କାଠଯୋଡ଼ିରେ ବୁଡିଯାଇ ଦୁଇ ନାବାଳକ ନିଖୋଜ

ଦିନକୁ ଦିନ ବୃଦ୍ଧି ପାଉଛି ପାଣିରେ ବୁଡ଼ି ମୃତ୍ୟୁ ଘଟଣା । ଚଳିତ ବର୍ଷ କଟକରେ କାଠଯୋଡ଼ି ଓ ମହାନଦୀରେ ବୁଡ଼ି ପ୍ରାଣ ହରାଇଲେଣି ୩୦ରୁ ଅଧିକ । ସଚେତନତାର ଅଭାବ ଏବଂ ଖାମଖିଆଲି ମନୋଭାବ ଯୋଗୁଁ ଏ ଘଟଣା ବଢୁଥିବା ବେଳେ ଆଜି କଟକ କାଠଯୋଡ଼ିରେ ପୁଣି ଘଟିଛି ସମାନ ଘଟଣା । ଗାଧୋଇବା ବେଳେ ନଦୀରେ ଭାସି ଯାଇଛନ୍ତି ଦୁଇ ନାବାଳକ ।

ପଞ୍ଚୁକ ସଂକୀର୍ତ୍ତନ ପାଇଁ ଯାଇଥିଲେ ନଦୀକୁ । କାଠଯୋଡ଼ି ନଦୀରେ ଗାଧୋଇବା ବେଳେ ଦୁଇ ନାବାଳକ ବୁଡିଯାଇ ନିଖୋଜ ଅଛନ୍ତି । ଖବର ପାଇ ଅଗ୍ନିଶମ ବାହିନୀର ଦୁଇଟି ଟିମ ପହଞ୍ଚି ସର୍ଚ୍ଚ ଅପରେସନ ଆରମ୍ଭ କରିଛି । ଅସଫଳ ହେବାରୁ ଏପଟେ ସ୍କୁବା ଡାଇଭର ଟିମ ଓ ଓଡ୍ରାଫର ଗୋଟେ ଟିମ, ପହଁଚି ସର୍ଚ୍ଚ ଅପରେସନ ଆରମ୍ଭ କରିଥିଲେ ।

ହେଲେ ନିଖୋଜ ନାବାଳକଙ୍କର କୌଣସି ପତା ମିଳିପାରିନାହିଁ । ଏପଟେ ପାଣିର ସ୍ରୋତ ଅଧିକ ଥିବାରୁ ସର୍ଚ୍ଚ ଅପରେସନ ପାଇଁ ବାଧା ଉପୁଜୁଛି । ପାଣିର ଗଭୀର ପ୍ରାୟ 30 ଫୁଟରୁ ଉର୍ଦ୍ଧ୍ଵ ରହିଥିବାରୁ ଖୋଜିବାରେ ଅସୁବିଧା ହେଉଛି ।