ଆସନ୍ତାକାଲିଠୁ କଡାକଡି଼ ଯାଞ୍ଚ, ସ୍କୁଲ ଛାତ୍ରଛାତ୍ରୀ ଗାଡି ଚଳାଉ ଥିଲେ ସାବଧାନ

Published: Monday, March 27, 2023, 19:20 [IST]

ଭୁବନେଶ୍ୱର: ସ୍କୁଲ ଛାତ୍ରଛାତ୍ରୀ ଗାଡି ଚଳାଉଥିଲେ ସାବଧାନ । ଗାଡିମାଲିକଙ୍କୁ ହୋଇ ପାରେ ଜେଲ । ୨୫ ବର୍ଷ ପର୍ଯ୍ଯନ୍ତ ନାବାଳକଙ୍କୁ ମିଳିବନି ଲାଇସେନ୍ସ । ଆସନ୍ତାକାଲିଠୁ କଡାକଡି଼ ଭାବେ ହେବ ଯାଞ୍ଚ ।

ମୋଟର ଆଇନ ୧୯-ଇ ଆଧାରରେ ନିୟମ ଉଲଙ୍ଘନକାରୀଙ୍କ ଉପରେ କଡା କାର୍ଯ୍ଯ ଅନୁଷ୍ଠାନ ହେବ । ୨୫ ହାଜର ଟଙ୍କା ପର୍ଯ୍ଯନ୍ତ ମଧ୍ୟ ଫାଇନ ଦେବାକୁ ପଡ଼ିବ । ଏହା ସହ ଗାଡି ମାଲିକ କିମ୍ବା ଅଭିଭାବକଙ୍କୁ ଜେଲ ଦଣ୍ଡ ଭୋଗିବାକୁ ମଧ୍ଯ ପଡିପାରେ। ଏଥିସହ ୨୫ ବର୍ଷ ପର୍ଯ୍ଯନ୍ତ ସମ୍ପୃକ୍ତ ନବାଳକଙ୍କୁ ମିଳିବନି ଗାଡି ଲାଇସେନ୍ସ ।

ଗତ ତିନିଦିନ ହେବ ମଦ୍ୟପ ଗାଡିଚାଳକଙ୍କ ବିରୋଧରେ ପରିବହନ ବିଭାଗ କଡା କାର୍ଯ୍ଯାନୁଷ୍ଠାନ ଗ୍ରହଣ କରିଛି । ସାରା ରାଜ୍ୟରେ ମୋଟ ୭୬୩ ମାମଲା ହୋଇଛି । ଆସନ୍ତାକାଲି ସାରା ରାଜ୍ୟରେ ପୁଣି ଯାଞ୍ଚ କଡାକଡି କରାଯିବ ।

ମୁଖ୍ୟତଃ ଗାଡି ଚଲାଉଥିବା ସମୟରେ ନିଶା ସେବନ କରିବା, ବିନା ହେଲମେଟରେ ଗାଡି ଚଳାଇବା, ଦ୍ରୁତ ଗତିରେ ଗାଡି ଚାଳନା ଉପରେ ନଜର ରଖାଯିବ । ଏପ୍ରିଲ ପହିଲାରୁ ୭ ତାରିଖ ଯାଏଁ ପରିବହନ ବିଭାଗ ଜିରୋ କାଜୁଆଲିଟି ଉପରେ ଗୁରୁତ୍ବ ଦେଇଛି । ଏହି ୭ ଦିନ ରାଜ୍ୟର ବିଭିନ୍ନ ଜିଲ୍ଲାରେ ଚଢ଼ାଉ କରାଯିବ ।

Published On March 27, 2023