ଟ୍ରେନ୍ ଆଗକୁ ଡେଇଁ ଆତ୍ମହତ୍ୟା କଲେ ସାମ୍ବାଦିକା

ଭୁବନେଶ୍ୱର: ଟ୍ରେନ୍ ଆଗକୁ ଡେଇଁ ଆତ୍ମହତ୍ୟା କଲେ ସାମ୍ବାଦିକା । ବାପୁଜୀ ନଗର ନିକଟ ରେଳ ଧାରଣାରୁ ତାଙ୍କର ମୃତଦେହ ଉଦ୍ଧାର କରାଯାଇଛି । ମହିଳା ଜଣଙ୍କ ଏକ ୱେବ୍ ଚ୍ୟାନେଲରେ କାମ କରୁଥିଲେ । ତେବେ ମହିଳାଜଣକ ଆତ୍ମହତ୍ୟା କରିବା ପୂର୍ବରୁ ସୋସିଆଲ ମିଡିଆରେ ପୋଷ୍ଟ କରିଥିବା ଭିଡିଓ ଏବେ ଭାଇରାଲ୍ ହେଉଛି । ମୃତ ସାମ୍ବାଦିକା ମଧୁମିତା ପରିଡ଼ା ବୋଲି ଜଣାପଡ଼ିଛି । ସୂଚନା ଅନୁଯାୟୀ, ମଧୁସ୍ମିତା ଏୟାରଫୋର୍ସରେ କାର୍ଯ୍ୟରତ ଶ୍ରୀଧର ଜେନାଙ୍କୁ ପ୍ରେମ ବିବାହ କରିଥିଲେ ।

ମାତ୍ର ପୂର୍ବରୁ ଶ୍ରୀଧର ବିବାହ କରିଥିବା ଜାଣିପାରିନଥିଲେ ସେ । ଫଳରେ ବିବାହ ପରେ ଉଭୟଙ୍କ ମଧ୍ୟରେ ତିକ୍ତତା ଦେଖାଦେଇଥିଲା । ଧୋକା ଦେଇ ବିବାହ କରିବା ପରେ ମଧ୍ୟ ଶ୍ରୀଧର ଅନ୍ୟ ଝିଅଙ୍କ ସହ ସମ୍ପର୍କ ରଖିଥିବା ଜାଣିବାକୁ ପାଇଥିଲେ ମଧୁସ୍ମିତା । ଏନେଇ ଅନେକ ଥର ସ୍ୱାମୀ ସ୍ତ୍ରୀଙ୍କ ମଧ୍ୟରେ ଝଗଡ଼ା ହୋଇଥିଲା । ଶ୍ରୀଧର ତାଙ୍କୁ ମାଡ଼ ମାରିଥିବା କଥା ମଧ୍ୟ ଅଭିଯୋଗ କରିଛନ୍ତି ଘର ଲୋକେ ।

ହେଲେ ସବୁ ସବୁ ସୀମା ଟପିବାରୁ ମାଉସୀମା ବ୍ରିଜ ଉପରୁ ଡେଇଁ ପଡ଼ିଥିଲେ ମଧୁସ୍ମିତା । ଆଉ ତଳେ ଚଳନ୍ତା ଟ୍ରେନ ଆଗରେ ଆସି ତାଙ୍କର ଜୀ ଜୀବନ ଚାଲିଯାଇଛି । ଖବର ପାଇ ଘଟଣା ସ୍ଥଳରେ ଜିଆରପି ଏବଂ କ୍ୟାପିଟାଲ ଥାନା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ତେବେ ମହିଳାଜଣକ ଆତ୍ମହତ୍ୟା କରିବା ପୂର୍ବରୁ ସାମାଜିକ ଗଣମାଧ୍ୟମ 'ଇନଷ୍ଟାଗ୍ରାମ'ରେ ପୋଷ୍ଟ କରିଥିବା ଭିଡିଓ ଏବେ ଭାଇରାଲ୍ ହେଉଛି ।

ଭିଡିଓରେ ସେ କାନ୍ଦିକାନ୍ଦି କହୁଛନ୍ତି, ମା ଏବଂ ସମସ୍ତଙ୍କୁ କ୍ଷମା ମାଗୁଛି । ପାଞ୍ଚ ବର୍ଷ ପ୍ରେମ ସମ୍ପର୍କରେ ରହିଲା ପରେ ବିବାହ କରିଥିଲି । କିନ୍ତୁ ବିବାହ ପରେ ତାଙ୍କର ସ୍ୱାମୀ ତାଙ୍କୁ ଧୋକା ଦେଉଛନ୍ତି । ସେ ଅନ୍ୟ ଜଣଙ୍କ ସହ ସମ୍ପର୍କରେ ଅଛନ୍ତି । ସେ ମୋ ସାଙ୍ଗ ଏବଂ ତାଙ୍କର ସାଙ୍ଗ ସହିତ ରାତି ଗୋଟାଏ, ଦୁଇଟା ଯାଏ କଥା ହେଉଛନ୍ତି । ମୁଁ ଏସବୁ ଜାଣିଗଲି, ଯୋଉଟା ମୋର ସବୁଠୁ ବଡ଼ ଭୁଲ ।

ଏବେ ମତେ କହୁଛନ୍ତି ତୋ ସହ ମୁଁ ରହିପାରିବିନି । ତାଙ୍କୁ ସମସ୍ତେ ବୁଝାଇଲେ ହେଲେ ସେ ବୁଝିଲେନି । ଛୁଟିରେ ରହିଲେ ଆମର ଝଗଡା ହେଉଛି । କ୍ଷମା କରିଦେବ ମୋତେ, ମୁଁ ଆଉ ସହିପାରୁନି ।