ସମ୍ବଲପୁରରେ ପଶ୍ଚିମବଙ୍ଗ ଧାନ ବୋଝେଇ ଟ୍ରକ

Sambalpur News: ସମ୍ବଲପୁରରେ ଜବତ ହେଲା ପଶ୍ଚିମବଙ୍ଗ ନମ୍ବର ଥିବା ଧାନ ବୋଝେଇ ଟ୍ରକ । ଧାନକଉଡ଼ା ବ୍ଲକ ସାତୁପାଲି ନିକଟରେ ଯୋଗାଣ ବିଭାଗ ଜବତ କରିଛି ତେବେ ଘଟଣାସ୍ଥଳରୁ ଟ୍ରକ ଡ୍ରାଇଭର ଫେରାର ହୋଇଯାଇଥିବା ନେଇ ସୂଚନା ରହିଛି ।

ସୂଚନା ଅନୁସାରେ, ପଶ୍ଚିମବଙ୍ଗର ଏକ ଧାନ ବୋଝେଇ ଟ୍ରକ ଦେଖି ସ୍ଥାନୀୟ ଚାଷୀ ଯୋଗାଣ ବିଭାଗକୁ ଖବର ସୂଚନା ଦେଇଥିଲେ । ଜବତ ଟ୍ରକ ନମ୍ବରଟି ହେଉଛି WB33-B-0145 । ଖବର ମିଳିବା ପରେ ଯୋଗାଣ ବିଭାଗ ଅଧିକାରୀ, ଧନକଉଡ଼ା ବ୍ଲକ ଯୋଗାଣ ନିରୀକ୍ଷକ ପ୍ରମୁଖ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ । ଘଟଣାସ୍ଥଳରୁ ଟ୍ରକ ଡ୍ରାଇଭର୍ ଫେରାର ଥିବା ନେଇ ସୂଚନା ରହିଛି ।

ତେବେ ଧାନ ଓ ଟ୍ରକର ମାଲିକ ସୁନ୍ଦରଗଡ଼ ଜିଲ୍ଲା ଲହୁଣୀପଡା ଅଞ୍ଚଳର ଜଣେ ବ୍ୟକ୍ତି ସେ ଗାଡ଼ି ଡକ୍ୟୁମେଣ୍ଟ ଦେଖାଇଥିଲେ ହେଲେ ଧାନ ବିଷୟରେ କୌଣସି ସ୍ପଷ୍ଟ ସୂଚନା ସେ ଦେଇପାରିନଥିଲେ । ଯୋଗାଣ ବିଭାଗ ଧାନ ବୋଝେଇ ଟ୍ରକକୁ ଜବତ କରି କର୍ଡୋଲା ପଞ୍ଚାୟତର ଏକ ରାଇସ୍ ମିଲରେ ରଖିଛି। କାଗଜପତ୍ର ଜବତ କରି ଅଧିକ ତଦନ୍ତ କରୁଛି ଯୋଗାଣ ବିଭାଗ।

English summary

Trucks loaded with West Bengal paddy arrive in Sambalpur.