ଆଜି ବି ୨୦୦୦ ଟଙ୍କିଆ ନୋଟ୍ ବଦଳାଇବାକୁ ଆରବିଆଇ ଆଗରେ ଲାଗିଛି ଲମ୍ବା ଲାଇନ୍

Updated: Thursday, November 2, 2023, 12:00 [IST]

ଭୁବନେଶ୍ୱର: ଆଜି ବି ୨୦୦୦ ଟଙ୍କିଆ ନୋଟ୍ ବଦଳାଇବାକୁ ଆରବିଆଇ ଆଗରେ ଲାଗିଛି ଲମ୍ବା ଲାଇନ୍ । ସକାଳୁ ସକାଳୁ ଉଭୟ ମହିଳା ଏବଂ ପୁରୁଷଙ୍କ ଭିଡ଼ ଦେଖିବା ପାଇଁ ମିଳୁଛି । ଗତ ୪ଦିନ ହେବ ଆରବିଆଇ ଆଗରେ ଏପରି ଲୋକଙ୍କ ଭିଡ଼ ଦେଖିବା ପାଇଁ ମିଳୁଛି । ଗତକାଲି ଇଡି ଏବଂ ଇଓଡବ୍ଲୁ ଟିମ୍ ଆରବିଆଇ ଆଗରେ ଧାଡିରେ ଛିଡା ହୋଇଥିବା ଲୋକଙ୍କୁ ପଚରଉଚରା କରିବା ସହ ସେମାନଙ୍କ ଆଧାରକାର୍ଡର ଯାଞ୍ଚ୍ କରିବା ସହ ଫଟୋ ଉଠାଇଥିଲା ।

ଭୁବନେଶ୍ୱର RBI ଆଗରେ ଲାଇନ୍ ରେ ଛିଡ଼ା ହୋଇଥିବା ଲୋକଙ୍କୁ ପଚରାଉଚୁରା କରିଥିଲା ଇଡି ଇଓଡବ୍ଲୁ । କେବେ ବର୍ତ୍ତମାନ ପ୍ରଶ୍ନ ଉଠୁଛି ଏହି ଟଙ୍କା କାହାର ଏବଂ ଏତେ ଟଙ୍କା କେଉଁଠୁ ଆସିଲା ଏବଂ ଏତେ ଦିନ ହେବ କାହିଁକି ଟଙ୍କା ବଦଳାଇନଥିଲେ, ଏ ଟଙ୍କା ବଦଳାଇବାକୁ ଅନ୍ୟ କେହି ଦେଇଛନ୍ତି କି ? ଟଙ୍କା ବଦଳାଇବାକୁ କିଛି ପାରିଶ୍ରମିକ ମିଳୁଛି କି ଏଭଳି ଅନେକ ପ୍ରଶ୍ନ ସାଧାରଣ ଲୋକଙ୍କୁ ପଚାରୁଛି ଇଓଡବ୍ଲୁର 2 ଜଣିଆ ଟିମ୍ ।

ସନ୍ଦେହ ହେଉଥିବା ବ୍ୟକ୍ତିଙ୍କ ନାଁ ଠିକଣା ମଧ୍ୟ ଇଓଡବ୍ଲୁ ସଂଗ୍ରହ କରୁଥିବା ସୂଚନା ମିଳୁଛି । ସେମାନଙ୍କର ଆଧାରକାର୍ଡ ନମ୍ବର ସହ ଫଟୋ ଉଠାଇ ନେଉଥିବା ଦେଖିବାକୁ ମିଳୁଛି । ପରବର୍ତ୍ତୀର୍ ସମୟରେ କିଛି ଲୋକଙ୍କୁ ଇଓଡବ୍ଲୁ ପଚରାଉଚରା କରିପାରେ ବୋଲି ସୂଚନା ମିଳିଛି ।

ତେବେ ସନ୍ଦେହ କରାଯାଉଛି ଯେ, କଳା ଟଙ୍କାକୁ ଧଳା କରିବା ପାଇଁ ଚେଷ୍ଟା କରାଯାଉଛି । କିଛି ଦଲାଲ ଏବଂ ଧନୀ ଶ୍ରେଣୀର ଲୋକ ଏହି କାର୍ଯ୍ୟରେ ନିୟୋଜିତଥାଇ ପାରନ୍ତି ବୋଲି ସନ୍ଦେହ କରାଯାଉଛି । ପୋଲିସ କବଳରୁ ବଞ୍ଚିବା ପାଇଁ ଏହା ଏକ ସଡଜନ୍ତ୍ର ହୋଇପାରେ ବୋଲି ସନ୍ଦେହ କରାଯାଉଛି । କିନ୍ତୁ ଏ ଟଙ୍କା କାହାର ତାହା ସବୁଠୁ ବଡ ପ୍ରଶ୍ନ । କାହା ନିର୍ଦ୍ଦେଶରେ ଏମାନେ ଟଙ୍କା ବଦଳାଇବାକୁ ଲମ୍ବା ଧାଡିରେ ଛିଡା ହେଉଛନ୍ତି ସେ ବାବଦରେ ତନାଘନା ଆରମ୍ଭ କରିଛି ଇଓଡବ୍ଲୁ ।