ଶାରୀରିକ ସମ୍ପର୍କ ବଦଳରେ ଚାକିରୀ, ଇସ୍ତଫା ଦେଲେ କର୍ଣ୍ଣାଟକ ଜଳ ସମ୍ପଦ ମନ୍ତ୍ରୀ ରମେଶ ଜାର୍କିହୋଲି

ସିଡିରେ ମନ୍ତ୍ରୀ ଜଣେ ମହିଳାଙ୍କ ସହ ଯୌନ ସମ୍ପର୍କ ରଖିବାକୁ କହୁଥିବା ଅଭିଯୋଗ ହୋଇଛି । ଏହି ଭିଡିଓ ସାମ୍ନାକୁ ଆସିବା ପରେ କଂଗ୍ରେସ ମନ୍ତ୍ରୀଙ୍କ ଇସ୍ତଫା ଦାବି କରିଛି । ନିରନ୍ତର ସମାଲୋଚନା ପରେ ଜଳ ସମ୍ପଦ ମନ୍ତ୍ରୀ ରମେଶ ଜାର୍କିହୋଲି ପଦରୁ ଇସ୍ତଫା ଦେଇଛନ୍ତି ।

ବେଙ୍ଗାଲୁରୁ : ସେକ୍ସ ସିଡିକୁ ନେଇ କର୍ଣ୍ଣାଟକ ରାଜନୀତିରେ ଅସନ୍ତୋଷ । ରାଜ୍ୟରେ ଶାସନାଧିନ ସରକାରର ଜଳ ସମ୍ପଦ ମନ୍ତ୍ରୀଙ୍କ ଏକ ଆପତ୍ତିଜନକ ସିଡି ବାହାରକୁ ଆସିବା ପରେ ରାଜ୍ୟ ରାଜନୀତି ସରଗରମ ହୋଇଛି । ଏହି ମାମଲାରେ ରାଜ୍ୟ ଜଳ ସମ୍ପଦ ମନ୍ତ୍ରୀ ରମେଶ ଜାର୍କିହୋଲିଙ୍କ ବିରୋଧରେ ଯୌନ ଶୋଷଣ ଅଭିଯୋଗ ହୋଇଛି । ଏହି ସିଡିରେ ମନ୍ତ୍ରୀ ଜଣେ ମହିଳାଙ୍କ ସହ ଯୌନ ସମ୍ପର୍କ ରଖିବାକୁ କହୁଥିବା ଅଭିଯୋଗ ହୋଇଛି । ଏହି ଭିଡିଓ ସାମ୍ନାକୁ ଆସିବା ପରେ କଂଗ୍ରେସ ମନ୍ତ୍ରୀଙ୍କ ଇସ୍ତଫା ଦାବି କରିଛି । ନିରନ୍ତର ସମାଲୋଚନା ପରେ ଜଳ ସମ୍ପଦ ମନ୍ତ୍ରୀ ରମେଶ ଜାର୍କିହୋଲି ବୁଧବାର ତାଙ୍କ ପଦରୁ ଇସ୍ତଫା ଦେଇଛନ୍ତି ।

ରମେଶ ଜାର୍କିହୋଲି ତାଙ୍କ ଇସ୍ତଫା ମୁଖ୍ୟମନ୍ତ୍ରୀ ବି.ଏସ୍ ୟେଦୁରୁପ୍ପାଙ୍କ ନିକଟକୁ ପଠାଇଛନ୍ତି । ଯାହା ସେ ରାଜ୍ୟପାଳଙ୍କ ନିକଟକୁ ପଠାଇଛନ୍ତି । ରମେଶ ଜାର୍କିହୋଲି ତାଙ୍କ ଇସ୍ତଫା ପତ୍ରରେ ଲେଖିଛନ୍ତି, ମୋ ବିରୋଧରେ ହୋଇଥିବା ଅଭିଯୋଗ ମିଥ୍ୟା କିନ୍ତୁ ତଥାପି ମୁଁ ନୈତିକ ଆଧାରରେ ଇସ୍ତଫା ଦେଉଛି । ଚାକିରୀ ଦେବା ନେଇ ରମେଶ ଜାର୍କିହୋଲି ମହିଳାଙ୍କୁ ଯୌନ ନିର୍ଯାତନା ଦେବା ସହ ପରେ ପ୍ରତିଶ୍ରୃତିରୁ ହଟିଯାଇଥିବା ଅଭିଯୋଗ ହୋଇଛି । ପୀଡିତାଙ୍କୁ କର୍ଣ୍ଣାଟକ ବିଦ୍ୟୁତ୍ ପରିବହନ ନିଗମରେ ଚାକିରି କରାଇଦେବା ନେଇ ମନ୍ତ୍ରୀ ପ୍ରତିଶୃତି ଦେଇଥିଲେ ବୋଲି କୁହାଯାଇଛି ।

ରମେଶ ଜାର୍କିହୋଲିଙ୍କ ଇସ୍ତଫାକୁ ନିଶ୍ଚିତ କରି କର୍ଣ୍ଣାଟକ ମନ୍ତ୍ରୀ ଜଗଦୀଶ ଶେଟ୍ଟର କହିଛନ୍ତି ଯେ ସେ (ରମେଶ ଜାର୍କିହୋଲି) ଇସ୍ତଫା ଦେଇଛନ୍ତି । କେହି କୌଣସି ବିବୃତ୍ତି କିମ୍ବା ଅଭିଯୋଗ କରିନାହାଁନ୍ତି । ଆମକୁ ଏକ ନିଷ୍ପତ୍ତି ନେବାକୁ ପଡିବ । ଏହି ମାମଲାରେ ତାଙ୍କ ବିରୋଧରେ ଅଭିଯୋଗ ମଧ୍ୟ କରାଯାଇଛି । ପୀଡିତାଙ୍କ ପାଇଁ ସୁରକ୍ଷା ଦାବି ମଧ୍ୟ କରାଯାଇଛି ।

ଅଭିଯୋଗକାରୀ ଦୀନେଶ କାଲାହାଲୀ କହିଛନ୍ତି, 'ମୁଁ କର୍ଣ୍ଣାଟକ ମନ୍ତ୍ରୀ ରମେଶ ଜାର୍କିହୋଲିଙ୍କ ସହ ଜଡ଼ିତ ଯୌନ ଉତ୍ପୀଡ଼ନ ମାମଲାର ତଦନ୍ତ ପାଇଁ ପୋଲିସ ନିକଟରେ ଅଭିଯୋଗ କରିଛି । କର୍ଣ୍ଣାଟକ ଗୃହମନ୍ତ୍ରୀ ବସୱାରାଜ ବମ୍ମାଇ କହିଛନ୍ତି ଯେ, ଆଇନ ଅନୁଯାୟୀ ତଦନ୍ତ କରାଯାଉଛି । ସତ୍ୟ ପଦାକୁ ଆସିବା ପରେ ଆମ ଦଳ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିଷ୍ପତ୍ତି ନେବ ।

ଏଥି ସହ ଉପ ମୁଖ୍ୟମନ୍ତ୍ରୀ ସିଏନ ଅଶ୍ୱତ ନାରାୟଣ କହିଛନ୍ତି, 'ଏହିପରି ଭିଡିଓ ପଛରେ ପ୍ରତାରଣା, ପ୍ରତିଶୋଧ, ମହୁଫେଣା, ବ୍ଲାକମେଲ ଭଳି ମାମଲା ରହିଥାଏ । ଯାଞ୍ଚ ହେବା ପରେ ସତ୍ୟତା ବାହାରକୁ ଆସିଯି । ଏହା ପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଏହାପୂର୍ବରୁ ମନ୍ତ୍ରୀ ରମେଶ ଜାର୍କିହୋଲି କହିଛନ୍ତି, 'ମୋର କେବଳ ଗୋଟିଏ ଉତ୍ତର ଅଛି ଯେ ଏହା ଏକ ରାଜନୈତିକ ଷଡଯନ୍ତ୍ର । ଏହା ଭିତ୍ତିହୀନ । ଏହାର ପୁଙ୍ଖାନୁପୁଙ୍ଖ ଅନୁସନ୍ଧାନ କରାଯିବା ଉଚିତ୍ । ଅପରାଧୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଉଚିତ୍ ।

English summary

Sex for job: Karnataka Water Resources Minister Ramesh Jarkiholi resigns