ଉତ୍କଳ ଦିବସ ୨୦୨୩ ଲାଇଭ୍ ଅପଡେଟ୍: ୮୮ ତମ ପ୍ରତିଷ୍ଠା ଦିବସ ପାଳିଲା ଓଡିଶା, ବିଭିନ୍ନ ସ୍ଥାନରେ ସାଂସ୍କୃତିକ କାର୍ଯ୍ୟକ୍ରମ
Utkal Divas 2023 Live: ଆଜି ଉତ୍କଳ ଦିବସ ।ଚଳିତ ବର୍ଷ ୮୮ ତମ ଉତ୍କଳ ଦିବସ ପାଳନ କରୁଛି ଓଡ଼ିଶା । ଏହି ଦିନକୁ ନେଇ ସାରା ରାଜ୍ୟବାସୀ ଉତ୍ସାହିତ ଥିବା ବେଳେ ଗର୍ବର ସହ ଉତ୍କଳ ଦିବସ ପାଳ କରନ୍ତି ପ୍ରତିଟି ଓଡ଼ିଆ । ନିଜକୁ ଓଡ଼ିଆ ଭାବେ ଗର୍ବ ଅନୁଭବ କରନ୍ତି । ତେବେ ଓଡ଼ିଶାର ଏହି ସ୍ବତନ୍ତ୍ର ଦିବସ ଅବସରେ ରାଜ୍ୟ ବ୍ୟାପି ତଥା ରାଜ୍ୟ ବାହାରେ ଅନୁଷ୍ଠିତ ହେବାକୁ ଥିବା ପ୍ରତିଟି ଘଟଣାବଳୀର ଟିକିନିକ୍ ଅପଡେଟ୍ ପାଇବେ ଆମ ଏହି ୱାନଇଣ୍ଡିଆ ଓଡ଼ିଆ ଲାଇଭ୍ ପେଜରେ....
1936 ପୂର୍ବର ଇତିହାସ
1936 ପୂର୍ବରୁ ଓଡିଶା ସ୍ୱତନ୍ତ୍ର ରାଜ୍ୟ ନଥିଲା । ପଶ୍ଚିମରେ ସମ୍ବଲପୁର ମଧ୍ୟପ୍ରଦେଶ ସହିତ ମିଶିଥିବାବେଳେ ଉତ୍ତରରେ ବାଲେଶ୍ୱରରେ ବଙ୍ଗଳାର ପ୍ରଭାବ, କେତେକ ଅଞ୍ଚଳ ବିହାରରେ , ଦକ୍ଷିଣରେ ଗଞ୍ଜାମ ମାଡ୍ରାସ ରେସିଡେନ୍ସି ଅଧିନରେ ଥିଲା । କିନ୍ତୁ ଉତ୍କଳ ଗୌରବ ମଧୁସୂଦନ ଦାସ, ଉତ୍କଳ ମଣି ଗୋପବନ୍ଧୁ ଦାଶ, ମହାରାଜା କୃଷ୍ଣଚନ୍ଦ୍ର ଗଜପତି, ବ୍ୟାସକବି ଫକିର ମୋହନ ସେନାପତି, ରାଧାନାଥ ରାୟ, ଗଙ୍ଗାଧର ମେହେରଙ୍କ ପରି ବୀର ପୁତ୍ର ସ୍ୱତନ୍ତ୍ର ଓଡିଶା ପ୍ରଦେଶ ଗଠନ କରିବା ପାଇଁ ସଘଂର୍ଷ କରିଥିଲେ । ଏହି ବୀର ପୁତ୍ରଙ୍କ ସଘଂର୍ଷରେ 1903 ରେ ପ୍ରଥମେ ଗଠନ ହୋଇଥିଲା ଉତ୍କଳ ସମ୍ମିଳନୀ । ଜୋରଦାର ସଂଗ୍ରାମ ପରେ 1936 ମସିହା ଅପ୍ରେଲ 1 ରେ ଗଠନ ହେଲା ସ୍ୱତନ୍ତ୍ର ଓଡିଶା ପ୍ରଦେଶ ।
ରାୟାଗଡ଼ ଜିଲ୍ଲାସ୍ଥରୀୟ ଓଡିଶା ଦିବସ ପାଳନ ଶୋଭାଯାତ୍ରା
ରାୟାଗଡ଼ ଜିଲ୍ଲାସ୍ଥରୀୟ ଓଡିଶା ଦିବସ ପାଳନ ଶୋଭାଯାତ୍ରା l ଯୋଗଦେଲେ ମୁଖ୍ୟ ଅତିଥି ସୁଶ୍ରୀ ସରସ୍ବତୀ ମାଝୀ, ଜିଲ୍ଲା ପରିଷଦ ଅଧ୍ୟକ୍ଷା,ଅନୁସୂଚିତ ଜନଜାତି କଲ୍ୟାଣ ମନ୍ତ୍ରୀ ଶ୍ରୀଯୁକ୍ତ ଜଗନ୍ନାଥ ସାରକା, ସ୍ୱତନ୍ତ୍ର ଉନ୍ନୟନ ପରିଷଦ ଅଧକ୍ଷା ଅନୁସୂୟା ମାଝୀ, ବିଧାୟକ ରାୟଗଡ ମକରନ୍ଦ ମୁଦୁଲି, ଅତିରକ୍ତ ଜିଲ୍ଲାପାଳ, ମାନ୍ୟଗଣ୍ୟ ଅତିଥି, ଛାତ୍ର ଛାତ୍ରୀ ।
READ MORE
Click it and Unblock the Notifications
Sign in with Google