COVID-19 : ତିନୋଟି ସରଳ ଉପାୟରେ ଜାଣନ୍ତୁ ଆପଣଙ୍କ ଅଞ୍ଚଳରେ କେଉଁଠି ଅଛି ଟୀକାକରଣ କେନ୍ଦ୍ର

କେଉଁଠି ଅଛି ଟୀକାକରଣ କେନ୍ଦ୍ର ଏବଂ ଏହା ଖୋଲା ଅଛି ନା ବନ୍ଦ ତାହା ମଧ୍ୟ ଜାଣି ପାରିବେ

ଭୁବନେଶ୍ୱର : କରୋନା ଜୀବାଣୁର ଦ୍ୱିତୀୟ ଲହରର ବୃଦ୍ଧି ହେତୁ କେତେକ ରାଜ୍ୟର ସରକାର ଆଂଶିକ ଲକଡାଉନ୍ ଘୋଷଣା କରିଛନ୍ତି । COVID-19 ର ଦ୍ୱିତୀୟ ଲହର ଯୋଗୁଁ, ଚିନ୍ତିତ ଲୋକମାନେ ସେମାନଙ୍କ ଆଖପାଖରେ ଥିବା COVID-19 ଟୀକାକରଣ କେନ୍ଦ୍ରରେ ଟିକା ନେବାକୁ ଅପେକ୍ଷା କରିଛନ୍ତି । 18ରୁ ଅଧିକ ବୟସକ ବ୍ୟକ୍ତିମାନେ ମେ 3ରୁ ଟୀକାକରଣରେ ସାମିଲ ହୋଇଛନ୍ତି । ଏହାରି ଭିତରେ ଆପଣଙ୍କ ନିକଟସ୍ଥ ଅଞ୍ଚଳରେ କେଉଁଠି ଅଛି ଟୀକାକରଣ କେନ୍ଦ୍ର ଏବଂ ଏହା ଖୋଲା ଅଛି ନା ବନ୍ଦ ତାକୁ ନେଇ ଆପଣ ଦ୍ୱନ୍ଦରେ ପଡି ପାରନ୍ତି । ଏଠାରେ ଆପଣଙ୍କୁ ଏହାର ସମାଧାନ ଦିଆଯାଇଛି ।

ଯାହାକୁ ନେଇ ଆପଣ ଉକ୍ତ ସୂଚନା ସବୁ ପାଇ ପାରିବେ । ଗୁଗୁଲ ପରି ଟେକ୍ କମ୍ପାନୀ ଏକ ନୂତନ ବୈଶିଷ୍ଟ୍ୟ ଯୋଡିଛି ଯାହା ଦ୍ୱାରା ଆପଣ କୋଭିଡ -19 ର ଟୀକାକରଣ କେନ୍ଦ୍ରକୁ ମାନଚିତ୍ର ବା ମ୍ୟାପ୍ ମାଧ୍ୟମରେ ଜାଣିପାରିବେ । ଆହୁରି ମଧ୍ୟ ଆପଣଙ୍କ ସ୍ଥାନୀୟ ଅଞ୍ଚଳରେ କେଉଁଠି ଟୀକାକରଣ କେନ୍ଦ୍ର ରହିଛି ଏବଂ ଏହା ଖୋଲା ଅଛି କି ବନ୍ଦ ତାହା ମଧ୍ୟ ଜାଣି ପାରିବେ । ଗୁଗୁଲ୍ ମ୍ୟାପ୍ସ ବ୍ୟତୀତ, ଅନ୍ୟାନ୍ୟ ଉପାୟ ମଧ୍ୟ ଅଛି ଯାହା ଦ୍ୱାରା ଆପଣ ଟୀକାକରଣ କେନ୍ଦ୍ର ଖୋଜି ପାରିବେ । ଆମେ ଆପଣଙ୍କୁ ତିନୋଟି ଉପାୟ ବିଷୟରେ କହିବୁ ଯାହା ଦ୍ୱାରା ଆପଣ କୋଭିଡ -19 ର ଟୀକାକରଣ କେନ୍ଦ୍ର ଜାଣିପାରିବେ ।
ଗୁଗୁଲ ମ୍ୟାପ୍ ମାଧ୍ୟମରେ ଜାଣନ୍ତୁ
ଗୁଗୁଲ୍ ମ୍ୟାପ୍ ମାଧ୍ୟମରେ କୋଭିଡ୍ -19 ଟୀକାକରଣ କେନ୍ଦ୍ର କିପରି ପାଇବେ ତାହା ଖୋଜିବା ପାଇଁ ଆପଣଙ୍କୁ ଗୁଗୁଲ୍ ମ୍ୟାପ୍ସକୁ ଯିବାକୁ ପଡିବ । ଏଠାରେ ଆପଣଙ୍କ ନିକଟସ୍ଥ ଟୀକାକରଣ କେନ୍ଦ୍ର କେଉଁଠି ଅଛି ତାହା ଜାଣି ପାରିବେ । ଗୁଗୁଲ୍ ମ୍ୟାପ୍ ସ୍ୱୟଂଚାଳିତ ଭାବରେ ଆପଣଙ୍କୁ ନିକଟସ୍ଥ ଟୀକାକରଣ କେନ୍ଦ୍ର ବିଷୟରେ ସୂଚନା ଦେବ । ବଡ କଥା ହେଉଛି ଗୁଗୁଲ୍ ମ୍ୟାପ୍ ମଧ୍ୟ ଆପଣଙ୍କୁ କହିବ ଯେ ଉକ୍ତ ଟୀକାକରଣ କେନ୍ଦ୍ର ଖୋଲା ଅଛି କି ନାହିଁ ।
CoWIN ମାଧ୍ୟମରେ ଟୀକାକରଣ କେନ୍ଦ୍ର ଖୋଜନ୍ତୁ

• ପ୍ରଥମେ CoWIN (cowin.gov.in) ଓ୍ୱେବସାଇଟକୁ ଯାଆନ୍ତୁ ।
• ଏଠାରେ ମୂଳପୃଷ୍ଠା (ହୋମପେଜ)କୁ ଯାଆନ୍ତୁ ଏବଂ ସ୍କ୍ରୋଲ୍ କରନ୍ତୁ । Find Your Nearest Vaccination Center ଆପଣଙ୍କୁ ଦେଖାଯିବ
• ପ୍ରଦତ୍ତ ମାନଚିତ୍ରରୁ ଆପଣଙ୍କର ଅଞ୍ଚଳ ଚୟନ କରନ୍ତୁ
• ଆପଣଙ୍କ ସନ୍ଧାନ ବା ସର୍ଚ୍ଚ ବିଷୟରେ ସାମ୍ପ୍ରତିକ ଅବସ୍ଥାନ ବା କରେଣ୍ଟ୍ ଲୋକେସନ୍ ସୂଚନା ପଚରାଯିବ, ଏଥିରେ କ୍ଲିକ୍ କରନ୍ତୁ
• ଏହା ବ୍ୟତୀତ, ଆପଣ ନମ୍ବରରେ ଆପଣଙ୍କର PIN କୋଡ୍ ମଧ୍ୟ ଦେଇପାରିବେ
• CoWIN ଆପଣଙ୍କୁ ନିକଟସ୍ଥ ଡାକ୍ତରଖାନା ଏବଂ ଟୀକାକରଣ କେନ୍ଦ୍ରଗୁଡ଼ିକ ବିଷୟରେ ସୂଚନା ଦେଖାଇବ
• ଏଥିସହିତ ଟୀକାକରଣ କେନ୍ଦ୍ରର ଆପଣଙ୍କୁର ସମ୍ପୂର୍ଣ୍ଣ ଠିକଣା ମଧ୍ୟ ଏଠାରେ ମିଳିବ

MapmyIndia ମାଧ୍ୟମରେ କୋଭିଡ 19 ଟୀକାକରଣ କେନ୍ଦ୍ର ଜାଣନ୍ତୁ

• MapmIndia କୁ ପୋର୍ଟାଲ୍ କିମ୍ବା ଆପ୍ ରେ ଲଗ୍ ଇନ୍ କରନ୍ତୁ ।
• ସର୍ଚ୍ଚ ବକ୍ସରେ ସାମ୍ପ୍ରତିକ ଅବସ୍ଥାନ ବା କରେଣ୍ଟ୍ ଲୋକେସନ୍ ଉପରେ କ୍ଲିକ୍ କରନ୍ତୁ କିମ୍ବା ଆପଣଙ୍କ ଠିକଣା ପୁରଣ କରନ୍ତୁ
• ବର୍ତ୍ତମାନ ବାମ ମେନୁରୁ ଟୀକାକରଣ କେନ୍ଦ୍ର ବିକଳ୍ପ ଉପରେ କ୍ଲିକ୍ କରନ୍ତୁ
• ଆପଣଙ୍କ ଘର ଚାରିପାଖରେ ଥିବା ସମସ୍ତ ଟୀକାକରଣ କେନ୍ଦ୍ରର ତାଲିକା ଖୋଲିବ ଏବଂ ଆପଣ ଟୀକାକରଣ କେନ୍ଦ୍ର ବିଷୟରେ ଜାଣି ପାରିବେ

English summary

Want to Locate the Nearest Covid19 Vaccination Centre heres how to do it