଳ ଓ ରାଜ୍ୟ ସରକାରଙ୍କ ମଧ୍ୟରେ ବିଗତ କିଛି ଦିନ ହେବ ମତଭେଦ ଜାରି ରହିଛି | ରାଜ୍ୟପାଳ ମମତା ସରକାରଙ୍କ କାନୁନ ବ୍ୟବସ୍ଥାକୁ ନେଇ ତାଗିଦ୍ କରିଆସୁଛନ୍ତି | ଏହି ସମୟରେ ପଶ୍ଚିମବଙ୍ଗ ସରକାର ମଧ୍ୟ ଏହାର ଜବାବ୍ ଦେବାରୁ ପ୍ରସ୍ତୁତ ହୋଇଛନ୍ତି | ରାଜ୍ୟପାଳ ଓ ରାଜ୍ୟ ସରକାରଙ୍କ ମତଭେଦ ଏବେ ରାଷ୍ଟ୍ରପତିଙ୍କ ନିକଟରେ ପହଞ୍ଚିଛି | ମମତା ସରକାରଙ୍କ ତୃଣମୂଳ କଂଗ୍ରେସର ନେତାମାନେ ରାଜ୍ୟପାଳ ଜଗଦୀପ ଧନଘଡ଼ଙ୍କୁ ହଟାଇବାକୁ ଦାବି କରିଛନ୍ତି | ଏଥିସହିତ ରାଜ୍ୟପାଳଙ୍କ ବିରୋଧରେ ଅନେକ ଗମ୍ଭୀର ଅଭିଯୋଗ ମଧ୍ୟ ଆଣିଛନ୍ତି |
ତୃଣମୂଳ କଂଗ୍ରେସ ନେତା ତଥା ସାଂସଦ ସୁଖେନ୍ଦୁ ଶେଖର ରୟ ରାଷ୍ଟ୍ରପତିଙ୍କ ନିକଟକୁ ଏକ ସ୍ମାରକପତ୍ର ପଠାଇଛନ୍ତି | ରାଜ୍ୟପାଳ ଜଗଦୀପ ଧନଖଡ଼ ସମ୍ବିଧାନର ସୁରକ୍ଷା ଓ ସଂରକ୍ଷଣ କରିବାରେ ଅସଫଳ ହୋଇଛନ୍ତି ବୋଲି ଏହି ସ୍ମାରକ ପତ୍ରରେ ଉଲ୍ଲେଖ କରାଯାଇଛି | ଏହା ବ୍ୟତୀତ ସେ ମଧ୍ୟ ସୁପ୍ରିମକୋର୍ଟଙ୍କ ଆଦେଶକୁ ବାରମ୍ବାର ଉଲ୍ଲଂଘନ କରୁଥିବା ନେଇ ଅଭିଯୋଗ କରାଯାଇଛି | ଏପରି ପରିସ୍ଥିତିରେ ତାଙ୍କୁ ତୁରନ୍ତ ପଦବୀରୁ ହଟାଇ ନୂତନ ରାଜ୍ୟପାଳ ନିଯୁକ୍ତ କରାଯିବା ଉଚିତ୍ ବୋଲି ସ୍ମାରକ ପତ୍ରରେ ଦାବି କରାଯାଇଛି |
ଏହି ସ୍ମାରକପତ୍ରରେ ଟିଏମସି ସାଂସଦ ସୁଖେନ୍ଦୁ, ସୁଦୀପ ବାନ୍ଦୋପାଧ୍ୟାୟ, ସାଂସଦ ଡେରେକ ଓବ୍ରାଏନ୍, ସାଂସଦ କଲ୍ୟାଣ ବାନାର୍ଜୀ ଏବଂ ସାଂସଦ କାକୋଳୀ ଘୋଷଙ୍କ ହସ୍ତାକ୍ଷର ରହିଛି |
କଣ ରହିଛି ସମ୍ପୂର୍ଣ୍ଣ ଘଟଣା
କିଛିଦିନ ପୂର୍ବରୁ ପଶ୍ଚିମବଙ୍ଗ ପୋଲିସ୍ କେତେକ ବିଜେପି କର୍ମୀ ଏବଂ ନେତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା | ଯେଉଁଥିରେ ରାଜ୍ୟପାଳ କହିଛନ୍ତି ଯେ ମମତା ବାନାର୍ଜୀ ଏବଂ ପୋଲିସ ମୁଖ୍ୟ ରାଜ୍ୟରେ ଗଣତନ୍ତ୍ରକୁ ହତ୍ୟା କରିଛନ୍ତି | ପୋଲିସ୍ ଅଧିନିୟମ ଏବଂ ସାମ୍ବିଧାନିକ ବ୍ୟବସ୍ଥାର ଏପରି ଉଲ୍ଲଂଘନ ପୋଲିସ ଏବଂ ପ୍ରଶାସନର ରାଜନୈତିକ ଆଭିମୁଖ୍ୟକୁ ପ୍ରମାଣ କରୁଛି ବୋଲି ରାଜ୍ୟପାଳ କହିଥିଲେ |
ଏଥିରେ ପାଲଟାଜବାବ ଜେଇ ସାଂସଦ ଡେରେକ ଓ'ବ୍ରାଏନ୍ କହିଛନ୍ତି ଯେ, 'ସାଧାରଣତଃ ଆପଣଙ୍କୁ (ରାଜ୍ୟପାଳ) ଅଣଦେଖା କରୁଛି, କିନ୍ତୁ ଆପଣ ସୀମା ଅତିକ୍ରମ କରିଛନ୍ତି | ଆପଣ ତାଙ୍କ ଗୁରୁଙ୍କ ସ୍ୱର ବ୍ୟତୀତ ଆଉ କିଛି ନୁହଁ ! ଆପଣ ଯେଉଁ କାର୍ଯ୍ୟାଳୟରେ ଉପସ୍ଥିତ ଅଛନ୍ତି, ତାହାର ଅପମାନିତ କରିଛନ୍ତି | ବିନା ଆଧାରରେ ସମାଲୋଚନା କରିବା ଏବଂ ଏହାର ରାଜନୈତିକ ଗୁରୁଙ୍କ ସେବା କରିବାକୁ ପଶ୍ଚିମବଙ୍ଗକୁ ଅପମାନିତ କରିବା | ପଶ୍ଚିମବଙ୍ଗର ଆତିଥ୍ୟକୁ ଉପଭୋଗ କରିବା ସତ୍ତ୍ୱେ ଆପଣ ଏହା କରୁଛନ୍ତି, ଆପଣ ଲଜ୍ଜିତ ହେବା ଉଚିତ୍ |'