ନୂଆ ବର୍ଷରେ ନୂଆ ପୋଲିସ ଡିଜି ପାଇବ ଓଡ଼ିଶା; ୭ ଜଣଙ୍କ ନାଁ ସୁପାରିଶ କଲେ ରାଜ୍ୟ ସରକାର

ଭୁବନେଶ୍ବର: ନୂଆ ବର୍ଷରେ ରାଜ୍ୟ ପାଇବ ନୂଆ ପୋଲିସ ଡିଜି । ଜାନୁଆରୀ ପହିଲା ୨୦୨୪ରୁ ନୂଆ ପୋଲିସ ମୁଖିଆ ପାଇବ ଓଡ଼ିଶା । ଚଳିତ ବର୍ଷ ଡିସେମ୍ବର ୩୧ରେ ବର୍ତ୍ତମାନର ଡିଜିପି ସୁନୀଲ ବଂଶଲଙ୍କ କାର୍ଯ୍ୟକାଳ ଶେଷ ହେଉଛି । ତେଣୁ ନୂଆ ପୋଲିସ ଡିଜି ପାଇବ ଓଡ଼ିଶା। ତେବେ କିଏ ଏହି ଦାୟୀତ୍ୱ ପାଇବ ସେ ନେଇ କିଛି ସ୍ପଷ୍ଟ ହୋଇ ନାହିଁ ।

ରାଜ୍ୟର ପୋଲିସ୍ ମୁଖିଆ କିଏ ହେବା ନେଇ ଏବେ ଚର୍ଚ୍ଚା । ଏହାରି ଭିତରେ କେନ୍ଦ୍ରକୁ ୭ ଆଇପିଏସଙ୍କ ନାଁ ସୁପାରିଶ କରିଛନ୍ତି ରାଜ୍ୟ ସରକାର । ଆଉ ଏହାରି ଭିତରେ ନୂଆ ପୋଲିସ ଡ଼ିଜି କିଏ ହେବ ତାକୁ ନେଇ ପାୱାର କରିଡ଼ରରେ ଜୋରଦାର ଚର୍ଚ୍ଚା ଧରିଛି ।

ମିଳିଥିବା ସୂଚନା ଅନୁସାରେ ରାଜ୍ୟ ସରକାର ୭ ଆଇପିଏସଙ୍କ ନାମ ଡିଜିପି ଭାବେ କେନ୍ଦ୍ରକୁ ସୁପାରିଶ କରିଛନ୍ତି । ଯେଉଁଥିରେ ମହିଳା ଆଇପିଏସ ବି.ରାଧିକା, ଏ.ଏମ୍. ପ୍ରସାଦ, ୱାଇ ବି ଖୁରାନିଆ, ଏସ ଏମ ନରବାଣେ, ଅରୁଣ ରାୟ, ଅରୁଣ ଷଡଙ୍ଗୀ ଓ ସୁଧାଂଶୁ ଷଡଙ୍ଗୀ ରହିଛନ୍ତି ।

ରାଜ୍ୟ ସରକାର କେଉଁ ଆଇପିଏସଙ୍କୁ ରାଜ୍ୟର ଆଇନ ଶୃଙ୍ଖଳାର ଦାୟିତ୍ୱ ଦେବେ ସେ ନେଇ ଚର୍ଚ୍ଚା ବଢିଛି । ଆସନ୍ତାବର୍ଷ ନିର୍ବାଚନ ହେବାକୁ ଯାଉଛି । ଉଭୟ ଲୋକସଭା ଏବଂ ବିଧାନସଭା ନିର୍ବାଚନ ଥିବାରୁ ପୋଲିସ ଆଗରେ ଅନେକ ଚ୍ୟାଲଞ୍ଜ ରହିଛି । ଏପରି ସ୍ଥିତିରେ ନୂଆ ଡିଜିପି ଯିଏ ହେବେ ତାଙ୍କ ଆଗରେ ଅନେକ ଚ୍ୟାଲେଞ୍ଜ ରହିପାରେ ।
ସୂଚନା ଯୋଗ୍ୟ, ଚଳିତ ବର୍ଷ ଡିସେମ୍ୱର ୩୧ ସରୁଛି ପୋଲିସ ଡ଼ିଜି ସୁନୀଲ ଵଂଶଲଙ୍କ କାର୍ଯ୍ୟକାଳ ସମାପ୍ତ ହେଉଛି । ଏହାକୁ ଦୃଷ୍ଟିରେ ରଖି ନୂଆ ପୋଲିସ ଡିଜି ନିଯୁକ୍ତ କରିବାକୁ ନିଷ୍ପତ୍ତି ନେଇଛନ୍ତି ସରକାର । ସେଥିପାଇଁ ୭ ଜଣଙ୍କ ନାଁ ସୁପାରିଶ ହୋଇଛି । ତେବେ କିଏ ହେବ ଡିଜି ସେ ନେଇ ଖୁବ୍ ଶୀଘ୍ର ସ୍ପଷ୍ଟତା ଆସିପାରେ । ଏହାରି ଭିତରେ ବିଭିନ୍ନ ଚର୍ଚ୍ଚା ଲାଗି ରହିଛି ।

English summary

Who will be the next dgp of odisha