ଗୁରୁବାର ବଲିଉଡ ଓ ଶୁକ୍ରବାର ଦିନ ସାଉଥ୍‌ରେ କାହିଁକି ରିଲିଜ୍‌ ହୁଏ ଫିଲ୍ମ?

ଆପଣ ନିଶ୍ଚିତ ଭାବରେ ଦେଖିଥିବେ ଯେ ବଲିଉଡର ଅଧିକାଂଶ ଫିଲ୍ମ ଶୁକ୍ରବାର ଦିନ ରିଲିଜ୍‌ ହେଉଥିବାବେଳେ ସାଉଥ୍‌ ଫିଲ୍ମ ଗୁରୁବାର ରିଲିଜ୍‌ ହୋଇଥାଏ । ହେଲେ ଆପଣ ଜାଣନ୍ତି କି ଫିଲ୍ମ ରିଲିଜ ପାଇଁ କେବଳ ଏହି ଦୁଇ ଦିନ କାହିଁକି ମନୋନୀତ ହୋଇଛି? କହିରଖୁଛୁ କି, ସ୍ବାଧୀନତା ପରେ ବହୁ ବର୍ଷ ଧରି ଭାରତୀୟଙ୍କ ପାଖରେ ରଙ୍ଗୀନ ଟିଭି ନ ଥିଲା, ଯେଉଁ କାରଣରୁ ଲୋକମାନେ ଫିଲ୍ମ ଦେଖିବା ପାଇଁ ହଲ୍‌କୁ ଯାଉଥିଲେ। ତେଣୁ ଫିଲ୍ମ ଇଣ୍ଡଷ୍ଟ୍ରିର କର୍ମଚାରୀମାନଙ୍କୁ ଶୁକ୍ରବାର ଦିନ ଅଧା ଦିନ ଛୁଟି ଦିଆଯାଉଥିଲା, ଯାହାଫଳରେ ସେମାନେ ନିଜ ପରିବାର ସହିତ ଫିଲ୍ମ ଦେଖିପାରିବେ ।

ଏହା ବ୍ୟତୀତ ଶୁକ୍ରବାର ଦେବୀ ଲକ୍ଷ୍ମୀଙ୍କ ଦିନ ଭାବରେ ବିବେଚନା କରାଯାଏ, ତେଣୁ ନିର୍ମାତାମାନେ ବିଶ୍ୱାସ କରନ୍ତି ଯେ ଶୁକ୍ରବାର ଦିନ ଫିଲ୍ମ ରିଲିଜ ହେବା ଦ୍ୱାରା ବହୁତ ଟଙ୍କା ଆସିବ । ଆହୁରି ମଧ୍ୟ ଶୁକ୍ରବାର ହେଉଛି ସପ୍ତାହର ଶେଷ କାର୍ଯ୍ୟ ଦିବସ । ଶନିବାର ଏବଂ ରବିବାର ଛୁଟିଦିନ ଥିବାରୁ ଲୋକମାନେ ନିଜ ପରିବାର ଏବଂ ସାଙ୍ଗମାନଙ୍କ ସହିତ ଫିଲ୍ମ ଦେଖିଥା'ନ୍ତି। ସେହିପରି ଶୁକ୍ରବାର ହଲିଉଡରେ ମଧ୍ୟ ଫିଲ୍ମ ରିଲିଜ ଆରମ୍ଭ ହୋଇଥିଲା। ଏହା ବ୍ୟତୀତ ଗୁରୁବାର ସାଉଥ୍‌ ଫିଲ୍ମ ରିଲିଜ୍‌ କରିବାର ପରମ୍ପରା ରହିଛି।