ନାଳରେ ବାସନ ମାଜୁଥିଲେ ମହିଳା, ଟାଣି ନେଲା କୁମ୍ଭୀର

ପଟ୍ଟାମୁଣ୍ଡାଇ: କେନ୍ଦ୍ରାପଡ଼ା ଜିଲ୍ଲାରେ ପୁଣି କୁମ୍ଭୀର ଆତଙ୍କ । ତାହା ପୁଣି ନଦୀରେ ନୁହେଁ ପୋଖରୀରେ । ବାସନ ମାଜୁଥିବା ଜଣେ ମହିଳାଙ୍କୁ ପୋଖରୀରେ ଟାଣି ନେଲା କୁମ୍ଭୀର । ଘଟଣା ରାଜନଗର ବ୍ଲକ ଚାନ୍ଦିବାଉଁଶମୂଳ ପଞ୍ଚାୟତ ହାତିଆଗଡ଼ି ଗାଁର । ତେବେ ବର୍ତ୍ତମାନ ସୁଦ୍ଧା ମହିଳାଙ୍କ ପତ୍ତା ମିଳିଳି ।

ଚାନ୍ଦିବାଉଁସମୂଳ ପଞ୍ଚାୟତ ହାତିଆଗଡ଼ି ଗାଁର ବୈଲୋଚନ ଦାସ ରାଜ୍ୟ ବାହାକୁ ଦାଦନ ଖଟିବାକୁ ଯାଇଛନ୍ତି। ଘରେ ପତ୍ନୀ ସୀତା ଓ ପୁଅ ରୁହନ୍ତି । ଆଜି ସ୍କୁଲ ଖୋଲିଥିବା ନବମ ଶ୍ରେଣରେ ପଢ଼ୁଥିବା ପୁଅ ସ୍କୁଲ ଯାଇଥିଲେ । ଆଉ ଘରେ ଏକାକୀ ଥିଲେ ସୀତା । ମଧ୍ୟାହ୍ନ ଖାଇ କରି ଘର ପାଖ ଦେଇ ବୋହିଯାଇଥିବା ବ୍ରାହ୍ମଣୀର ଶାଖା ଚରଡ଼ିଆ ନାଳରେ ବାସନ କୁସନ୍‌ ମାଜୁଥିଲେ ସୀତା । ଠିକ୍‌ ସମୟରେ ଦଳ ଭିତରେ ଲୁଚି ରହିଥିବା କୁମ୍ଭୀର ତାଙ୍କୁ ଝାମ୍ପି ନେଇଥିଲା ।

ତେବେ ମହିଳାଙ୍କୁ ଉଦ୍ଧାର ପାଇଁ ପ୍ରୟାସ ଜାରି ରଖିଛି ବନ ବିଭାଗ । ଉଦ୍ଧାର କାର୍ଯ୍ୟରେ ନିୟୋଜିତ ଅଛନ୍ତି ଅଗ୍ନିଶମବାହିନୀ । ସେପଟେ ମାଆକୁ କୁମ୍ଭୀର ଟାଣି ନେଇଥିବା ଖବର ପାଇ ସ୍କୁଲରୁ ଆସି ବୁକୁ ଫଟାଇ କାନ୍ଦୁଛନ୍ତି ଏକମାତ୍ର ପୁଅ । ପୋଖରୀରେ କୁମ୍ଭୀର ଥିବା ଜଣାପଡ଼ିବା ପରେ ଅଞ୍ଚଳରେ କୋକୁଆ ଭୟ ଖେଳି ଯାଇଛି । କୁମ୍ଭୀରଟି କେମିତି ପୋଖରୀକୁ ଆସିଲା ତାହା ସ୍ବଷ୍ଟ ହୋଇନାହିଁ ।

ସୂଚନାଯୋଗ୍ୟ, ଗତ ୧୪ ତାରିଖରେ ପଟ୍ଟାମୁଣ୍ଡାଇ ନିମପୁର ଗାଁ ନିକଟ ବ୍ରାହ୍ମଣୀ ନଦୀରେ କୁମ୍ଭୀର ଜଣେ ବାଳକଙ୍କୁ ଟାଣି ନେଇଥିଲା । ସ୍ଥାନୀୟ ଲୋକେ ଖୋଜାଖୋଜି କରି ବାଳକର ମୃତଦେହ ଉଦ୍ଧାର କରିଥିଲେ ।

English summary

Woman Dragged by Crocodile at Odisha Rajnagar